Jeremia 7:6 - Iaai Bible 1901 (New Caledonia)

⁶ öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Jeremia 7:6 ပူးပေါင်းရင်းမြစ်များ

II. Je Than 21:6

Ke e ame kunâ nokon baga he ka he hnyi wanben meic, ke e ame bihihwakecin, me bi biobotkong, me tha laba unyin tavat tren hanu ae kong, me tavat bi khong: e gan hmâ hulo e ame ânyâ hnyi hnyimakö Iehova, me me ohmönyinâ e.

II. Je Than 24:4

me can minya dra ae ba hnyikongon, waleji e ame hingâlâ; anyin a e ame ounöngötâ Jerusalema ge dra ae ba hnyikongon: ke ame höcö Iehova he ka hna degecâ.

Salamo 106:38

Me hingâlâ dra ae ba hnyikongon wale dren lakudra obaga me wahlu, Waleji adre hudo ka ta je idolainy hnyei Kanana; Me ame kong ut hnyei ge dra,

Ta je Vejec 23:10

Ca oc bi hnyigöulen kâû adrem; Ke ca hnyi he ka hnyi hnyei iny nakahme:

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 19:4

Anyin adre hia but hna degeci nya me okebongonâ bi dok ang, me leû utö eang ae bo so ka ke je khong, waleji ae ca khanʼ ödra, ödra me je lakamödra me je than Juda; ke adre hia but öunöngötâ dok ang ge dra dren tavat ae ba hnyikongudrin:

Jeremia 2:30

Oge kot je lakubun ke ûnyi baû bi; adre me ca kap hna nʼ ödra; hnen anyibun hele vat hna an anyibun je perofeta, helâ me liona at ame ohia.

Jeremia 2:34

Ke adre me wâ minya hnyi obiny ânyâm je ûkhaû dren tavat ae theduoc ae ba hnyikongudrin; oge ca wâ e hnyi dek adre thu ka hnyin, ke hon je ûnyi e hia.

Jeremia 26:15

Ke so bi, wâhmakhmeto ju öbun, öbun e ne he ka hlingö nya, öbun e he ka ohwâdâ dra ae ba hnyikongon hubun, me hon taun ang me tavat adre me labā e: anyin ae hnathu Iehova ame kunö nya köbun he ka ha ka hnyi je hnyikönyöbun ta je hofuc ang.

Jeremia 26:23

ke adre me hum Uria ûheny Aigupito me hom e kö Jehoiakima than, me e ame hlingâ e ge hele vat me khûâ unyin ka hnyi erkemok anyin houmonu.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Jeremia 7:5

Anyin a öbun e ne ti ânyâwia debun je gethen, me je hwakecibun; öbun e ne ti owisa ka ke at me ke at;

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Je tenge anyi Jeremi 4:13

Can hulo anyin je perofetainy, me hulo anyin tavat bihut, Hnyat adre hia but hingâlâ dra dren tavat ae wisa hnyi wanben e.

Ezekiela 18:6

kʼ ame ne ca munyi han hon je bucen, kʼ ame ca bwela göranyai ka je idolainy lap anyi Isaraela, kʼ ame ca hia but okongoâ âiân ke at, kʼ ame ca kâlâ momo hnyi ûen ae ca ûcû;

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Levitiko 19:33

Ke ame ne ke at a aten ke hnyei ame laba kanyua unyibun hnyi ibun hnyei, ca he öbun ka okongoâ.

Levitiko 25:17

Ca he öbun ka ûkongunyköu; ke so bi u me he ka outen Khongom: anyin a inya Iehova Khongubun.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 27:25

Haba tavat hia adre me thu, ka habe, E so e he dren ka takû ohmun me lakuhmun.

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

Deuteronomi 11:28

ke hnaûhangö, öbun e ne ca löng hoton je hnanyibu anyi Iehova Khongubun, me saû bi ûnyi hnyi gethen oge me hûna köbun hnyi bong ang, he ka hnu hoton je khong monu, ae ca khanʼ öbun.

Deuteronomi 24:17

U me ca he ka ohwalö hna owisa ka atkanyua me nakahme; me hom ûkhaûen safac hnân haten:

Deuteronomi 27:19

Hnaûhangö at ame ohwalö hna owisa ka atkanyua, me nakahme, me safac. Kʼ ame he tavat hia ka ha, ka habe, Amen.

Deuteronomi 8:19

Ke u je ne hnying Iehova Khongom, me hnu hoton ke je khong bi, me bi athnyabaidrin, me khudrung ködrin, awe, inya oge me ha wia köbun hnyi bong ang a gʼ adre me he ka ohiʼ öbun.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.