Jeremia 7:12 - Iaai Bible 1901 (New Caledonia)

¹² Ke he thö walang ang ka hnyi hnok ehac hnyi Silo waleji oge bök ka ip iök hnyin, ke wâ thö hnok hna ânyâ kâu can hulo anyin lakeik a at Isaraela.

Jeremia 7:12 ပူးပေါင်းရင်းမြစ်များ

I. Je Than 9:7

awe, oge me he ka subâ degeci Isaraela ûnyi hnyi hnyei wale oge ham ködrin; ke haba uma ang oge okabâ hobi kâu iök, me oge me he ka degec ûnyi hnyi hnyimakök; ke ame he Isaraela ka tot hnân hofuc vejec me hluma hnyi ta je hnyei hia:

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 7:14

anyin a wale oge me he ka ânyâ ka uma wale adre ip hon iök waleji öbun e labageju kâu, me ka hnyi dok waleji oge ham köbun me lakamöbun helâ me hnok hna ânyâ ka Silo.

Deuteronomi 12:11

awe, haba dok ame he Iehova Khongubun ka ûca hnân umen ien bi; me öbun e he ka hom kâ e ta je ûnyi oge hûna köbun; wale je hudiny leû, me anyibun je hut, me anyibun je ke keihen a libenyitainy, me je hudiny kap goranyai hnyi hnyamöbun, me anyibun ta je khöbi hia ae ûnyi hnathu kö Iehova:

Deuteronomi 12:5

Ke haba dok ame he Iehova Khongubun ka ûca ûnyi hnyi anyibun je tribu hia me me ip eling ien bi, awe öbun e he ka elâm e wale hnyaban me he kâ e:

Josua 18:1

KE ame ûkhacaköu tavat a lakon Isaraela hia hnyi Silo, ke adre me otilâ eling uma mano a uma ûkhacaköu: ke ame ngâ but hnyei hnyi hnyimaködrin.

Josua 18:10

Ke Josua ame ugleköbâ hobi ködrin hnyi Silo hnyi hnyimakö Iehova: ke Josua ame khenâ eling hnyei ka lakon Isaraela hoton je jekhöûdrin.

Owisa 18:31

Ke ödrin e otilâ hobi ködrin hnatheat adre tretrao anyi Mika, wale e ame ânyâ, hnyi ta je bong hia wale a e bi hnyi Silo uma umen Khong.

I. Samuela 1:3

Ke haba at eling ame labö he hnyi je huna ûheny hnyi hnyaban he ka hnyi hmi me bi hut kö Iehova tuhan sabaoth hnyi Silo. Ke haba eling li laku Eli, jia Hofeni me Fineasa, a li at bihut kö Iehova.

I. Samuela 4:22

Ke e ame ha, ka habe, A hia thö hmanenang unyin at Isaraela; anyin adre hûgûnâ thö tang tangen Khong.