Jeremia 7:14 - Iaai Bible 1901 (New Caledonia)

¹⁴ anyin a wale oge me he ka ânyâ ka uma wale adre ip hon iök waleji öbun e labageju kâu, me ka hnyi dok waleji oge ham köbun me lakamöbun helâ me hnok hna ânyâ ka Silo.

Jeremia 7:14 ပူးပေါင်းရင်းမြစ်များ

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

II. Man Ûlabainy Je Than. 7:21

Ke haba uma eang ae beû gorany ai, ame he ka hnân lâiâ ka tavat adre me he, me ha, ka habe, Anyin a ieû Iehova ame ânyâ helâe ka hnyei ang me uma eang?

Salamo 78:60

Me e ame hna degecâ uma hnyi Silo, Waleji uma mano e ame otilâ unyin tavat;

Isaia 64:11

Adre hia but hiâ ge meic umöhmun uma ae kap ke hmanenang, waleji a oganö u hnyin hnen lakamöhmun; kʼ adre hia but hagutâ anyihmun ta je ûnyi hia ae kese.

Jeremia 12:7

Oge hia but hna umök uma, oge hia but hna degecâ ik hnyei; oge hia but hna oûnykûmik ka hnyi hnyamen je iwahnaihmiony më.

Jeremia 23:39

anyin a wale oge me he ka ti hnying öbun, ke oge me he ka obâ degeci öbun ûnyik, öbun, me taun, waleji oge ham köbun me lakamöbun:

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 26:4

Ke u me he ka ha kodra, ka habe, Walang hna ha hnö Iehova, ka habe, Öbun e ne ca ling nya he ka vheno anyik hnanyibu, waleji oge ip hnyi hnyimaköbun,

Jeremia 7:10

me o me tot hnyi hnyimakök hnyi uma eang, waleji adre ip hon e iök me ha, ka habe, Adre hnʼ ohmun; mʼ öbun e he ka anyi ta je ûnyi hia eling ae ikiki?

Jeremia 7:12

Ke he thö walang ang ka hnyi hnok ehac hnyi Silo waleji oge bök ka ip iök hnyin, ke wâ thö hnok hna ânyâ kâu can hulo anyin lakeik a at Isaraela.

Jeremia 7:4

Ca he öbun ka labageju ka ta je hofuc thoi me ha, ka habe, Umo Iehova, umö Iehova, ödrin hia eang.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Je tenge anyi Jeremi 4:1

NAKAINY gol ae udrem but! a hwio but gol ae so! Adre hingâlâ je vetoiny dok ae kap hnyi je hna saû hia.

Ezekiela 23:31

U je hia but vheno gethen deny tuhâm; anyin a wale oge me he ka ham anyin kaia ka hnyi hnyamâm.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Deuteronomi 28:52

Ke e ame he ka igigili u hnen vat hnyi ânyâm je taun hia, ke ne o but ame u ta je hak veto u me op goranyai waleji u me geju kâu hnyi em hnyei hia: ke e ame he ka igigili u hnyi ânyâm je taun hia hnyi em hnyei waleji a ham köu Iehova Khongom.