Jobu 10:9 - Iaai Bible 1901 (New Caledonia)

⁹ Ö u ûnykûme ju a u je up nya helâ me kânâ ae kece; Ke hawa, u me he ka ohmetu nya ka hnyi kânâ?

Jobu 10:9 ပူးပေါင်းရင်းမြစ်များ

Genese 2:7

Ke haba Iehova Khong ame op at ge sesâiny kânâ, me menâ ka hnyi li hnyingöiny homenâiny möt; ke haba at ame wia me me hanu ae möt.

Genese 3:19

ke u me he ka han ûnyi ge khuniny hnyimâkâm, ke ne o but ûen u me he ka hmetu ka hnyi kânâ; anyin adre hum u ûnyi hnyin e; anyin a u sesâiny kânâ, ke u me he ka hmetu hmetu ka knyi sesâiny kânâ.

Jobu 10:10

Hawa, u je ca hingölö nya helâ me dân basin, Me owahmai nya helâ me fromage?

Jobu 17:14

Oge ne hia but ha ka bobot, ka habe, U kamök; Me ka wahnyöng, U hinyök me hanik;

Jobu 33:6

Wâ bi, oge me hnyimakök ka Khong helâ me u: Adre up nya minya ûnyi hnyi kânâ ae kece.

Jobu 34:15

Ame he ka tha mok tavat hia, Ke ame he at ka hmetu ka hnyi kânâ.

Jobu 4:19

Awe, ame ca helâe ge tavat adre me labā je uma kânâ ae kece, Ke kânâ dok adre hwân hnyin, Ke adre bödra ka hlic ödrin, ke biliny bi walelaba!

Jobu 7:21

Ke ieû u je ca hna degecâ gan anyik hulo, me hom degecâ anyik monu? Anyin a walang ang oge me he ka mokut eû hnyi kânâ; Ke u me he ka elöm nya wia, ke hiö nya bi.

Jobu 7:7

Öbun na ûnykûme ju a haba melik me helâ me ang: Kʼ ame ca he hmetu emakök ka wâ so.

Salamo 103:14

Anyin ae khana bongon hna tretrau ota; E ame labö ûnykûme a ota sesâiny kânâ.

Salamo 104:29

U je ikhâlâ hnyimâkâm me adre me hlohlo; U je hom hmetu homenâ gadra, me adre me mokcu, Kʼ adre me hmetuhmetu ka hnyi sesâ.

Salamo 106:4

Iehova lö ûnykûmi nya ju hel me hnâm hna labö betenge ka lakem; U na senö nya ju ge ânyâm ûhomeli:

Salamo 22:15

E atgec dö tang hwegiök helâ me wataginy kaia; Ke ame kece bohmök ka hnyi wahicok; Ke u je hia but hum nya ka hnyi sesâiny kânâiny mok.

Salamo 25:18

Ûnykûme ju anyik hmak me anyik vec; Me thang degecâ but anyik ta je hulo hia.

Salamo 78:39

Ke e ame ûnykûme a ödra tavat bi; A ang ame he but, kʼ ame ca hmetu but.

Salamo 89:47

Ö u ûnykûme ju ae okhulit bonguk ta je bong: Ieû gam u je hia but op gufa lakon tavat hia thithö!

Salamo 90:3

U je wia at me me sesâiny kânâ; Me ha, ka habe, Hmetuhmetu ju öbun lakon tavat.

At Khet 12:7

ke ame hmetu sesâ hnyikânâi, helâ me ehac, ke ame he hmetu hanu ka Khong at ame ham e.

Isaia 45:9

Ekölö ge at ame iwatretra me at a op e! a ec kaia unyin ta je ec kaia eang hmeledrany! hawa, ame he kânâ ae kece ka ha ka at a op e, ka habe, Ieû u me op? ke hawa, ame he ûnyi u je huliwan ka ha, ka habe, E ba li hnyamen?

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 64:8

Ke walang ang, Iehova lö, u thibi Kamöhmun; öhmun ang kânâ ae kece, ke u at ame op kaia; ke öhmun hia thithö ang huliwa, anyin hnyamâm.

Jeremia 18:6

Lap anyi Isaraela lö, hawa, e ca khanö nya he ka ânyâ köbun helâ me man at ang ame up kaia? haingö Iehova. Lap anyi Isaraela lö, wâ bi, öbun ûcû hnyi hnyamok me kânâ ae kece hnyi hnyamen at ame up kaia.

Roma 9:21

Hawa ge at ame op kaia kânâ, e ame ca musi ka kânâ, he ka op utkaia ae so, ame ne utkaia ae kong bi?

II. Korinito 4:7

Ke hu but gahmun tang omjeû eang hnyi je utkaia kânâ, me me ûnyi ge Khong ûganiny man ae nua, ke ca ka ûnyi hi gahmun;