Jeremia 9:26 - Iaai Bible 1901 (New Caledonia)

²⁶ at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Jeremia 9:26 ပူးပေါင်းရင်းမြစ်များ

Jeremia 10:1

LAP anyi Isaraela lö, long ju hofuc ame ha Iehova köbun:

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Jeremia 49:32

Ke haba haledra je kamela, me hnân hûgûnâ bi, ke hnân söh bi ûseiny haledra omeno: ke oge me he ka oveseâ ka hnyi je ang tavat adre me giâ ke keihen waidra; ke oge me he ka oâ anyidra vec ûheny hnyi je ke keihidra, haingö Iehova.

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Ezekiela 31:18

U hmanenang ke gan helâ me ia unyin je ûöiny Edena? ke so bi adre me he ka tha hum u me ta je ûöiny Edena kâû ka hnyi kânâ: ke u me he ka mokut hnyi wanben tavat adre me ca peritomonâ, tha u me tavat adre me hlingâ ge hele vat. Wale Farao me anyin tavat hia ae se, haingen Than Iehova.

Ezekiela 32:19

U hmanenang hu ia? utut me tha mokut me tavat adre me ca peritomon.

Ezekiela 44:7

waleji hnyi hnobun hna odilâ je atkanyaua, tavat adre me ca peritomonâ hnyok, ke adre ca peritomonâ unyidra, mʼ adre me he ka hnyi laba hnyi anyik dok ae kap, he ka okongoâ e, wale umök uma, öbun ka hom ok jeû, wale pipikhenya, me dra, ke adre hia but thamuâ hnok hna ûhihinyköu, he ka bi hanen ka hwakecibun ae kong.

Ezekiela 44:9

Walang hna ha hnen Than Iehova, ka habe, E ba atkanyua adre ca peritomonâ hnyok, ke adre ca peritomonâ unyin, ame he ka hnyi dit ka hnyi anyik dok ae kap, wale atkanyua at ame tha laba me lakon Isaraela.

Levitiko 26:41

me inya oge me digic odrin, me hum odrin ka hnyi hnyei iny je iwahnaihmiony mödrin: ke ame ne he ka he je hnyekudrin adre ca peritomonâ ka hnyikânâ, kʼ odrin e kap hwaban hwakecidrin ae kong;

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

I. Samuela 14:6

Haba Jonathana ame ha ka hidröu, at ame hom tilâ omjehen vat, ka habe, Ötu he ka hanyâûâ ka hnyi lap tue anyin tavat eang adre ca peritomonâ: ame ne he ʼ Iehova ka huliwa hobi kötin: anyin a e ba at ame musi kö Iehova he ka omelö, ame ne ûnyi ge tavat ae se, ame ne ûnyi ge tavat ae wakhalet.

I. Samuela 17:26

Haba Davita ame ha ka tavat adre me tha tot mē, ka habe, Ieû adre me he ka ânyâ ka at, at ame he ka hlingâ at Filisiti e, me ohia hmehma ûnyi ge at Isaraela? anyin a ia at Filisiti ang adre ca peretomonâ, me e ame he ka humbasö je vat anyin Khong ae möt?