Jeremia 9:14 - Iaai Bible 1901 (New Caledonia)

¹⁴ ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Jeremia 9:14 ပူးပေါင်းရင်းမြစ်များ

Genese 6:5

Ke a wâ but Iehova a e gan hmâ butmonuiny at eang hmeledrany, ke kong ut ta je hna ûnykûme hia eû hnyi hnyekudra hnyi ta ogo bong hia.

Jobu 9:18

E ame ca he ka hnö nya he ka menâ, E ame ounöngöti nya ge je ûnyi ae hiny.

Jeremia 11:8

Ke adre me ca löng me tevehlöng, ke so bi, adre me ve vheno hwegien je hnyekudra bi ae kong: anyin a wale, oge me oâ kodra ta je hofucin ûhihinyköu hia eang, waleji, oge hûna kodra he ka ânyâ, ke adre me ca ânyâ bi.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 2:23

U ma kâmâu he ka ha, ka habe, Iny ca monu, kʼ oge me ca hnu hoton ta je Baala? wâ ju dem gethen hnyi hnyigöulen bucen, khanö u thö hnâm hna ânyâ: u nak kamela ame he logot, ame he monu hnyi dem gethen:

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 23:15

Anyin a wale, walang hna ha hnö Iehova tuhan sabaoth ge je perofeta, ka habe, Wâ bi, oge me he ka ha ö ʼdra ge khöhlöng me habelidra ge köiö hnân mekiny: anyin ame o but bi gan ka hnyi hnyei hia ûnyi ge je perofeta hnyi Jerusalema.

Jeremia 23:27

Tavat adre me ûnykûme he ka ohnyingâ lakeik wale ge iök hnen je bwidra, wale adre me ve ha ka lahanödra, helâji me hnen lakamödra hna hnying iök ga Baala.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 44:17

Ke e hnathu ohmun e he bi ka ânyâ ta je ûnyi hia ame o but hnyi je hnyimöhmun, he ka leû utö ae bo so ka momo thaniny drany, me hingâlâ je hudiny ic kâu, helâji me hnöhmun hna ânyâ, ohmun me je latuhöhmun me anyihmun je taben, hnyi je tauniny Juda, me je getheniny Jerusalema: anyin a hnyi ûen eling e gan hmâ ö ʼhmun, ke ohmun so, ke ba kong ohmun e wâ.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Je tenge anyi Jeremi 3:15

E ame hia but öunöngöti nya ge ûnyi ae hiny me osekuni nya ge khökhö-long.

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Galatia 1:14

ke oge me nua tot ehac hnyi hmi anyin at Juda hon tavat ae se hnyi anyik dö unyin aten ik hnyei, anyin e gan hmâ hnok hna kong hnyekunâ ta je hwakecin lakamök.

Efeso 2:3

ke öta hia thithö minya ate tha hwakecita mʼ ödra ehac hnyi ta je weny unyita, me ânyâ ta je weny unyin me hnyok, ke öta ta je aten hmönyin, wale adre hnöku öta hnyin, e ûcû me keihen:—

I. Peteru 1:18

anyin ae khanʼ öbun a gʼ adre ca ûco anyibun möt hwaban ta je ûnyi ame he ka bobot, wale sileva me gol, ûnyi hnyi hwakecibun ae monu a nʼ öbun hnen lakamöbun;