Jeremia 6:25 - Iaai Bible 1901 (New Caledonia)

²⁵ Ca he but ka hnyi ta hnyei, ke ca vheno gethen; anyin ae hu hele vat eling anyin iwahnaihmiony, me hnân ootâ hnyi je ke keihen hia.

Jeremia 6:25 ပူးပေါင်းရင်းမြစ်များ

II. Man Ûlabainy Je Than. 15:5

Ke haba hnyi je bong eling me ba hnahic ka tavat adre me didrut me didro, ke gan hmâ vec ködrin hia a aten ta je hnyei.

Jobu 18:11

E ame he ka gâon ge ta je ûnyi hnân outen igigilö, Kʼ ame he ka wadring hoton li ohmâiny can.

Salamo 31:13

Anyin oge hia but long hna bifuco hnen tavat ae se, Kʼ adre me öbubuny hnyi je ke keihen hia: Ke adre me tiga tha fakatau nya, Me adre me sihnök he ka ohia anyik möt.

Isaia 1:20

ke öbun e ne höcö ke ûkhin fuc, me adre me he ka ön öbun ge hele vat: anyin a hia but ha ge hnyimö Iehova.

Jeremia 14:18

Oge ne he ka hnyi hnyei, wâ bi je hna kot hnen hele vat! ke oge ne he ka hnyi taun, me wâ bi, tavat ae sënyin ge hmiâ! anyin ame tha ngeno baûâ hnyei hnen perofeta, me at bihut, ke ba metâ gadrin.

Jeremia 20:10

Anyin a oge hia but long hna ûhaikonguny hnen tavat ae se hia, me hna öbubuny hnyi je ke keihen hia. Haingödrin a je hing waek, tavat adre me tuö hnok hna haûhaû, ka habe, Haikongoâ ju e, mʼ ohmun e he ka hnyi haikongoâ; ame ne he ka hmehmela mʼ ate me he ka hwege hon, mʼ ate me he ka bi hwaban kâu.

Jeremia 30:5

Anyin a walang hna ha hnö Iehova, ka habe, Ate hia but löng hwan öbubuny me ot, ke ca hnahic bi.

Jeremia 4:10

Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

Jeremia 4:5

Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

Jeremia 46:5

Anyin a ieû oge me wâ e? adre me ot me hmetuhmetu; ke adre kot anyidra je taben, adre me kec hwege me ca hwio bi: e hu ûnyi hnân ootâ igigilo, haingö Iehova,

Jeremia 49:29

Adre me hûgûnâ umödra je uma mano, me haledra je hna hat mamoe; adre me he ka hom hobi kodra bi singidra je mano, me anyidra je kaia hia, me haledra je kamela: ke adre me he ka hongot kodra, ka habe, Ûnyi hnân outen hnyi je ke keihen hia.

Jeremia 49:5

Wâ bi oge me he ka oâ ot köu, haingen Than Iehova tuhan sabaoth, ûnyi gadra hia tavat adre me igigili u; ke adre me he ka obʼ öbun hnyi je ve cici öbun bi, ke ame he ka ba at he ka hlo tavat adre me he monu.

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Jeremia 8:15

Ate me halubahingen hnahic, ke ba bi so, ke ate me halubahingen ûen metu, ke wâ bi, hlohlo bi!

Je tenge anyi Jeremi 2:22

U je hia but hawâ helâ me hnyi bonginy ûkhacaköu ae ûnyi hnathu, ta je ûnyi hnân ooti nya igigilö, Ke ba at ame kec mot me kolon hnyi bonginy hmonyin anyi Iehova: A hia but oâûâ hnen iwahnaihmiony mönya tavat waleji oge me kap me hat.

Ezekiela 21:17

Ke oge me he bi nya ka khaûkhaû li hnyamok, ke oge me he ka sekunâ anyik hmonyin: inya Iehova at ame ha.

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,