Jeremia 9:10 - Iaai Bible 1901 (New Caledonia)

¹⁰ Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:10 ပူးပေါင်းရင်းမြစ်များ

Isaia 41:15

Wâ bi, oge me he ka wiö u hnân huje hwit ae so hwan a teb ûnyi ke hu nyon: mʼ u me he ka kokot je bucen me me ûhnyûkong ju, ke u me he ka wia je hut me me helâ me unen hwit.

Isaia 49:19

Ke haba je dok unyâm ae ba hnyin wan, ke je dok ae ba hnyin tavat, ke em adre hia but okongoâ, me e hnathu, ame he ka hnek em walang ang ge tavat adre me he ka labā, ke adre me he ka ûsâkâû ödra waleji adre me ohiö a

Jeremia 12:10

Haba tavat tuö mamoe ae se hia, adre hia but ohia ik hnyei vine, adre hia but ututo jekhöûk, me wia jekhöûk ae kese hnân hnyebuba ae ba wan.

Jeremia 12:11

Adre hia but öba wan e; e ame tenge könya ke ba but wan; adre öba wan hnyei hia, anyin ae ba at ame ûnykûme eû hnyi hnyekon.

Jeremia 12:4

Ame he hnyei he ka tenge ke ne o but kehö, me meleca je ûöiny hnyot hia ae ometu? can hulo anyin tavat adre me labā e, adre hia but ohia je meno a vak can, me ta je meno ame gâ; anyin a haingodra, ka habe, E ame ca be ka wâ obiny köta.

Jeremia 14:6

Ke haba je asinainy hnyot adre me tot hnyi je dok ae gorany, adre me momokhon can ae ba ang, helâ me je alegeta: a dit ut je emaködra anyin ae ba but önying.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 2:6

Ke haba khaca, adre me ca ha ka habe, Ewa Iehova at ame suʼ öta ûnyi hnyei Aigupito; at ame hum öta hnyi hnyebuba, wanben hnyei a hnyei baga me hu je uthankong, hnyi hnyei ae hwahwacit me hmenon mok, hnyi hnyei ame ca vheno hnen at, ke ba at ame labā e?

Jeremia 23:10

Anyin a unöngötö hnyei ge tavat bi ûnyi monu; anyin ame tenge hnyei can hna hângâ: e atgec dö je dok a je sajilat hnyi hnyebuba: ke kong dedra je gethen, ke ca wisa tang hwegiödra.

Jeremia 50:3

Anyin ame o ke hnyei ûcon ûnyi hnyi hwadro, ame he ka öba wan iny hnyei, e ba at ame he ka labā e: adre kec ut, e hiʼ ödra, wale at me meno.

Jeremia 7:29

Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Jeremia 8:18

E na khanönya ju he ka otubweli nya hnyi hlöuhlöu! e sënyin dut hnyekuk eû hnyik.

Je tenge anyi Jeremi 1:16

Can ta je ûnyi eling, me oge me tenge; ke haba emakök, me ame hingölö köiö ûnyi hnyi li emakök; Anyin ae ûsâkâûö but mönya at ûötubweli, at a hamen he ka okahwa hnyekuk: E ba but thatûnyi anyin je lakuk, anyin ame ton iwahnaihmiony.

Je tenge anyi Jeremi 2:11

A didrut li emakök anyin tenge, ame bwebwet hnyekuk, Ame hingölö akik hnyikânâi, can hnödra hna okongoâ hlu nokon lakeik; Anyin ame ta mok hnyi getheniny taun je wanakat me je mendreng adre i.

Je tenge anyi Jeremi 5:18

Can bucen Ziona, wale ae ba wan; Je alope adre me vheno e.

Ezekiela 14:15

Oge ne kunâ je meno ae kong ka vheno hnyei, me ödrin e okongoâ e, me me i wau, me me ca he at ka he hnyin, can je meno;

Ezekiela 27:2

Nokon at lö, u me he ka hai khumöng tenge ge Turo;

Ezekiela 29:11

Ke ame ca he ka vheno e hnen je can tavat, ke ame ca he minya je can meno ka vheno e, ke adre me ca he ka labâ e ke ne o but hnyi fâti je huna.

Ezekiela 33:28

Ke oge me he ka oba wan hnyei me me hnân lâiâ, kʼ ame he ka um dö hmanenanginy maniny man; kʼ ame he ka ba wan je bucen Isaraela, ke ba at ame he ka vheno.

Ezekiela 6:6

Kʼ ame he ka ba wan je taun öbun e labâ, ke ba öoyen anyibun je dok ae gorany; me me ba at ke kong ut anyibun je taben hut, me me monumonu ke hia anyibun je idola, me suba degecâ anyibun je hna theati seûno, me ohia anyibun je huliwa.

Hosea 4:3

Anyin a wale ame he hnyei ka tenge, kē sēnyin hia but tavat adre me labâ e, tha ödra me je menoiny hnyot, me je meno ame gâ ethö; eke adre me he minya ka hom but je wâ eû hnyi köiö.

Joela 1:13

Tavat bihut lö, oweikʼ öbun ju, ke tenge; tavat huliwan taben hut lö, kuku tenge thö; lathnyabainy Khonguk lö, ai öbun, mokut hnyi lit hia hnyi mano ae gan nân: anyin ae ba hmetu hudiny han me hudiny ic hnyi uma umen Khongubun.

Joela 1:19

Iehova lö, inya oge me tenge köu: anyin a hia but meic thong jeû an je meno hnyi hnyebuba, ke haba bâhlân ame hia but an je ûöiny hnyot hia.

Amosa 5:1

LAP anyi Isaraela lö, long ju hofuc ang wale oge me ha hnân khumöng tenge gubun.

Amosa 5:16

Anyin a wale, walang hna ha hnen Than Iehova Khongon sabaoth, ka habe, Adre me he ka tenge hnyi ta je gethen ae lau hia; ke adre me he ka ha hnyi ta je hna cit gethen hia, ka habe, Ekölö! ekölö! he adre me he ka hawâ thö tavat belök mʼ adre me tenge, ke tavat ae khanʼ ödra tenge he ka tenge thungaû.

Mika 2:4

Hnyi ûen eling adre me he ka hai ûhoûcû gabun me tenge thungaû gan hmâ me ha, ka habe, Adre ti öba wan gata; e a hia but wia jekhon lakeik: ekölö ge hnen hna hom e ûnyi gak! e ame khenâ ita ta hnyei ka tavat ûkhin fuc.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.