Jeremia 8:19 - Iaai Bible 1901 (New Caledonia)

¹⁹ Wâ bi, ûtengien hluiny ik hnyei ûnyi hnyi hnyei ae sâkâû: hawa, ca e bi Iehova hnyi Ziona? ke ca e bi ling thaniny? anyin a ieû adre hia but ohmönyini nya ge anyidra je hnatheat, me anyidra ta je ûnyi baû a je atkanyua.

Jeremia 8:19 ပူးပေါင်းရင်းမြစ်များ

Salamo 135:21

E so adre haisoi Iehova ûheny Ziona, At ame laba hnyi Jerusalema. Oganö Ja thʼ öbun.

Salamo 137:1

HABA hnyi je wagewe hnyi Babulona, Me ate me laba ju eling, eke kʼ ate me tenge, Ota ate me ûnykûme Ziona.

Salamo 146:10

Ame he Iehova ka musi nyiele balua, Ziona lö, ame he Khongom ka musi ka ta je dö. Oganö Ja thʼ öbun.

Salamo 149:2

E so e he Isaraela ka senyin ka at a op e: E so e hobâ je laku Ziona ka Tuhödra.

Salamo 31:6

Hûkötiânök tavat adre me hnyok ka ta je ûnyi baû me thoi: Ke oge me labageju kö Iehova.

Isaia 1:4

Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 13:5

Ûhedra hnyi hnyei ae sâkâû, ûnyi hnyi je can drany, wale Iehova, a tha e me je omjehen anyin hmonyin, he ka ohia hia hnyei.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 39:3

Me haba Isaia perofeta ame he kö Hezekia than me ha kâu, ka habe, Ieû hna ha hnen tavat e? ke ûhedrin ua köu î Me Hezekia ame thu ka habe, Ûhedrin hnyi hnyei ae sâkâû ka o könya, wale Babulona.

Isaia 52:1

HMAK dö, hmak dö, Ziona, khavâ thö tang hwegiâm; Jerusalema lö, taun ae kap, khavâ ju khaûâm a je ûkhaû ae hmanenang: anyin ame ca he hmetu ka o köu at adre ca peretomon, me ikiki.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 14:9

Anyin a ieû, u je helâ me at ame gâ ön, ke helâ me at ae hwege ae ca khana he ka omelo? ke so bi, u bi Iehova hnyi wanböhmun, ke u je ip iâm huhmun; ca hna degeci ohmun bi.

Jeremia 2:5

Walang hna ha hnö Iehova, ka habe, Ieû ke ûnyi ae ca wisa a wa lakamöbun unyik, mʼ adre me oûsâkâû ödra mönya, me hnu hoton unyi ae ba onyen, me bibi hop?

Jeremia 27:10

anyin adre me perofeta thoi köbun, mʼ adre me he ka oûsâkâûʼ öbun me ibun hnyei; me oge me he ka obʼ öbun me öbun e he ka mok.

Jeremia 31:6

Anyin ame he ka hu ûen hongot ge tavat tue hnyi bucen Eferaima, ka habe, Todrö, ate me he Ziona ai kö Iehova Khonguta.

Jeremia 32:30

Anyin a haba lakon Isaraela me lakon Juda, adre me ânyâ thibi ûnyi ae kong hnyi hnyimakök, hwân kʼ ödra tiga hidröu: anyin a lakon Isaraela adre me labö ohmönyini nya ge ta je huliwa anyin je hnyamödra, haingö Iehova.

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Jeremia 8:20

A um dö ûen menu: obiny ju ang honivakeny, ke adre ca omeli öta bi.

Jeremia 9:16

Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.

Ezekiela 48:35

Ke haba je hlowe igigilo me eitin thauzan: ke hwân hnyi bong eling haba ien taun, me, Iehova bi eling.

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Joela 3:21

Ke oge me he ka haisoâ drödra waleji oge me tiga ca haisoâ: anyin a Iehova ame laba hnyi Ziona.

Obadia 1:17

Kʼ ame he ka ku hon bucen Ziona tavat adre me kec mot, kʼ adre me he ka okabâ, kʼ ame he lap anyi Jekob ka hu je idra.

Mika 4:9

Ieû ang a u me kuku goranyai? E ba than hnyi wanbâm? a mokcu at ame bi hnyimâm, anyin ame khöû u hnen vec helâ me momo ame vec hnyekon?

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Zakaria 2:9

Ke wâ bi oge me he ka nyinyikâ hnyamok hudra, me ame he ka sei ödra hnen tavat waleji adre me bi lathnyaba kodra; mʼ öbun e he ka wâ a ga, kunö nya Iehova tuhan sabaoth.

Ta je huliwa 14:15

ka habe, je than lö, ieû gabun öbun e ânyâ je ûnyi e? Ohmu li at ang helâ me öbun, öhme hom köbun ûthumetu ae so, mʼ öbun e he ka hna degecâ ta je ûnyi e ae ûuyi baû, me hwio ka Khong ae möt, at a op drany me hmeledrany me köiö, me ta je ûnyi hia hnyin:

Deuteronomi 31:17

Ke ame he ka ubâhlâ anyik hmönyin ködra hnyi bong eling, ke oge me he ka, hna degeci ödra, me ikhâlâ hnyimakök gadra, kʼ adre me he ka ön ödra, ke ame he ka o ködra je hulö me vec ae se; mʼ adre me he ka ha hnyi bong eling, ka habe, Hawa, ame ca o köta je hulö ang can Khong a ca tha e möta?

Hna Omanenâ 2:1

SIHNALIMEN ju ka angela anyin ekalesia hnyi Efeso, ka habe, Walang ta je ûnyi ame ha hnen at ame kât ta je okhû a seven hnyi hnyamen a metân, wale at ame he hnyi wanben je taben lamepa gol a seven: