Jeremia 9:7 - Iaai Bible 1901 (New Caledonia)

⁷ Anyin a wale walang hna ha hnö Iehova tuhan sabaoth, Wâ bi, oge me be ka oköiʼ ödra, me cubic ödra; anyin a ieû hmetu ke ûnyi oge me he ka ânyâ, can hluiny ik hnyei?

Jeremia 9:7 ပူးပေါင်းရင်းမြစ်များ

II. Samuela 13:26

Haba Abasoloma ame ha, ka habe, Ame ne ba, ö e tha he möhmun Aminona liamekeiny mönya. Haba than ame ha kâu, ka habe, Hnân eû e ame he ka tha he möu?

II. Man Ûlabainy Je Than. 36:15

Ke haba Iehova Khongon je lakamödrin, ame ûkhûnöng ködrin a deny anyin je ûthumetu, ame vesâkong me ûkhûnöng; anyin a e ame betenge ge lakeiny, me hnyaban:

Salamo 120:4

Je fana anyin at hwege ae so homakan, Me je walepiny sâ.

Salamo 55:22

Khûâ but kö Iehova ûnyi u me hmak gan, ke e ame he ka ci u; E ame ca he balua ka hna at ae wisa he ka bwebwet.

Salamo 62:5

Hanuk lö, e so u me he ka laba hnyibû ka Khong thibi; Anyin a ûnyi gan hnok hna gejon.

Isaia 1:25

ke oge me he ka wia hnyamok köu, me ti thong degecâ kânâm kânâ, me hom hia ânyâm dron fao:

Isaia 48:10

Wâ bi, oge hia but cubic u, ke ca helâ me sileva; oge ûco u hnyi hna meicin seda.

Isaia 59:3

Anyin ae kong ut je hnyamöbun ge dra, me je banyöbun hnen hulo; ame ha thoi hnen je esongodibun, ke ame fuc monu je bohmöbun.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Jeremia 6:27

Oge hia but otilö hnân tap tue me hnabâ unyin lakeik; me ame he ka khanö u me cubec dedra gethen.

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Malaki 3:3

ke e ame he ka laba helâ me at le me ânyâwia sileva, ke e ame he ka obosoâ je laku Levi, me ânyâwi ʼödra helâ me gol me sileva; ke adre me he ka hudo kö Iehova je hut hnyi hwakecin ae wisa.

I. Peteru 1:7

mʼ adre me he ka wâ hna ohnathoâ anyibun labageju ae ûnyi hnathu hon gol, ke so bi adre cubec e ge meic, mʼ adre me he ka haisoâ me ogânâ me olungâ e ka manen dut Iesu Keriso:

I. Peteru 4:12

Je oûnykûminy lö, ca he öbun ka lâiâ ge ûcûbic helâ me meic unyibun ame o he ka cubic öbun, helâke me ûnyi ae teb ûnyi ame o köbun: