Jeremia 9:20 - Iaai Bible 1901 (New Caledonia)

²⁰ Omomo lö, long ju hofuc ho Iehova, ke tevehlöng ju ifucin hnyimen, nâ thö lakubun wahlu ge bongon tenge thungaû, ke ve nâ thö je lawaebun ge khumöng tenge.

Jeremia 9:20 ပူးပေါင်းရင်းမြစ်များ

Jobu 22:22

Ö u kap ju walang ang hnanyibu ûnyi hnyi hnyimen, Me ip hmâ ju hwan hofuc eû hnyi hnyekom.

Isaia 3:16

Ke ame ha Iehova, ka habe, Can anyin ame hop wahluiny Ziona, kʼ adre me he me obeûâ je nyidra, ke iyawo li ecmak, ke he hop, ke ocuha je omakhmâiny cadra:

Isaia 3:4

Ke oge me he ka ham ta je wanakat me hnân tuhödra, ke ame he ta je mendreng ka musi ödra.

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 23:16

Walang hna ha hnö Iehova tuhan sabaoth, ka habe, Ca long ta je hofuc hwan ta je perofeta adre me perofeta köbun; adre me ûnö köbun ta je ûnyi baû bi; adre me ha hna omanenâ ûnyi eû hnyi hnyekudra bi, ke ca ûnyi bi hnyi hnyimö Iehova.

Jeremia 23:28

Haba perofeta ae hu bwi, me hamen bi he ka ha bwi; ke haba at ae hu gan hok hofuc, hamen he ka ha hnathoâ hok hofuc. Hawa, e ûcû thatûnyin hwit me je wan? haingö Iehova.

Jeremia 6:11

Anyin a wale, oge me unöngöt ge hmonyin anyi Iehova; iny sënyin dut ge hok hnyok: hingâlâ but e hon je thoth eû hnyi gethen, me hon wahidröu adre me tha ûkhacaköu: anyin adre me he ka tha hom baga me âiân momo, me hingat me at ae se hia hunainy.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Jeremia 8:2

ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Jeremia 9:12

Ie at ae metâ me me wâ ûnykûme e? ke ie at ame ha kâu hnen hnyimö Iehova, me me haimemenâ e? anyin a ieû ame kong ut hnyei adre thong helâ me hnyebuba, me me ba at ama vheno?

Je tenge anyi Jeremi 2:19

Todrö, hongot dö hnyi hnyinghet hnyi je hna hmak a bân; Hingâlâ but hnyekom helâ me köiö hnyi hnyimakan Than; Hai thö kâu li hnyamâm ge melen lakom a je wanakat, Wale adre me ta mok hnen hmiâ hnyi je hna saû hnen je gethen hia.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.