Jeremia 9:2 - Iaai Bible 1901 (New Caledonia)

² E na hu ju gak hnyi hnyebuba omtabaga wale hna menâ hnen tavat adre me he, me inye he bi ka hna lakeik, me he digic ödra! anyin a ödra hia thithö tavat bi ûnyi monu ûkhacaköu anyin tavat iyawo.

Jeremia 9:2 ပူးပေါင်းရင်းမြစ်များ

Isaia 59:3

Anyin ae kong ut je hnyamöbun ge dra, me je banyöbun hnen hulo; ame ha thoi hnen je esongodibun, ke ame fuc monu je bohmöbun.

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Jeremia 12:6

Anyin a hia but iyawo u hnen je liamekeiny möu, ke hnen minya lap anyin kâmâm; ke adre me hao u hwegiö u: eja ke ne adre ne ha so köu, ca kop ödra bi.

Jeremia 13:22

Ke u je ne ha eû hnyi hnyekom, ka habe, Can ieû ame o könya ta je ûnyi ang? can ûganiny hwakecâm ae kong adre hai obiny ânyâm ûkhaû, me adre me okongoâ ohmâiny li cam.

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Jeremia 5:11

Anyin a hia but lap anyi Isaraela, me lap anyi Juda ânyâ hwakecin ae iyawo könya, haingö Iehova.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Hosea 4:2

Adre me khemanyin thibi, me thoi, me hlingâ at, me venöu, me bi ûnyi monu: kʼ adre me utut, me dra ame kâlâ dra bi.

Hosea 5:7

Adre hia but iyawo kö Iehova; anyin adre hia but hnokoâ je lakudra a je atkanyua: ke walang ang ame he tehi a teb ûnyi ka ön ödra me je jekhoûdra.

Hosea 6:7

Ke adre hia but hanyâûâ ûhihinyköu helâ me Adamu: kʼ adre me iyawo nya eling.

Hosea 7:4

Ödra tavat bi ûnyi monu hia; ödra helâ me wahnainyâ ame khutâ at ame inyâ; e ame ca ânyâwia hmetu meic hwân hnyi hna up falawa ke ne o but ame khibi thö.

Mika 6:12

A unöngötö tavat tren omjeû ge ûokonguny, kʼ ame fuc thoi tavat adre me labâ e, kʼ ame iyawo je bohmödra hnyi je hnyimödra.

Zefania 3:4

Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.

Malaki 2:11

Juda ame hia but iyawö, ke adre ânyâ ûnyi ae ikiki hnyi Isaraela me Jerusalema; anyin a hia but Juda okongoâ ûnyi ae kap waleji e ame hnyok kâu, me hom hlu nokon khong kanyua me âiân.

Malaki 2:14

Ke öbun e ha ka habe, Anyin a ieû? Anyin a Iehova ame hia but ohnathoâ gam me âiân ânyâm hidröu waleji u je iyawöâ, ke e bi lihum möu, me âiâm u je ûhihinyköu më.

Iakobo 4:4

Öbun tavat bi ûnyi monu, hana, e ca khanʼ öbun a iwahnaihmiony me Khong he ka hanen hmeledrany? Anyin a wale haba at ame behe ka hanen hmeledrany me wale iwahnaihmiony me Khong.

Owisa 2:10

Ke ame ûkhacaköu dö eling hia me lakamödrin: ke ame kû ke dö hwabodrin ae ca khanʼ ödrin Iehova, me je huliwa e ame ânyâ hobi kâu at Isaraela.