Jeremia 8:6 - Iaai Bible 1901 (New Caledonia)

⁶ Oge me tevehlöng me long, ke adre me ca fuc wisa: e ba at ame ietra anyin hulo me ha, ka habe, Ieû hnok hna ânyâ? ödra hia thithö adre me ve hmetu ka hnyi dedra je gethen, helâ me hors ame ie wadring ka hnyi vat.

Jeremia 8:6 ပူးပေါင်းရင်းမြစ်များ

Jobu 10:2

Kʼ oge me he ka ha ka Khong, ka habe, Ca he ka haikongu nya; Omanenâ thö könya can u me û nya gan.

Jobu 34:31

Hawa, ame hia but ha ke at ka Khong, ka habe, Oge hia but kap vec, kʼ oge me ca he hmetu ka monu:

Jobu 34:32

Ke haba ûnyi oge me ca wâ, me u me he ka nö nya: Oge ne ânyâ hulo, awe, oge me ca he hmetu ka ânyâ?

Salamo 14:2

Iehova ame bwele jem ethö hnyi drany ka wâ lakon at, Me me wâ thö, hawa, e hu at ame wâ ûnykûme, A at ame elâm Khong.

Isaia 30:18

Anyin a wale ame he Iehova ka halubahingen me me betenge gabun, ke can e adre me he ka ogânâ e, me me he ka betenge baû köbun; anyin a Khongon owisa Iehova; hnödra hnahic hia adre me halubahingen e.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 59:16

Ke e ame wâ ae ba at, me e ame lâiâ ae ba at ame khöûâ: anyin a wale ame ka ânyâ möt hobi kâu e hnen hnyamen bi; ke ame cö e anyin bi hwakecin ae wisa.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 3:5

Hawa, e ame he bala ka hmonyin? me tuö e ke ne o but obiny? Wâ bi, u je hia but ha me ânyâ ta je ûnyi ae kong me ânyâ wem bi.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Ezekiela 18:28

Anyin a e ame ûnykûme ke hmetu ûnyi hnyi hnen ta je hna hanyâûâ hia waleji e ame ânyâ, me e ame he bi ka möt, me ame ca he bi ka mok.

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Daniela 9:11

Eke, a hia but hanyâûâ ânyâm je hnanyibu hnen at Isaraela hia, kʼ adre me saû but, kʼ adre me ca long ifucâm: anyin a wale, adre hia but hingâlâ huhmun hnaûhango, ke hna khemanyin waleji adre me sihnalimen hnyi hnanyibu anyi Mose athnyabainy Khong; anyin a öhmun e hia but ânyâ hulo kâu.

Mika 7:2

E hia but at ae so eang hmeledrany, ke ba at ae fofâ unyin tavat: ödra hia adre me mokut he ka mâdrâ dra; adre me ve hnu je lawaedra ge ert.

Zefania 3:7

Haingök, ka habe, U ma he ka ot gak, me kap ju hna ûne; mʼ adre me ca he ka subâ degecâ hnyaban, hoton hnok hna otilâ hia gan: ke so bi adre me vesâ hnyi hnyomakatu kong me okongoâ anyidra ta je huliwa hia.

Hagai 1:5

Ke walang ang, walang hna ha hnö Iehova tuhan sabaoth, ka habe, Ûnykûme ju debun je gethen.

Hagai 1:7

Walang hna ha hnö Iehova tuhan sabaoth, ka habe, Ûnykûme ju debun je gethen.

Malaki 3:16

Me ame ûhnenamököuâ tavat adre me outö Iehova: ke Iehova ame tevehlöng me long, me adre me sihnalimen tusi hnân oûnykûmeâ hnyi hnyimakan, hobi kâu tavat adre me outö Iehova, me ûnykûme ien.

II. Peteru 3:9

E ca bec bi Than hnyi hnen hna ha bânâ, helâ me ûnykûmenen keihen, ka habe, e bec; ke e ame hok hnyoki öbun beû hmâ, e ca weny bi ame he ke at ka hnaûhango, ke so bi adre me he hia thithö ka ietra.

Hna Omanenâ 9:20

Ke haba kolon tavat adre ca hlingâ bi ge ta je mok eling, me adre me ca ietra bi ta je huliwa anyin je hnyamödra, a gʼ adre me khudrung ka ta je demoni, ke je hnatheat gol, me sileva, me bras, me veto, me uto; a ta je ûnyi ae ca khanʼ ödra bwele, me löng, me he: