Jeremia 7:18 - Iaai Bible 1901 (New Caledonia)

¹⁸ Ta je wanakat adre me thigö utö, ke haba je kamen adre me hû meic, ke haba je momo adre me up falawa, me adre me ânyâ je ong areto hobi kâu momo thaniny drany, me hingâlâ ka ke je khong je hudiny ic, me adre me ohmönyini nya.

Jeremia 7:18 ပူးပေါင်းရင်းမြစ်များ

I. Je Than 14:9

ke u je hia but ânyâ hulö ae gan hon lakâmâm, me he me ânyâ hobi köu bi je khong monu, me je hnatheat adre me oköiâ, he ka ohmönyini nya, ke u je digic nya bi hotom ai:

I. Je Than 16:2

Anyin a oge ogöranyi u ûnyi hnyi sesâ me otüö u hnân thaniny lakeik a at Isaraela; ke u je hia but vheno gethen de Jeroboama, me kunâ lakeik a Isaraela he ka monu, he ka okûâ anyik hmonyin ge anyidrin je hulö;

Salamo 16:4

Ame he ka se hia vec ka tavat adre me hwio ka ke khong: Oge me ca he ka hudo anyidrin je hudiny dra hnân ic, Ke hom ta je iödrin ge li esongodik.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 57:6

Haba jekhom, me eû hnyi hnyigöulen bucen hnyi wanben je veto ae haûhaû; wale, wale bi hna khenâ köu: u je hia but hingâlâ hudiny ic bi kodra me bi hut. Hawa, oge me he ka hna baûâ ta je ûnyi e?

Isaia 65:11

Ke haba öbun tavat öbun e hna degeci Iehova, me hnying anyik bucen ae kap, me penapena laulau kö Gada, me öunöngötâ hudiny ic hobi kö Meni;

Isaia 65:3

tavat adre me ohmönyini nya hnyi hnyimakök hnyi ta je bong, adre me bi hut hnyi ta hnyei, kʼ adre me leû uto ae bo so hon je veto kânâ;

Jeremia 1:16

Ke oge me he ka ha hnok je hna owisa gadra, can anyidra ta je hulo hia; waleji hnyi hnödra hna digic nya, me leû utö ae bo so ka ke je khong, me hmi ka ta je huliwa anyin ta je hnyamödra bi.

Jeremia 11:17

Anyin a haba Iehova tuhan sabaoth at ame te u, ame ha ûnyi ae kong köu, can hulo anyin lapanyi Isaraela, me lap anyi Juda, waleji adre me ânyâ hobi kodra bi me ohmönyini nya, adre me leû utö ae bo so kö Baala.

Jeremia 17:2

ke haba ta je lakudra adre me ûnykûme anyidra ta je taben hut, me anyidra je Aseira hnyi je ûö ae hât hon je hut ae gorany.

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Jeremia 25:7

Ke so bi, öbun e ca hia but ling nya, haingö Iehova; me öbun e he ka ohmönyini nya ge ta je huliwa anyin je hnyamöbun me öbun e he ka kong.

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 44:25

Walang hna ha hnö Iehova tuhan sabaoth, Khongu Isaraela, ka habe. Öbun e hia but me laöiöbun ha ge hnyimöbun, me ohwâdâ ge je hnyamöbnn, ka habe, Ohmun e he ka ohwâdâ anyihmun je khöbi waleji ohmun e bi khöbi, he ka leû utö ae bo so ka momo thaniny drany, me hingâlâ je hudiny ic kâu; awe, he thʼ öbun he ka ohwegiâ anyibun je khöbi, me ohwâdâ anyibun je khöbi.

Jeremia 44:4

Ke so bi, oge me kunâ köbun je athnyabaik hia je perofeta, me vesâkong, me ûkhûnöng, me ha, ka habe, Öbun a ca ânyâ ûnyi ang ae ikiki wale a hmiök.

Jeremia 7:17

Hawa, u me ca wâ hnödra je hna ânyâ hnyi je tauniny Juda me je gethen hnyi Jerusalema!

Je tenge anyi Jeremi 5:13

Adre me hom wabidröu he ka khin hwit, Ke haba je da adre me ta hmelen je uto adre hom.

Ezekiela 16:26

Ke u je hia but bi ûnyi monu me tavat Aigupito, tavat adre me laba hakekenyi u, tavat ae gan hmaidro; ke u je hia but osehia hnâm je hna bi ûnyi monu, me ohmö-nyini nya.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 8:16

Me e ame hum nya ka hnyi hnyeuleny uma umö Iehova eiö hnyin, ke wâ bi, hnyi hwanumen uma umö Iehova, wanben poretiko me taben hut, helâke me twente faiv tavat adre me hotudra ka hnyi uma umö Iehova, me hnyimakodra deiö; ke adre me khudrung deiö ka seûno.

Ezekiela 8:17

Ke e ame ha könya, ka habe, Nokon at lö, u je wâ but e? Hawa, ûnyi ae hâhâ ka lap anyi Juda wale a gʼ adre me ânyâ je ûnyi ae ikiki wale adre me ânyâ eang? anyin adre hia but öunöngötâ hnyei ge ûokonguny, me hwio hmetu mʼadre me ohmönyini nya: ke wâ bi, adre me inâ anginy ûö ka hnyi je hnyingoidra.

I. Korinito 10:22

Hawa, ate me cubic Than he ka ciâ? hawa, öta hwege hon e?

Deuteronomi 32:16

Adre me okûâ anyin ciâ ûnyi ge je khong atkanyua, Kʼ adre ohmönyinâ ge anyidra ta je ûnyi ae ikiki.

Deuteronomi 32:21

Adre hia but okûâ anyik ciâ can ûnyi a ca Khong bi; Adre hia but ohmönyini nya ge anyidra ta je ûnyi baû: Me oge me he ka okûâ anyidra ciâ ge je hnyat a ca hnyei bi; Oge me he ka ohmönyini ödra ge hnyei ae monu.

Deuteronomi 4:19

ke wâ u nye bwele thö hnyi drany ai, ke u je wâ seûno, me tehi, me je okhû, a je ûnyi ae se hia hnyi drany, kʼ adre me hum u he ka khudrung me bi athnyabainy ta je ûnyi e, waleji Iehova ame ip hobi kâu ta je hnyei hia eang hmeledrany.