Jeremia 8:9 - Iaai Bible 1901 (New Caledonia)

⁹ A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Jeremia 8:9 ပူးပေါင်းရင်းမြစ်များ

II. Je Than 17:15

Ke ödrin e hna degecâ anyin je hnanyibu, me anyin ûhihinyköu waleji e ame ânyâ me lakamödrin, me hnen je hna ohnathoâ ködrin; ke ödrin e hnu hoton ûnyi ae ûnyi baû, me ödrin e hop bi, me hnu hoton je hnyei igigili ödrin, waleji a ha Iehova a ödrin e ca he ka ânyâ e ûcû mödrin.

Jobu 5:12

E ame odilâ je ûnykûmânen tavat bihihwakecin, Me me ba ûnyi adre me he ka ânyâ ge je hnyamödrin.

Jobu 5:13

E ame ohnokâ tavat ae metâ hnyi anyi drin je bibihwakeoin: Me ologotâ ûhnenamö anyin tavat adre me bigan.

Salamo 19:7

E bekhot ut hnanyibu anyi Iehova, ame ohâtâ hanu: Ke e hmâ hnö Iehova hna ohnathoâ, ame ometâ at ae ba oûnykûminy.

Isaia 19:11

E ti monu but je thaniny Zoana; ke ûhnenamöiny tavat ae nua metâ he ka ha bongon unyi Farao ödrin e monu but: ieû gabun öbun e ha kö Farao, ka habe, Inya nokon at ae metâ, nokon je than kâû adrem?

Isaia 29:14

anyin a wale wâ bi, oge me he bala ka ânyâ ûnyi ae ke bongon bi ka tavat ang, a ûnyi hnân lâiâ me ûnyi a ûöman: ke ame he ka hia metâ anyin tavat ae metâ gadra, kʼ ame he ka iyong ûnykûmânen tavat wâ wia gadra.

Isaia 43:27

Ame ânyâ hulo hnen kâmâm a bân, ke ame ûkhin fuc mönya ânyâm je ûthumetu.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 49:7

Ge Edoma. Walang hna ha hnö Iehova tuhan sabaoth, ka habe, Hawa, e ba hmetu metâ hnyi Temana? hawa, a aû but hna khana bongon unyin tavat wâ wia? ke a hia but anyidra metâ?

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Ezekiela 7:26

Ame he ka o but ke ûokonguny me ke ûokonguny, ke ame he ka hu ke ûthumetu me ke ûthmetu; ke adre me he ka elâm hna omanenâ unyin perofeta; ke ame he ka hia hnanyibu unyin at bihut, me wâ bongon unyin wahingat.

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Zakaria 13:4

Ke hnyi ûen eling ame he ta je perofeta ka ve hmehma ge hnödra hna wâ, ödra ka perofeta; ke adre me ca he ka khavâ ûkhaû ae hu dinen he ka iyawö:

Deuteronomi 4:6

He thʼ öbun ka tuö me ânyâ; ke waleling anyibun metâ me anyibun wâhmakhmeto hnyi hnyimakan ta je hnyei, a tavat adre me he ka wâ je hnanyibu eang, me ha, ka habe, E hnathu hnyei ae metâ, me hnyei wâhmakhmeto hnyei eang ae gan.

II. Timoteo 3:15

ke e khanö u ta je hna sihnalimen ae kap, kʼ u tiga mendreng, wale ae khana he ka ometö u ka hnyi möt a deny labageju ka Keriso Iesu.