Jeremia 9:13 - Iaai Bible 1901 (New Caledonia)

¹³ Ke haingö Iehova, ka habe, Anyin adre hna degecâ anyik hnanyibu waleji oge hia but ip hnyi hnyimakodra, me ca long bi ifucik, me ca hnu bi hoton;

Jeremia 9:13 ပူးပေါင်းရင်းမြစ်များ

II. Man Ûlabainy Je Than. 7:19

Ke öbun e ne hwio me hna degecâ anyik je hnanyibu, me hnok je hna hûna wale oge ip hnyi hnyimaköbun, me he me bi athnyaba ka ke je khong, me khudrung ködrin:

Ezera 9:10

Ke walang ang, Khonguhmun lö, hwaban e, ie hofuc ohmun e he ka ha? anyin a ohmun e hia but hna degecâ ânyâm je hnanyibu,

Salamo 119:53

Ame hia but o könya hmönyin ae gan hmâ, Can tavat ae kong adre me degec ânyâm hnanyibu.

Ta je Vejec 28:4

Haba tavat adre me degec hnanyibu, me adre me ogânâ tavat ae kong; Ke haba tavat adre me tuö hnanyibu, me adre me ivinoâ mödra.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 22:9

Ke adre me he ka thu, ka habe, Can hnödra hna degec ûhihinyköu anyi Iehova Khongudrin, me khudrung ka ke je khong, me bi athnyabaidrin.

Jeremia 5:19

Ke öbun e he ka ha, ka habe, Anyin a ieû Iehova Khonguta ame ânyâ köta ta je ûnyi hia eling? u me he ka thu kodra, ka habe, Anyin a öbun e digic nya me bi athnyaba: ka je khong kanyua hnyi ibun hnyei, awe helâe öbun e he ka bi athnyaba ka je atkanyua hnyi hnyei a ca ibun bi.

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.