Jeremia 7:24 - Iaai Bible 1901 (New Caledonia)

²⁴ Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Jeremia 7:24 ပူးပေါင်းရင်းမြစ်များ

Nehemia 9:29

ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Salamo 81:13

E na he ju lakeik ba ling nya, Me vheno dek je gethen hnen at Isaraela!

Jeremia 13:10

Haba hnyei ang ae kong, tavat adre me höcö long hok je hofuc, tavat adre me hnu hoton hwegien hnyekudra bi, me he hoton ke je khong bi he ka bi athnyaba ködrin, me khudrung ködrin, adre me he ka ûcû me wen ang, ae ûnyi baû but.

Jeremia 13:11

Anyin ame kece wen ka hnyi hnyin at, helâe oge hia but okeceâ könya lap hia anyi Isaraela, me lap hia anyi Juda, haingö Iehova; mʼ adre me he ka hnân lakeik, me iök, me ogânâ, me hmanenang: ke adre me höcö long.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 16:12

ke öbun e hia but ânyâ hulo ae gan hmâ hon je lakamöbun; anyin a, wâ bi, öbun e ve hnu hoton ihwegien je hnyekubun ae kong, me öbun e ca ling nya bi:

Jeremia 17:23

ke so bi adre me ca löng, me tevehlöng, ke adre me ohwegiâ je nyidra, mʼ adre me ca löng bi me kap bi hna ûnö.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 18:10

ame ne ânyâ hulo hnyi hnyimakök, me ca löng ifucik, awe, oge me he ka ietra so, waleji oge ha he ka ohnahici ödra hnyin.

Jeremia 18:12

Ke adre me ha, ka habe, E ûnyi baû bi: anyin ohmun e he ka hnu hoton anyihmun ta je bihihwakecin, me ve ânyâ hoton ihwegien je hnyekuhmun ae kong.

Jeremia 2:27

wale tavat adre me ha ka hnyiban utö, ka habe, Kamök u; me ka veto, U je hnöku nya: anyin adre me hotudra könya, me ca hnyimakodra bi; ke hnyi ûen anyidra vec, adre me he ka ha, ka habe, Todrö me omeli ohmun.

Jeremia 22:21

Oge fuc köu hnyi ânyâm sot, me u me ha, ka habe, Oge me ca he ka löng. Wale hwakecâm kʼ u tiga ûhnyûkong, ke u je ca löng ifucik.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 3:13

Ke so bi, ogâ thö ânyâm hulo, a u je ânyâ hwakecin ae ikiki kö Iehova Khongom, me he monu unyin je atkanyua hmelen ta je ûö hia ae hât: ke öbun e ca long hok hofuc haingö Iehova.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 32:23

ke adre me o ka hnyin, me labā e; ke so bi, adre me ca löng hwâm hofuc, ke adre me ca vheno bi ânyâm je hnanyibu; ke adre ca ânyâ ke ûnyi hnyi je ûnyi hia thithö u je hûna kodra: anyin a wale, u me oâ kodra ta je ûnyi hia eang ae kong:

Jeremia 32:33

Ke adre me hia but wia könya hotudra, me ca hnyimakodra bi: eja ke ne oge ne nʼ ödra, me vesâ kong me ûne, me adre me ca he ka löng me kap hna ûnö.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Jeremia 9:14

ke adre hia but hnu hoton ihwegien hnyekudra, me je Baala, waleji a nʼ ödra hnen laka-mödra:

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:16

anyin adre me hûkotiâ hnok je hna owisa, me ca vheno anyik je hnanyibu, ke adre me okongoâ anyik je sabath: anyin a je hnyekudra ame hnu hoton je khongudrin.

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Ezekiela 20:8

Ke so bi adre me ûkhin fuc mönya, me höcö ling nya; kʼ adre me ca ve degec ta je ûnyi ae ikiki hnyi hnyimakodra, kʼ adre me ca hna degecâ je khongon Aigupito: me oge me ha a oge me he ka hingâlâ anyik hmönyin hudra, hnân he ka umö anyik wathethot hnyi wanben hnyei Aigupito.

Daniela 9:6

ke öhmun e ca hia but long ka lathnyabaem a ta je perofeta, tavat adre me fuc hnyi iâm ka latuhöhmun, ke anyihmun je taben, ke lakamöhmun, ke tavat hia thithö hnyi hnyei.

Hosea 10:6

Ke adre me he minya ka hom e Asuria ai hnân bwihlany kö Jareba than: ame he Eferaima ka hmehma, ke ame he Isaraela ka hmehma ge hnen hna ûhnenamö.

Hosea 4:16

Anyin a hia but Isaraela ûkhin fuc, helâ me man kau at ame hwen höcö: ke ame he Iehova walang ang ka ha ö ʼdra helâ me nokon mamoe hnyi dok ae lau.

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Zakaria 7:11

Ke ödra höcö long, me behânâ bajebenyidra, kʼ adre me hlöng je hnyikönyödra, mʼ adre me ca long bi.

Deuteronomi 29:19

ke e ka löng hofucin ûhangö eang, me e ame he ka hahnahicâ e bi hnyi hnyekon me ha, ka habe, Eja ke ne oge ne vheno weny hnyekuk, he ka bi hnen ûnyi ae kukuba ge ûnyi ae mada, me oge me he ka so but: