Jobu 1:1 - Iaai Bible 1901 (New Caledonia)

¹ E HU ke at hnyi hnyei Uza, Jobu ien; ke bekhot me wisa hwakecin, e at ame outen Khong me ûsâkâûö me hulo.

Jobu 1:1 ပူးပေါင်းရင်းမြစ်များ

Genese 10:23

Ke haba laku Arama; Uza, me Huli, me Gethera, me Mase.

Genese 17:1

KE nainte nain hunai Aberama, me ame manen dut Iehova kö Aberama, me ha kân, ka habe, Inya ang Khong Ataekhanahia; u ma he hnyi hnyimakök, ke wisa but.

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 36:28

Ke walang li laku Disana; jia üza, me Arana.

Genese 42:18

Ke haba hnyi bong a kuniny Josefa ame ha ködrin, ka habe, Ânyâ thʼ öbun ûnyi ang mʼ öbun e möt; anyin a iny outen Khong:

Genese 6:9

Walang ta je dö anyi Noa. Haba Noa, at ae wisa, ke fâfâ but hnyi anyin ta je dö: haba Noa ame tha he me Khong.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

I. Man Ûlabainy Je Than. 1:17

Haba je baga laku Sema; me, Elama, me Asura, me Afasada, me Luda, me Arama, me Uza, me Huli, me Gethera, me Meseka

I. Man Ûlabainy Je Than. 1:42

Je baga laku Ezera; jia Bilehana, me Zaavana, me Akana. Li baga laku Disona; jia Uza, me Arama.

Jobu 1:8

Haba Iehova ame ha kö Satana, ka habe, Hawa, u je wâ ûnykûme athnyabaik a Jobu, anyin ae ba ke at ae ûcû mē eang hmeledrany, at ae ti so hwakecin ke wisa, at ame outen Khong, me ûsâkâûö me hulo.

Jobu 2:3

Haba Iehova ame ha kö Satana, ka habe, Hawa u me wâ ûnykûme athnyabaik a Jobu? anyin ae ba ke at ae ûcû mē eang hmeledrany, at ae ti so hwakecin, ke wisa, ke e at ame outen Khong, me ûsâkâuö me hulo: ke e hwege bala bi hnyi anyin wisa, ke u me cubic nya he ka ohia e, ke ba can.

Jobu 28:28

Ke e ame ha ka at, ka habe, Wâ bi, haba hna outen Than, me wale metâ; Ke adre me ne degec hulo, me wale wâ ûnykûme.

Jobu 4:6

Hawa ge hnâm hna outen Khong, ca wale ânyâm labageju, Ke hnâm hna he wisa, ca wale bi hnâm hna gejon?

Jobu 9:21

Oge ne wisa; me oge me ca wâhmakhmetu nya bi; iny höciâ anyik möt.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Ta je Vejec 14:16

Ame ot at ae metâ, me kec ge hulo: Ke haba at ae monu ame bi gan, me ka geju kâu bi.

Ta je Vejec 14:2

Haba at ame he hnyi anyin wisa me e ame outö Iehova; Ke haba at ae hwali deny gethen, me ame hûkötiâ e.

Ta je Vejec 16:17

Haba hna cit gethen deny at ae wisa, me ame saû ûnyi ge hulo: Haba at ame tuö deny gethen, me ame omelo hanon.

Ta je Vejec 16:6

Ame he ka hneû degecâ hulo hnen ibetengiö me hnathu: Kʼ ame he tavat ka hota hulo ge ot kö Iehova.

Ta je Vejec 20:7

Haba at ae wisa, wale at ame he hnyi anyin wisa, Me hnahic bi lakon hwaban.

Ta je Vejec 3:7

Ca oûnyihnathoâ ânyâm bi metâ; Ot ju ga Iehova, me kec do ge hulo:

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Jeremia 25:20

me ke je tavat bi ae ve bongon hia, me ta je than hia thithö hnyei Uza, me ta je than hia thithö hnyi hnyei Filisiti, me Asekelona, me Gaza, me Ekerona, me je kolon hnyi Asedoda;

Je tenge anyi Jeremi 4:21

Senyin dö me hobâ thö, u hluiny Edoma, at ame laba hnyi Uza: Ke ame he ka o köu minya kaia; u me he ka monu ge grâg, me he thu ka ûnyi bi gam.

Ezekiela 14:14

eja ke ne a ne eling hnyat ang a kun, a Noa, me Daniela, me Jobu, ödrin e he ka ve omeli ödrin bi hake ödrin hnen hwakecidrin ae wisa, haingen Than Iehova.

Ezekiela 14:20

eja ke ne a ne eling Noa, me Daniela, me Jobu, haingen Than Iehova, Kia inya inya, a ödrin e ca he bi ka omelo je lakon obaga me wahlu; ke ödrin e he thibi ka omeli ödrin bi ge hwakecidrin ae wisa.

Luka 1:6

Ke ödru li at ae wisa hnyi hnyimakan Khong, kʼ ödru me vheno ta je hnanyibu ke ta je hna otilâ hnen Than, ke ba monu gadru.

Deuteronomi 18:13

U me he ka ti wisa kö Iehova Khongom.

Iakobo 5:11

Wâ bi, ate me ûnykûme hnödra hnahic adre me hokhnyok: öbun e hia but löng ge hokhnyok anyi Jobu, ke öbun e hia but wâ hna bi obiny Than, a gʼ ame seōn Than, kʼ ame betenge gan hmâ.

I. Peteru 3:11

E so e ame saû but ûnyi hnyi hulo, me mâdrâ so; E so e ame elâm ûsoköu, me hnu hoton e.