Jeremia 6:24 - Iaai Bible 1901 (New Caledonia)

²⁴ Ate hia but long ûthumetu gadra; e sënyin dut ta je hnyamöta: ame hom tilʼ öta hnen hlöuhlöu me vec, helâ me momo ame he ka hnokoâ.

Jeremia 6:24 ပူးပေါင်းရင်းမြစ်များ

Salamo 48:6

Ame khöû ödra ju eling ge öbubuny; Me vec, helâ me momo ame vec hnyin.

Isaia 21:3

Anyin a wale a unöngötö li fetrem ge vec; ame hum nya hnen vec helâ me momo ame vec hnyekon ame he ka hnokoâ: inya oge me vec me me ca khanö nya long bi; inya oge me öbubuny me me ca khanö nya bwela bi.

Isaia 28:19

Hnyi je ûen e ame he ka o, me ame he ka hum öbun; anyin a e ame he ka o hnyi je hnyomakatu, me lany me lit: ke e thibi ot he ka wâhmakhmeto ûthumetu.

Jeremia 13:21

Ieû u me he ka ha, e ka he ka otilâ je waem hom hnân bâm, anyin a u je hia but nʼ ödra he ka musi u? hawa, ame ca he ka kot u ge je vec, helâ me momo ame he kahnokoâ?

Jeremia 22:23

At ame laba hnyi Lebanona lö, at ame bi umen uma hnyi je arasi, nakaem, e ka o vec köu, wale vec helâ me momo ame vec hnyekon e ka he ka hnokoâ.

Jeremia 30:6

Hnö thö walang ang me wâ, a ne baga ame hnokoâ wanakat: anyin a ieû oge me wâ je baga hia adre me ve tot cimâ je jebalainudra helâ me momo ame vec hnyekon, ke löhau hia but ta je hnyimakodra?

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Jeremia 48:41

Adre hûgûnâ Kerioth, ke ame hom uthmâhmâ je hnabâ, ke hnyi bong eling ame he hnyekon tavat hwege hnyi Moaba ka helâ me hnyekon momo ame he ka hnokoâ.

Jeremia 49:24

Ame sënyin dut Damaseko, e ame hwio he ka kec, ame kât e ge öbubuny: kʼ ame o but kâu hlöuhlöu me vec helâ me momo ame vec hnyekon.

Jeremia 50:43

A löng ut than Babulona ge ûlungidra, me ame sënyin li hnyamen; ame khaû ju e hnen hlöuhlöu, me vec helâ me momo ame vec hnyekon.

Ezekiela 7:17

Ame he ka mat ta je hnyam hia, kʼ ame he je bouca hia ka sënyin helâ me köiö.

Daniela 5:9

Me ame hmak gan hmâ Belesaza than, me ame ke bongon bi hnyimakan, me ame hlohlo anyin je taben.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.