Jeremia 9:6 - Iaai Bible 1901 (New Caledonia)

⁶ E bi, hnyabam hnyi wanben iyawo; can iyawo ödra höcö he ka wâhmakhmetu nya, haingö Iehova.

Jeremia 9:6 ပူးပေါင်းရင်းမြစ်များ

Ta je Vejec 1:24

Can oge me hongot, ke öbun höcö; Oge me hinôbeny, ke ba at ame long;

Ta je Vejec 1:29

Anyin adre me hûkötö he ka wâhmakhmeto, Kʼ adre me ca ûca he ka outö Iehova:

Isaia 1:25

ke oge me he ka wia hnyamok köu, me ti thong degecâ kânâm kânâ, me hom hia ânyâm dron fao:

Isaia 1:3

E khana but bolok at a haleny e, ke e khana but asina taben han ûnyi ge tuhan: ke ca khana Isaraela bi, kʼ ame ca ûnykûme bi lakeik.

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Jeremia 11:10

Adre me hmetuhmetu but ka je hulo anyin lakamödra waleji adre me höcö long hok ta je hofuc; ke adre me hnu hoton ke je khong he ka bi athnyaba ködrin: a hia but lap anyi Isaraela me lap anyi Juda thamuâ ûhihinyköu, waleji oge khemanyinâ ka lakamödra.

Jeremia 11:19

Ke iny ûcû me nokon mamoe ae hnam adre me lelö he ka hlingâ; ke ca khanö nya bi, a gʼ adre me ip je hna ûnykûme könya me ha, ka habe, Ate me he ka tha ohia ûo me wan, ke ate me he ka subâ degecâ e hnyi hnyei iny tavat ae mot, mʼ adre me ca he hmetu ka ûnykûme ien.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 5:27

E unöngötö umödra je uma ge thoi, helâ me tangen ame unöngöt ge je meno ame gâ: anyin a wale ödra gan hmâ me tren omjeû.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Roma 1:28

Ke ca wedra he ka wâhmakhmetoâ Khong, me haba Khong ame hnʼ ödra but he ka hwali hnyi je hnyekudra, mʼ adre me he ka ânyâ ta je ûnyi ae ca ûcû;

I. Korinito 15:34

Hmak dö ka hwakecin ae wisa, ke ca mâdrâ bi hulö anyin ae ca khana bi keihen Khong: inya oge me ha hnân ohmehmʼ öbun.

I. Samuela 2:12

Ke haba li laku Eli me li laku Belial; ke ca khanʼ ödru Iehova.