Jeremia 8:2 - Iaai Bible 1901 (New Caledonia)

² ke adre me he ka ve ip ödra hnyi hnyimakan seûno me tehi, me je dö hia hnyi drany, waleji adre me hnyok kâu, me bi athnyaba kâu, me hnu hoton, me elâm, me khudrung kâu: adre me ca he ka ûkhacaköu me konim ödra; adre me he ka hnân tatet hnyi kânâ.

Jeremia 8:2 ပူးပေါင်းရင်းမြစ်များ

II. Je Than 17:16

Ke ödrin e hna degecâ je hna hûna hnö Iehova Khongudrin, me ânyâ hobi ködrin je idola adre oköiâ, a li nokon kau, me ânyâ Aseira me khudrung ka je ûnyi hia hnyi drany, me bi athnyaba kö Baala.

II. Je Than 21:3

Anyin a e ame otilâ hmetu je dok ae görany waleji a ohia ga Hezekia a kamen; ke e ame otilâ je taben hut kö Baala, me ânyâ ke Aseira, helâ me hna ânyâ hnö Ahaba than Isaraela, me khudrung ka ta je ûnyi hia hnyi drany, me bi athnyabaidrin.

II. Je Than 21:5

Ke e ame op je taben hut hobi kâu ta je ûnyi hia hnyi drany hnyi li hnyeuleny uma umo Iehova.

II. Je Than 23:5

Me e ame obâ hnyat bihut anyin je idola, wale a otilâ je than Juda he ka leû utö ae bo so hnyi je dok ae görany hnyi je taun hnyi Juda, me je dok a igigilo Jerusalema; me tavat leû utö ae bo so kö Baala, me seûno, me tehi, me je okhû, me ta je ûnyi hia hnyi drany.

Salamo 53:5

Adre me ot gan hmâ eling, ke ba ûnyi hnân outen bi: Anyin a biâ but Khong khûâ degecâ je jeien tavat waleji adre me hunumâ cici u; U je hia but ohmehmʼ ödra, anyin a hia but Khong digic Ödra.

Salamo 83:10

Waleji adre ohiʼ ödra hnyi Eni-dora; Adre me wiʼ ödra me me helâ me tatet hobi kâu kânâ.

Salamo 83:11

Öûco ju ta je tuhödra me Oreba me Zeeba; Eke, öûco ju je tuhödra hia me Zeba me Zalemuna:

At Khet 6:3

A ne khaca haded je lakon ke at, ke se hia hunainy anyin möt, me me ti se hia je bonginy ta je hunainy, ke ame ca sekon bi ge so, ke adre ca konâm bi; inya oge me ha, me so köluhabû hon e;

Jeremia 14:16

Ke haba tavat ödrin e perofeta ködrin, adre me he ka khûʼ ödra ka hnyi je getheniny Jerusalema can hmiâ me hele vat; ke ba at ame he ka konim ödra, ödra, me laöiödra, me lakûdra obaga me wahlu: anyin oge me he ka hingâlâ hudrin hwakecidrin bi ae monu.

Jeremia 16:11

me u me he bi ka ha kodra, ka habe, Can lakamöbun ödrin e hna degeci nya, haingö Iehova, me hnu hoton je khong, me bi athnyaba ködrin, me khudrung ködrin, ke adre me hna degeci nya bi, me ca tuö bi anyik hnanyibu;

Jeremia 16:4

Adre me he ka mok ge je mok ae kong; adre me ca he ka tenge gadra, ke adre me ca he ka konim ödra; adre me he ka hnân tatet hon kânâ; ke ame he ka ön ödra hnen hele vat me hmiâ, ke ame be je unyidra ka hnân an ta je meno ame gâ ethö, me je menoiny hnyot.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Jeremia 22:19

Adre me he ka konâm e helâ me hna konâm asina, adre me he ka lelö e me khûâ hnyi hoton je homagouleny Jerusalema.

Jeremia 25:33

Ke haba hnyi bong eling ame he ka e bi ta je hani Iehova ka e hnyi ke can hmeledrany ke ne o but ka hnyi ke can hmeledrany: adre me ca he ka tenge gadra, me hlu ödra, me konâm; ke adre me he ka hnân tatet hon kânâ.

Jeremia 31:40

Ke ame he ka kap kö Iehova hnyigöulen bucen hia anyin je komok, me je hnabadröu, me je utkânâ hia ke ne o but hnyi wagewe Kederon, ke ne o but hnyi kopiny homagouleny je hors e deiö; adre me ca he hmetu ka oc e, me kia nyiele balua.

Jeremia 36:30

Anyin a wale walang hna ha hnö Iehova ga Jehoiakima than Juda, ka habe, Ame he ka ba hwaban hnân tabâ theron anyi Davita: ke adre me he ka khûâ unyin ae mok ka hnyi kahwa hnyi lany me megic hnyi hnyinghet.

Jeremia 9:20

Omomo lö, long ju hofuc ho Iehova, ke tevehlöng ju ifucin hnyimen, nâ thö lakubun wahlu ge bongon tenge thungaû, ke ve nâ thö je lawaebun ge khumöng tenge.

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Jeremia 9:22

Ha thö, ka habe, Walang hna ha hnö Iehova, ka habe, Ame he tavat adre mokcu ka ta hnyi ta hnyei helâ me tatet, me helâ me je thi hwit hwaban at ame subâ, ke ba at ame he ka hlu ödra.

Ezekiela 29:5

Ke oge me he ka hnö u adre digic u hnyebuba ai, u me je wâiny ânyâm je wagewe: u me be ka ta ka hnyi hon kânâ; adre me ca he ka tha ûkhacaköuö u me ûkhöûnâ: oge hia but hnö u hnân an ta je meno hnyi hnyot me ta je meno ame gâ ethö.

Ezekiela 39:5

U me he ka ta hnyi ta hnyei: anyin oge hia but ha, haingen Than Iehova.

Ezekiela 6:5

Ke oge me he ka ip je kokiny lakon Isaraela hnyi hnyimakan anyidra ta je idola; ke oge me he ka khûkhûâ ta je jeiöbun igigilo anyibun je taben hut.

Ezekiela 8:16

Me e ame hum nya ka hnyi hnyeuleny uma umö Iehova eiö hnyin, ke wâ bi, hnyi hwanumen uma umö Iehova, wanben poretiko me taben hut, helâke me twente faiv tavat adre me hotudra ka hnyi uma umö Iehova, me hnyimakodra deiö; ke adre me khudrung deiö ka seûno.

Zefania 1:17

Ke oge me he ka ovecâ tavat, mʼ adre me he ka he helâ me je wadröu, anyin adre hia but ânyâ hulö kö Iehova: ke adre me he ka hingâlâ drö-dra helâ me sesâ, me utioidra minya helâ me tatet.

Zefania 1:5

ke tavat adre me hic hon ban je uma ka ta je ûnyi hnyi drany, ke tavat adre me khemanyin ko Iehova, kʼ adre me khemanyin ge anyidrin than;

Ta je huliwa 7:42

Haba Khong ame hwio thö me hnʼ ödra but he ka bi athnyabainy ta je ûnyi hnyi drany; helâ me hna sihnalimen hnyi tusi anyin je perofeta, ka habe, Hawa, öbun e hudo könya ta je meno adre me hlingâ me ta je hut Hnyi hnyebuba hnyi je huna a fâte, lap anyi Isaraela?

Deuteronomi 17:3

kʼ ame he me bi athnyabainy ke je khong me khudrung ködrin, ame ne seûno, ame ne tehi, ame ne ke ûnyi hnyi drany, wale oge ca hûna;

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.