Jeremia 8:12 - Iaai Bible 1901 (New Caledonia)

¹² Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Jeremia 8:12 ပူးပေါင်းရင်းမြစ်များ

Genese 19:34

Ke nyi, haingen atö ka wakeiat, ka habe, Wâ bi, et hnyinghet oge tha mokut me cica: ötu me he ka habelen hmetu aû ge waina hnyinghet; me u me he ka tha mokut më, me me hu mâtrânitu ûnyi ga cica.

Salamo 52:1

AT ae hwege lö, ieû gam u me ohobeluâ ûokonguny? E bala bi ibetengiö anyin Khong.

Salamo 52:7

Wâ ju at ame ca oûnyihnatho bi Khong me me hnabâ bi kâu; Kʼ ame gejoâ ûganiny tang omjehen, Me ohwegiâ e bi hnyi anyin hulo.

Isaia 24:2

Ke walang bongon ame he ka o, khaca thibi tulut ka tavat me at bi hut; khaca thibi tulut ka athnyaba me tuhan; khaca thibi tulut ka athnyaba momo me momo a tuhan; khaca thibi tulut ka at ûco ke ûnyi me at kap hwaban gan; khaca thibi tulut ka at ame mē ham ke ûnyi me at ame mē sumâtâ e; khaca tulut ka at ame mē ham mone ge hwaban me at ame mē hom mone ge hwaban.

Isaia 3:9

Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Jeremia 10:15

Odrin bi a ûnyi baû me hnân iyawo: hnyi ûen bi hwabodrin, ame he ka hiʼ ödrin.

Jeremia 14:15

Anyin a wale walang hna ha hnö Iehova ge ta je perofeta, tavat adre me perofeta hnyi iök, ke oge ca kunʼ ödrin, ke so bi, ödrin e ha, ka habe, Ame ca he ka hu hele vat me hmiâ hnyi hnyei ang: Awe, adre me he ka ohia je perofeta eling ge hele vat me hmiâ.

Jeremia 23:12

Anyin a wale ame he dedra je gethen ka helâ me dok ae haûhaû hnyi menekholom kodra, adre me he ka alin ödra mʼ adre me ta hnyin: anyin oge me he ka oâ kodra ûnyi ae kong, wale hunainy bi hwaban kodra, haingö Iehova.

Jeremia 3:3

Anyin a wale adre behânâ je uth we, ke ba but we a biliny; ke hu gam bariny momo hnyi gethen, u je ca hmehma bi

Jeremia 44:10

Adre me ca vec ke ne o but hnyi bong ang, ke adre ca hia but ot, ke adre me ca vheno anyik hnanyibu, me hnok je hna hûna, waleji oge ip hnyi hnyimaköbun me lakamöbun.

Jeremia 6:15

Hawa, ödra hmehma can ta je ûnyi ae ikiki adre me ânyâ? e ba, ke ba ong hmehma gadra, ke ca khanʼ ödra hmehma: anyin a wale adre me he ka tha ta me tavat adre me ta: hnyi ûen oge me he ka senʼ ödra adre me he ka haû, haingö Iehova.

Jeremia 6:21

Anyin a wale walang hna ha hnö Iehova, ka habe, Wâ bi, oge me he ka ip ta je ûnyi hnân ohavâ hnyi hnyimakan tavat ang: ke ame he je kamen me je lakon ka tha haû hnyin e; ame he ka tha mok at me waeny.

Ezekiela 23:18

Me e ame omanenâ anyin bi ûnyi monu, me omanenâ unyin: me oge me hûkotiâ e helâji me hnok hna hûkotiâ tuhan.

Hosea 5:9

Ame he ka ba wan Eferaima hnyi bong û: oge hia but omanenâ ka je tribuiny Isaraela ûnyi ame he ka o.

Zefania 3:5

At ae wisa Iehova hnyi wanben e; e ame ca he ka ânyâ hulö; e ame oâ hna owisa ka hnyi melam hnyi je hnyomakatu, e ame ca haû bi; ke haba at ae ca wisa bi, me ca khana bi hmehma.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.