Jeremia 6:26 - Iaai Bible 1901 (New Caledonia)

²⁶ Nokon ik hnyei a hlu lö, oweikö u ju ge mano ae gan nân, seset ju hnyi hnabadröu: tenge thungaû thö helâ me at ame tenge ge nokon a khaca, ame tenge thungaû hwege; anyin ame he ka ie o köta at sei.

Jeremia 6:26 ပူးပေါင်းရင်းမြစ်များ

Genese 21:16

Kʼ ame he momo me laba sâkâûâ cicö e, helâke hna fana ka hnyin: anyin a haingen, ka habe, Iny na ca wâ imekiny wanakat. Ke momo ame laba cicö me tenge hwege goranyai.

Jobu 15:21

E bala bi hnyi li hnyikonyen hwan je ûnyi hnân outen; Kʼ ame he ka o kâu at sei hnyi ûen ae sot.

Jobu 2:8

Ke e ame hom ke watagi kaia me khudreû unyin; ke e ame laba hnyi hnabadröu.

Isaia 22:12

Ke hnyi bong eling Than, Iehova tuhan sabaoth ame hawâ he ka tenge, me tenge thungaû, me hadreû, me weikâ mano ae gan nân:

Isaia 22:4

Anyin a wale, haingök, Hwio thö gak, oge me he ka tenge hwege; ca huliwa bi he ka otubweli nya, can hna okongoâ hluiny ik hnyei.

Isaia 3:24

Ke ame he ka hu bebong hwaban bo so; ke tö ae gan nân, hwaban wen hnyok; ke hadreû, hwaban hna theibâ ban; ke hnamöc a mano ae gan nân, hwaban ûkhaû ae laû; ke delâ, hwaban hmainy hnyimak.

Isaia 30:13

anyin a wale ame he hulo ang ka helâ me hmouca köbun, ame he ka ta, ae dua hnyi hna up veto ae beû goranyai, ame he ka ie bobot helâ me thuthubademak.

Isaia 32:11

Öbun je momo adre me laba wia lö, öbubuny ju; tavat adre me laba monu lö, ot ju: uny jut me me ba ûkhaû, ke hûkölö hnamejibun ju mano ae gan nân.

Jeremia 12:12

Ame he but tavat sei hon je dok hia ae gorany hnyi hnyebuba: anyin a hele vat anyi Iehova ame han, hwân hnyi ke obiny hnyei ke ne o but hnyi ke obiny, ke ba bi hnahic ka ke at.

Jeremia 13:17

Ke öbun e ca long, ame he hnyekuk ka tenge hnyi dok ae iyong can anyibun bigan; ke ame he li emakök ka ti tenge, me lup ge deköiök, anyin adre hom bâ hna hat mamoe hale Iehova.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 15:8

Adre ose hia je safac unyidra hnyi hnyimakök hon je waönyin köiö: oge hia but hom kodra ûcon hinyen wahidröu, at ame söh hnyi jebigo: oge hia but ie oâ kodra ot me öbubuny.

Jeremia 18:22

E so adre me long tenge hnyi umödra je uma, hnyi ûen u me he ka ie oâ kodra deo vat; anyin adre hia but hiny thop hnân odili nya, me ikhâlâ je hnewe hnân li cak.

Jeremia 30:5

Anyin a walang hna ha hnö Iehova, ka habe, Ate hia but löng hwan öbubuny me ot, ke ca hnahic bi.

Jeremia 4:11

Hnyi ûen e, adre me he ka ha ka tavat ang me Jerusalema, ka habe, Ang ae kahwa ûnyi ethö je dok ae ba leûnen hnyi hnyebuba cicö hluiny ik hnyei, ca hnân ulec me ânyâwia;

Jeremia 4:20

Adre me hongot ûhangö me ûhangö; anyin adre söh hia thö hnyei: adre ie söh umök je uma mano, me anyik je hak mano helâ me thuthubadecmak.

Jeremia 4:8

Can e, weikâ ju öbun mano ae gan nân, tenge thö me kuku; anyin ame ca hmetu gata hmonyin ae gan hmâ anyi Iehova.

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 8:19

Wâ bi, ûtengien hluiny ik hnyei ûnyi hnyi hnyei ae sâkâû: hawa, ca e bi Iehova hnyi Ziona? ke ca e bi ling thaniny? anyin a ieû adre hia but ohmönyini nya ge anyidra je hnatheat, me anyidra ta je ûnyi baû a je atkanyua.

