Jeremia 6:4 - Iaai Bible 1901 (New Caledonia)

⁴ Penapena thö he ka vat më; todrö, me ate me he ka ölö hnyi jebigo. E köiö gata! anyin ae haû but seuno, e beû but je hmenon sahac.

Jeremia 6:4 ပူးပေါင်းရင်းမြစ်များ

Jobu 7:2

Helâ me athnyaba ame weny hmonyin â hmenu, Ke helâ me at ame hok hwaban ame halubahingen hwaban anyin huliwa:

Khumöng Hwanyi Solomona. 2:17

Hwio thö, oûnykûmik, me u me helâ me zebi me nokon aila Hon je buceniny Bether, Ke ne o but menyikiny bong, ke ame he but je hmenu.

Jeremia 15:8

Adre ose hia je safac unyidra hnyi hnyimakök hon je waönyin köiö: oge hia but hom kodra ûcon hinyen wahidröu, at ame söh hnyi jebigo: oge hia but ie oâ kodra ot me öbubuny.

Jeremia 15:9

E sënyin dut momo ame hnöku ödrin seven; e ame mokcu; ame didrut anyin seûno, ke tiga lany bi; e ame hia but hmehma me hlohlo: ke oge me he ka hna je koluidra ka hnyi hele vat hnyi hnyimakan je iwahnaihmiony mödra, haingö Iehova.

Jeremia 5:10

Öliâ thö je hna up haginy, me hlingâ; ke ca he bi ka ohia hia: hom but je anginy, anyin a ca je ûnyi e anyi Iehova.

Jeremia 6:23

Adre me hok cafana me ö; ödra tavat beöveci, me ca betenge; ame û ifucidra helâ me köiö, ke adre me tabâ je hors; adre me ve tot metâ hia, helâ me tavat ka hnyi vat, ûcom, hluiny Ziona.

Jeremia 8:20

A um dö ûen menu: obiny ju ang honivakeny, ke adre ca omeli öta bi.

Joela 3:9

Haimemenâ thö e ka ta je hnyei; penapena thö vat: bwebwelâ thö tavat hwege; e so e hakekeny me ölö thö tavat vat hia.

Obadia 1:1

HNA omanenâ ko Obadia. Walang hna ha hnen Than Iehova ge Edoma. Ate me long ut je uthumetu ûnyi ga Iehova, ke adre ûkhûnöng ka hnyi je hnyei, me ha, ka habe, Todrʼ öbun, ke so ate me tot ûcon me vat më.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Zefania 2:4

Anyin adre me he be ka hota degecâ Gaza, ke ame he ka ba wan Asekelona: adre me he ka obâ Asedoda hnyi jebigo, kʼ adre me he ka oc Ekerona me iwân.