Jeremia 7:30 - Iaai Bible 1901 (New Caledonia)

³⁰ Anyin a ânyâ ûnyi ae kong hnen lakon Juda hnyi hnyimakök, haingö Iehova: adre hia but ip anyidra ta je ûnyi ae ikiki hnyi hnyin uma waleji oge ip iök hon, mʼ adre me okongoâ e.

Jeremia 7:30 ပူးပေါင်းရင်းမြစ်များ

II. Je Than 21:3

Anyin a e ame otilâ hmetu je dok ae görany waleji a ohia ga Hezekia a kamen; ke e ame otilâ je taben hut kö Baala, me ânyâ ke Aseira, helâ me hna ânyâ hnö Ahaba than Isaraela, me khudrung ka ta je ûnyi hia hnyi drany, me bi athnyabaidrin.

II. Je Than 21:4

Ke e ame op je taben hut hnyi uma umo Iehova, wale a ha gan Iehova, ka habe, Oge me he ka ip iök hnyi Jerusalema.

II. Je Than 21:7

Ke e ame otilâ Aseira, wale e ame ânyâ, hnyi uma a ha gan Iehova kö Davita me Solomona a nokon, ka habe, Haba hnyi uma ang, me hnyi Jerusalema, wale oge me ûca ûnyi hnyi je tribu Isaraela hia, me oge me he ka ip iök hnyin nyiele balua:

II. Je Than 23:12

Ke haba je taben hut walethö hnyi hon ban hnyeule Ahaza, a ânyâ ge je than Juda, me je taben hut a ânyâ Manase hnyi li hnyeuleny uma umo Iehova, me haba than ame kia but, me hagutâ hnyikânâi ûheny e, me khûâ dron ka hnyi wagewe Kederon.

II. Man Ûlabainy Je Than. 33:15

Ke e ame hom degecâ je khong kanyua, me idola ûnyi hnyi uma umö Iehova, me je taben hut hia waleji e ame op hnyi buceniny uma umö Iehova, me hnyi Jerusalema, me khûʼ ödrin ka hnyi hoton taun.

II. Man Ûlabainy Je Than. 33:3

Anyin a e ame op hmetu je dok ae gorany waleji a ohia Hezekia a kamen; ke e ame otilâ je taben hut kö Baala, me theati Aseira, me khudrung ka ta je ûnyi hia hnyi drany, me bi athnyabaidrin.

II. Man Ûlabainy Je Than. 33:7

Ke haba idola adre theatâ wale e ame ânyâ, me e ame otilâ hnyi uma umen Khong, waleji a ha gan Khong kö Davita me Solomona a nokon, ka habe, Haba hnyi uma eang me hnyi Jerusalema wale o ge ûca ûnyi hnyi ta je tribu hia anyin at Isaraela, oge me he ka ip iök hnyin nyiele balua:

Isaia 66:4

Oge me he bi minya ka ûca anyidra ta je tang iyauö, me oâ kodra ta je ûnyi adre me outen; anyin a hnyi ûen oge me hongot, e ba at ame ieû; hnyi ûen oge me fuc, e ba at ame long: ke so bi adre me ânyâ hulo hnyi hnyimakök, me ûca ûnyi oge me ca senyinâ.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Jeremia 23:11

Anyin ame bi gan je perofeta me tavat bihut, eke, oge hia but wâ anyidra hulo hnyi umök uma, haingö Iehova.

Jeremia 32:34

Ke adre me otilâ je ûnyi ae ikiki hnyi uma waleji adre wenyö kâu iök, me adre me okongoâ e.

Jeremia 32:35

Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Ezekiela 7:20

Ke haba mecin anyin hmanenang, e ame otilâ e hnyi bongon than: ke adre me otilâ bi je idola ae ikiki me hnân hûkotiâ hnyin e: anyin a wale oge hia but hna e kodra hnân ûnyi ae ikiki.

Ezekiela 8:3

Ke e ame hinöbeny helâke hnyam, me kât leûnen bok: ke haba hanu ame köp nya göranyai wanben hmeledrany me drany, kʼ ame hum nya Jerusalema ai hnyi hna omanenâ ûnyi ge Khong, ka hnyi hlinginy homagöule ka hnyi hnyeule eiö hnyin ka hnyi hwadro; wale taben idolainy ciâ hnyin, at ame ociâ.

Daniela 11:31

Ke ame he ka tot hobi kâu je deo vat, ke adre me he ka okongoâ dok ae kap wale a hnabâ, me ohia hudiny leû adre hudo hnyi je bong hia, ke adre me he ka otilâ ûnyi ae ikiki at ame öba wan.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.