Jeremia 8:21

Oge aat dö, anyin a aat dö hluiny ik hnyei: iny hlit ut ame o but könya uthmâhmâ.

Jeremia 9:1

E NA köiö ju bok, ge pupuainy deköien li emakök, me inye he ka tenge hnyi lany me lit can tavat adre me hlingâ aten hluiny ik hnyei!

Jeremia 9:10

Oge me he ka tenge thungaû can ta je bucen, me khumöng tenge can ta je dok a je sajilat hnyi hnyebuba, anyin adre thong degecâ thö, me me ca vheno hnen at; ke ca khana tavat he ka long hwan je meno; ame tha hia but je meno ame gâ ethö me je menoiny hnyok

Je tenge anyi Jeremi 1:16

Can ta je ûnyi eling, me oge me tenge; ke haba emakök, me ame hingölö köiö ûnyi hnyi li emakök; Anyin ae ûsâkâûö but mönya at ûötubweli, at a hamen he ka okahwa hnyekuk: E ba but thatûnyi anyin je lakuk, anyin ame ton iwahnaihmiony.

Je tenge anyi Jeremi 1:2

E ame tenge gan hmâ hnyi hnyinghet, ke e hnyi li wahicen deköien; E ba at hnyi je lawaeny hia he ka otubwelâ e: Kʼ ame iyawâ e je liamewaeny më, Kʼ adre me bi iwahnaihmiony më.

Je tenge anyi Jeremi 2:11

A didrut li emakök anyin tenge, ame bwebwet hnyekuk, Ame hingölö akik hnyikânâi, can hnödra hna okongoâ hlu nokon lakeik; Anyin ame ta mok hnyi getheniny taun je wanakat me je mendreng adre i.

Je tenge anyi Jeremi 3:16

E ame hia but thu hmetro je nyuk ge je ove to, e ame konim nya ge dröu.

Je tenge anyi Jeremi 3:48

Ame hingâlâ je wagewe ûnyi hnyi li emakök, can hna ohia hluiny ik hnyei.

Je tenge anyi Jeremi 4:10

Haba je momo betenge adre me thân je hing lakudra ge je hnyamödra bi; Adre me ön ödra hnyi hna ohiainy hluiny ik hnyei.

Je tenge anyi Jeremi 4:3

Je luko adre me ham je basidra, ke ame ijem ta je lakudra: Ke haba hlu nokon lakeik ame beovecâ helâ me je iaenainy hnyi hnyebuba.

Je tenge anyi Jeremi 4:6

Anyin ae gan hmâ hulo anyin hluiny ik hnyei hon hulo anyin Sodoma, Waleji adre ohia helâ me thuthubademak, ke ba hnyam ame hinöbenyn ka hnyin.

Amosa 8:10

Ke oge me he ka wia anyibun je bijeû ka hnyi tenge, me anyibun je khumöng hia ka hnyi, tenge thungaû; ke oge me he ka oâ ka hnyi ta je hnyin hia mano ae gan nân, me ohadreûâ ta je ban hia; ke oge me he ka wia e helâ me hwatenge can nokon a khaca, me obiny e helâ me bong vec.

Jona 3:6

Ke ame o but ûthumetu ka than Nineve, me e ame todrö ûheny hnyi anyin theron, me uny jut anyin ûkhaû me khavâ ec mano ae gan nân, me laba ju hnyi hnabadröu.

Zakaria 12:10

Ke oge me he ka hingâlâ hon lap anyi Davita me aten Jerusalema, hanuiny ibetengiö baû me hanuiny khöû; ke adre me he ka ō nya waleji adre dâ: ke adre me he ka tenge gan, helâ me at ame tenge ge nokon a khaca, ke adre me he ka vec gan, helâ me at ame vec ge nokon a bân.

Luka 7:12

Ke e ame hakekenyâ homagouleny taun, me wâ bi, adre me vadren dut at a mokcu, nokon hinyen a khaca thibi, ka safac ut momo: ke tha e me tavat ae se hia ûnyi hnyi taun.

Iakobo 4:9

E so öbun e he ka vec, me tenge thungaû, me tenge: e so he ka wia anyibun hluma ka hnyi tenge thungaû, me anyibun senyin ka hnyi hnyok ae hmak.

Iakobo 5:1

E ÖBUN watren omjeû, tenge thö me kuku can ta je vec ame he ka o köbun.