Jeremia 7:29 - Iaai Bible 1901 (New Caledonia)

²⁹ Jerusalema lö, subâ luâ but leûnen bâm, me degec e, ke tenge thungaû thö hnyi dok ae gorany; anyin a hia but Iehova degec me hna but dö e ame hmonyin kâu.

Jeremia 7:29 ပူးပေါင်းရင်းမြစ်များ

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

Jobu 1:20

Haba Jobu ame todrö me kia but anyin ûkhaû, me giâ ban, me ta ju hnyikânâi me khudrung;

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Jeremia 12:7

Oge hia but hna umök uma, oge hia but hna degecâ ik hnyei; oge hia but hna oûnykûmik ka hnyi hnyamen je iwahnaihmiony më.

Jeremia 14:19

Hawa, u je hia but ti digic Juda? ke a biâ but hanom ikikiâ Ziona? anyin a ieû u je kuc ohmun, ke ba eny kohmun? ohmun e halubahingen hnahic, ke ba bi so, me ûen metu, ke wâ bi ot bi.

Jeremia 16:6

Ke ame he tavat ae gan me tavat ae ûhnyûkong ka mok hnyi hnyei ang: adre me ca he ka konim ödra; ke ame ca he tavat ka tenge gadra, ke adre me ca he ka thamuö hwadrak ny, me ohadreûâ, adre me ânyâ hnyi hnyamok;

Jeremia 3:2

Bwele thö ka hnyi je dok ae ba leûnen ethö, me wâ: ewa dok adre ca tha mokut möu hnyin? U je laba halubahingʼ ödra eû hnyi je gethen, helâ me at Arabia hnyi hnyebuba; ke u je hia but oikikiâ hnyei ge hnâm hna bi ûnyi monu, me hwakecâm ae kong.

Jeremia 3:21

Adre me long hofuc hon je dok ae ba leûnen ethö gorany, wale tenge me khöû anyin lakon Isaraela; anyin adre hia but omono dedra je gethen, me hnying Iehova Khongudrin.

Jeremia 47:5

A o but hadreû ban kö Gaza; adre me ohia Asekelona, kolon hnyigöulen anyidra bucen; u me he ka kavi u bi ke ne o but kehö?

Jeremia 48:37

Ke hadreû je hodra hia, ke adre giâ je waidra hia: e hu hwadeny hna kave hon je hnyam hia, ke ecmano ae gan nân hon je nyidra.

Jeremia 6:30

Adre me he ka hwenyi iödra sileva adre degec, anyin a hia but Iehova digic ödra.

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Jeremia 9:16

Ke oge me he ka ovesei ödra ka hnyi ta je hnyei a ca wâ bi gadra me hnen lakamödra: ke oge me he ka kunâ hotudra hele vat, ke ne o but oge hia but öaûʼ ödra hia.

Je tenge anyi Jeremi 5:22

Ke so bi u je hia but ti hna degeci ohmun, U je hmonyâm hmonyin kohmun.

Ezekiela 19:1

KE so u ma hwân ka tenge ge je taben Isaraela,

Ezekiela 28:12

Nokon at lö, hai thö khumöng tenge ge thaniny Turo, me ha kâu, ka habe, Walang hna ha hnen Than Iehova, ka habe, U hnân okeceâ haten ae bekhot, ae unöngöt ge metâ, ke bekhot hmanenanginy.

Amosa 5:1

LAP anyi Isaraela lö, long ju hofuc ang wale oge me ha hnân khumöng tenge gubun.

Mika 1:16

Ohia but leûnen bâm ke giâ bi; can lakom u me betenge gadrin: ogânâ but dok ae ba leûnen helâ me aeto; anyin adre me he but ka bâ ûhedra unyâm.

Mataio 12:39

Ke e ame thu ködrin, ka habe, Dö ae kong ke bi ûnyi monu, adre me elâm haten; ke adre me ca he ka ham kodra haten, ke so thibi haten ga Jona perofeta:

Mataio 16:4

Ame elâm haten hnen dö ae kong kʼ ame bi ûnyi monu; kʼ adre me ca he bi ka ham kâu haten, ke so thibi haten anyi Jona perofeta. Ke e ame hnʼ ödra, me he but.

Mataio 23:36

E hnathu inya oge me ha köbun, ka habe, Ame he ka o ta je ûnyi hia eling ka dö ang.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Ta je huliwa 2:40

Haba Peteru ame khetâ, kʼ ame khöû kodra ge ta je hofuc ae se hia, haingen, ka habe, Omeli öbun dö ûnyi hnyi dö eang ae hwali.

Deuteronomi 32:5

Adre hia but iyawâ, ödra ca lakon, ke wale hnyikongudrin; Dö ae hwen höcö, ke hwali hwakecidru.