Jeremia 8:8 - Iaai Bible 1901 (New Caledonia)

⁸ Ieû gabun öbun e ha, ka habe, ohmun tavat ae metâ, ke e unyihmun hnanyibu anyi Iehova? Ke wâ bi, a hia but huliwa iyawo pen ae thoi anyin tavat sihnalimen.

Jeremia 8:8 ပူးပေါင်းရင်းမြစ်များ

Jobu 11:12

Ke e ca hu metâ ge at ae hop, Eke, adre hnokoâ at helâ me nokon asinainy hnyot.

Jobu 12:20

E ame hom hofuc ûnyi ge at ae hnathu, Kʼ ame hom wâhmakhmeto ûnyi ge wahingat.

Salamo 147:19

E ame omanenâ hwan hofuc kö Jekob, Ke anyin ta je hnanyibu me hna owisa kö Isaraela.

Ta je Vejec 17:6

Korona anyin wahingat ta je laöbidra; Ke haba hmanenanginy je wanakat, me ûnyâ lakamödra.

Isaia 43:27

Ame ânyâ hulo hnen kâmâm a bân, ke ame ûkhin fuc mönya ânyâm je ûthumetu.

Jeremia 18:18

Me adre me ha, ka habe, Ai öbun mʼ ate me he ka ânyâ je bihihwakecin kö Jeremia; anyin ame ca he ka hia hnanyibu unyin at bihut, me ûhnenamö unyin at ae metâ, me hofuc ûnyi ge perofeta. Ai öbun, ate me he ka kot e ge bohmen, ke ca he bi öta ka tevehlöng bi hwan ta je hofuc.

Jeremia 19:7

Ke oge me he ka oûnyibaûâ ûhnenamö anyin Juda me Jerusalema hnyi dok ang; ke oge me he ka otai ödra ge hele vat hnyi hnyimakan je iwahnaihmiony mödra, me hnen hnyamen tavat adre me elâm he ka hlingʼ ödra: ke oge me he ka hom ta je unyidra hnân an ta je meno ame gâ ethö, me je menoiny hnyot.

Jeremia 2:8

Haba tavat bihut adre me ca ha ka habe, Ewa Iehova? ke haba tavat adre me huliwan hnanyibu, me ca khanʼ ödra inya; ke haba tavat musi adre me ûkhin fuc mönya, ke haba je perofeta adre me perofeta ga Baala, me hnu hoton ta je ûnyi ae ba troban.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 48:14

Ieû gabun öbun e ha, ka habe, Ohmun tavat hwege, me tavat khenen vat?

Hosea 8:12

Oge ne sihnalimen kâu anyik hnanyibu me je ûnyi hnân nâ a ten thauzan, me adre me ûnykûme e me ûnyi a ca ûnyi hnathu.

Mataio 15:6

e ame ca he ka ogânâ kamen. Me öbun e ohavâ hofuc hwan Khong ge anyibun je hna ûne.

Ioane 9:41

Iesu ame thu kodra, ka habe, Öbun e ne je wadröu me ba bi anyibun monu, ke walang ang öbun e ha, ka habe, Ohmun bwelâ: waleling me me e bala bi anyibun monu.

Roma 1:22

Adre me ka ohobeluâ anyidra bi metâ, me adre me monu but,