Jeremia 9:11 - Iaai Bible 1901 (New Caledonia)

¹¹ Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Jeremia 9:11 ပူးပေါင်းရင်းမြစ်များ

Nehemia 4:2

Me e ame fuc hnyi hnyimakan je liamekeiny mē, me utbavat anyin at Samaria, me ha, ka habe, Ieû, ame ânyâ at Juda ang a ödrin mat? hawa ödrin e he ka ohwegi ödrin bi? ödrin e he ka bi hut? ödrin e he ka umo hnyi bong a khaca? hawa ödrin e he ka oâ je veto ûnyi hnyi je hna khöû ve ta ûnyi waleji adre thong?

Salamo 107:43

Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.

Salamo 44:19

Ke so bi u je hia but kuc öhmun hnyi hnen je tanimo, Me tubi öhmun ge hmenon mok.

Salamo 79:1

KHONG lö, ame o but aten ke je hnyei ka hnyi em; Adre hia but okongoâ umâm uma ae kap; Adre hia but thö Jerusalema me me vetaûnyi but.

Isaia 13:22

Ke ame he je luko ka kuku hnyi je uma umen latuhödra, me ta je iaena hnyi umödra je uma ae kese: ke hakekeny dut ûen he ka o, kʼ ame ca he ka bec bonginy je bong.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 34:13

Ke ame he ka kû ta je iwatetaföcö hnyi je uma umen je thaniny, ke je vhat me iwadekong hnyi je hnabâiny: ke e ame he ka hnân hnen je luko me je mun.

Isaia 44:26

at ame ohnathoâ hofuc hwan athnyahainy, me ohwâdâ hna ûhnenamö hnen anyin je metâ; at ame ha ge Jerusalema, ka kabe, Adre me he ka labā e; haingen ge je tauniny Juda, ka habe, Adre me he, ka up veto, ke oge me he ka otilâ hmeto je hudrei:

Jeremia 1:15

Anyin a wâ bi, inya oge me he ka hawâ ta je lap hia hnyi dokhu ûnyi hnyi hwadro, haingö Iehova: ke adre me he ka he jem, me ve otilâ anyidra je theron hnyi je homagouleny Jerusalema, me cicö hna up haginy hia igigilo, me cicö je tauniny Juda hia.

Jeremia 10:22

Hwan ûthumetu, wâ bi, e but ang, ke gan hmâ imonumonuny ûheny hnyi hnyei hnyi hwadro, he ka wia je tauniny Juda me me ba wan, me hnen je luko.

Jeremia 16:10

Ke hnyi ûen u me he ka haimemenâ ta je hofuc hia ang ka tavat ang, me adre me he ka ha köu, ka habe, Anyin a ieû Iehova ame ha gahmun ta je ûnyi ae kong hia thithö ae gan hmâ? ke ieû hwakecihmun ae kong? ke ieû hnöh-mun hna ânyâ kö Iehova Khonguhmun?

Jeremia 25:11

Ke ame he ka ba wan hnyei ang hia, me hnân lâiâ, ke ame he ta je hnyei eling ka bi athnyabainy than Babulona hnyi sevente ta je huna.

Jeremia 25:18

wale Jerusalema me je tauniny Juda, me je thaniny, me je taben, mʼ adre me wiʼ ödra he ka ba wan, me hnân kuko me jû, me hangâ helâ me hnyi bong ang;

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 26:9

Anyin a ieû, u je perofeta hnyi iö Iehova me ha, ka habe, Ame he Uma kap eang ka helâ me Silo, ke ame he ka hnyot taun ang, ke ama ba at ame he ka labā e? Ke ame ûkhacaköu tavat hia kö Jeremia hnyi uma umö Iehova.

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 4:27

Anyin a walang hna ha hnö Iehova, ka habe, Ame he ka ba wan hnyei hia; ke so bi, oge me ca he ka kot hia.

Jeremia 44:2

Walang hna ha hnö Iehova tuhan sabaoth, Khongu Isaraela, ka habe, öbun e wâ but ta je okongon hia waleji oge oâ ka Jerusalema, me je tauniny Juda hia; ke wâ bi, e hnyot ut hnyi bong ang, ke ba but at ame labā;

Jeremia 49:33

Ke haba Hazora me hnân uma umen je luko, ke ba wan nyiele balua: ame ca he ke at ka laba eling, kʼ ame ca he nokon at ka me laba eling.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 51:37

Ke ame he Babulona ka helâ me hna digic thatûnyi, ke hnyaban ta je luko, a hnân lâiâ, me ju, ke ba at ame he ka labā.

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Je tenge anyi Jeremi 1:4

Ame tenge je getheniny Ziona, anyin ame ca o tavat ka hnyi ûkhacaköu ae ûnyi hnathu; E ba but at hnyi je homagouleny hia, kʼ ame mâng anyin tavat bihut: Ame hlöuhlöu wahlu unyin, ke haba e, me momo ame vec dö.

Je tenge anyi Jeremi 2:2

A hia but Than utâ je hnyaba Jekob hia, ke ame ca betenge bi; E ame hagutâ hnyi anyin hmonyin je hnabâ anyin hluiny Juda; E ame tha ohonâ me kânâ: E ame oikikiâ dokhu me je thaniny.

Je tenge anyi Jeremi 3:47

Ame o but kohmun ot, me thop, me ba at, me hna ohia.

Levitiko 26:32

Ke oge me he ka obâ aten ibun hnyei: kʼ ame he je iwahnaihmiony möbun tavat adre me laba hnyin he ka uthmâhmâ gan.

Mika 1:6

Anyin a wale oge me he ka wia Samaria me me helâ me hna digic thatûnyi hnyi utkânâ, ke hnân te vine hnyin, ke oge me he ka hagutâ je veto hnyin e ka hnyi hnyigöulen bucen, me omanenâ je taben e.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û:

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.