Jeremia 9:23 - Iaai Bible 1901 (New Caledonia)

²³ Walang hna ha hnö Iehova, ka habe, E so e me ca he at ae metâ ka hobâ anyin metâ, ke ca he at ae hwege ka hobâ ihwegien, ke ca he at tren omjeû ka hobâ tang omjehen:

Jeremia 9:23 ပူးပေါင်းရင်းမြစ်များ

Jobu 32:13

Wâ eâu, wâ Öbun nye ha, ka habe, Ohmun e wâ but metâ; E khana Khong he ka hwege hon, ke ca at bi:

Jobu 41:15

E ame senyinâ anyin je unö, Kʼ adre ûohmâkouâ helâ me ûnyi hnân okeceâ.

Salamo 33:5

E ame hnyokâ hwakecin ae wisa me hna owisa: E unöngötö hmeledrany ge ibetengiö anyi Iehova.

Salamo 34:3

Öbun na tha he ju mönya he ka oganö Iehova, Ke so otin e he ka tha ogöranyâ ien.

Salamo 44:9

Ke walang ang u je hia but digic ohmun, me oûhnyûkongu ohmun; Me ca tha he hele me anyihmun je utbavat.

Salamo 62:10

Ca geju bi ka hwakecin sedâ, Ke ca hobelöu bi ka hnyi hwakecin venöu: E ka osehia tot omejeû, ca hnyok kâu.

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Ta je Vejec 21:30

E ba metâ, ke ba wâhmakhmeto, Ke ba ûhnenamö, ame vak kö Iehova.

Ta je Vejec 3:5

Labageju thö kö Iehova ge hnyekom ae bekhot, Ke ca labageju bi ka hnâm hna wâ ûnykûme:

At Khet 2:19

Ke e khanö ia ame ne he ka at ae metâ ame ne at ae monu? ke e ame he bi ka musö anyik ta je huliwa hia wale oge me huliwan, me omanenâ hnyin metâ hnyi hmelen seûno. Wale ke thatûnyi.

At Khet 9:11

Oge me hmetu me wâ hmelen seûno, a gʼ ame ca bân ka o at ae hâhâ can, ke haba khaca ame ca ton bi at ae hwege, ke haba khaca e ca tren jeû at ae metâ, ke haba khaca ame ca o je omjeû ka at ame wâhmakhmeto, ke betenge baû, ka at ame huliwa tremang; ke haba ûen, me ûnyi ame o monu, ame o kodra hia.

Isaia 10:8

Anyin a e ame ha, ka habe, Hawa, ca je hing than hia anyik je taben?

Isaia 20:5

Ke adre me be ka ot me hmehma can at Aithiope wale adre me geju kodra, me can at Aigupito wale adre me hobeluâ.

Isaia 47:10

Anyin a u je hia but labageju ka ânyâm je hulo; u je ha, ka habe, E ba at ame ö nya; ame omono u hnen ânyâm metâ me ânyâm wâhmakhmeto: ke u je ha eû hnyi hnyekom, ka habe, Inya thibi, ke ba minya ju ke at.

Isaia 5:21

Ekölö ge tavat a ödra metâ hnyi fanödra hna ûnykûme bi, me ûnykûme a ödra tavat wâ wia!

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 48:14

Ieû gabun öbun e ha, ka habe, Ohmun tavat hwege, me tavat khenen vat?

Jeremia 48:7

Anyin a hnyi hnâm hna labageju ka ânyâm ta je huliwa me tang omjehem, adre me he ka hum u minya: ke ame he Kemosa ka hnyi bâ me anyin tavat bihut, me anyin je taben.

Jeremia 49:4

Anyin a ieû u me hobeluâ je hnyigöulen bucen, a ânyâm hnyigöulen bucen ame di, u hlu at ame labö kolu? a at ame labageju ka je omjehen me ba, ka habe, Ie at ame he ka he könya?

Ezekiela 29:9

Ke ame he ka wau hnyei Aigupito me ba aten; ke adre me he ka wâ a inya Iehova: anyin a e ame ha, ka habe, Anyik bi wagewe, ke oge hia but op e.

Ezekiela 7:19

Adre me he ka khûâ eû hnyi gethen anyidra sileva, ke ame he ka helâ me ûnyi ae ikiki anyidra gol: e ca khana anyidra sileva me gol he ka omeli ödra hnyi bonginy hmonyin anyi Iehova; ame ca he ka sekudra, me öunöngötâ je hnyekudra; anyin a wale hulo at ame ohaûʼ ödra.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Daniela 4:37

Ke walang ang, inya Nebukaneza oge me olungâ me ogânâ Thaniny drany; anyin ae wisa anyin ta je huliwa hia, ke ûcû deny je gethen: ke e khana he ka hom ûhnyûkongo tavat vheno bi gan.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Mareko 10:24

Me ame lâiâ laten ge hwan hofuc. Ke haba Iesu ame thu hmetu, me ha ködrin, ka habe, Lakuk lö, huliwa ae gan hmâ he ka didro ka hnyi dokhu dokhon Khong hnen tavat adre me labageju ka hnyi omjeû!

Roma 1:22

Adre me ka ohobeluâ anyidra bi metâ, me adre me monu but,

I. Korinito 1:31

helâ me hnödra hna sihnalimen, ka habe, Haba at ame hobeluâ, me so e ame hobeluâ hnyi Than.

Deuteronomi 8:17

ke u je ne he ka ha eû hnyi hnyekom, ka habe, A o könya omjeû eang ûnyi ge manik man me tang hwegien hnyamok.

Filipi 3:10

mʼ oge me he ka wâhmakhmetoâ e, me maniny möt hmetu a e, me he ka tha hnyok mē hnyi vec, me tha ûcû më hnyi imekiny;

Filipi 3:8

Eke, e hnathu, inya oge me oûnyibâûâ ta je ûnyi hia thithö ûnyi hnyi ûnuainy hna wâhmakhmetoâ Keriso Iesu a Tuhok: ke can thibi e oge me hna degecâ ta je ûnyi hia thithö, ke oge me ûnykûme me tiren bi ta je ûnyi eling, me inye he ka hu Keriso,

I. Timoteo 6:10

Haba hnyok ka mone, me wale iwân ta je monu hia thithö ae ve bongon: waleji ame hnu hoton hnen keihen mʼ adre me osaûʼ ödra but ûnyi hnyi labageju, ke adre me ka hamödra bi dâ fineci ödra bi hnen ta je vec ae se hia.

I. Samuela 17:42

Ke ame bwele at Filisiti me ô Davita, me e ame oûnyibâûâ e; anyin a e tiga thöth, ke hngihngidra, me hmanenang hnyimakan.