Jeremia 6:21 - Iaai Bible 1901 (New Caledonia)

²¹ Anyin a wale walang hna ha hnö Iehova, ka habe, Wâ bi, oge me he ka ip ta je ûnyi hnân ohavâ hnyi hnyimakan tavat ang: ke ame he je kamen me je lakon ka tha haû hnyin e; ame he ka tha mok at me waeny.

Jeremia 6:21 ပူးပေါင်းရင်းမြစ်များ

II. Man Ûlabainy Je Than. 36:17

Anyin a wale e ame oâ ködrin thaniny at Kaledaia, at ame hlingâ je hidröuidrin ge hele vat hnyi uma dok a kabidrin, ke adre ca betenge ka ke hidröu, me hlu, me hingat me hûen: e ame hnʼ ödrin hia ka hnyi hnyamen.

Isaia 8:14

Ke e thibi hnân dok ae kap; ke veto hnân setu me kic hnân öhûkötö ka li lap anyi Isaraela, hnân hnewe me ofific ka tavat adre me laba hnyi Jerusalema.

Isaia 8:15

Ke se hia tavat adre me he ka haû hnyin, me ta, me amam, me hnok, me hom.

Jeremia 13:14

Ke oge me he ka öûsetuödraköu ödra, a je kamen me lakon, haingö Iehova: oge me ca he ka menyik, me hokhnyok, me betenge, ke oge me he ka ohiʼ ödra.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 18:21

Anyin a wale hna but lakudra ka hnyi hmiâ, ke hnʼ ödra but ka hnyi maniny hele vat, ke ame he ka ba but lakon laöiödra, me je safac bi, ke ame he mok ka hlingâ obaga, adre me he ka hlingâ anyidra wahidröu ge hele vat hnyi vat.

Jeremia 18:23

Ke so bi, Iehova lö, e khanö u hia anyidra ûhnenamö gak hnân he ka hlingö nya; ca he ka hna hwakecidra ae kong, ke ca he ka kot degecâ anyidra monu unyi hnyi hnyimâkâm: ke so he ka hagutʼ ödra but hnyi hnyimâkâm; ke ânyâ thö kodra hnen ânyâm hmonyin.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 8:12

Hawa, adre me hmehma hwaban hnödra hna ânyâ ûnyi ae ikiki? e ba, ödra ca hmehma bi, ke ca khanʼ ödra bi he ka hmehma: anyin a wale adre me he ka tha ta me tavat adre me ta: hnyi ûen adre me senʼ ödra, adre me he ka haû, haingö Iehova.

Ezekiela 3:20

Ke haba khaca, ame ne hmetu thö at ae wisa ûnyi hnyi hwakecin ae wisa, me ânyâ hulo, ke inya oge me ip ûnyi hnân öthöâ hnyi hnyimakan, me e ame he ka mok: e ame he ka mekiny anyin hulo, kʼ adre me ca he ka ûnykûme hwakecin ae wisa e ame ânyâ, anyin a u je ca koû kâu; kʼ oge me he bi nya ka elâm dren gam.

Ezekiela 5:10

Anyin a wale ame he je kamen ka an jo lakudra hnyi wanbâm, ke ame he je lakon ka an je lakamödra; ke oge me he ka bi hwaban köu, ke oge me he ka oveseâ je kolon hia gam ka hnyi ta je ang hia.

Levitiko 26:37

Ke ame he ke at ka ta hon ke at helâ me tavat kec ge hele vat, ke ba at ame hnu: ke ame he ka ba manibun man he ka tot hnyi hnyimakan je iwahnaihmiony möbun.

Roma 11:9

Ke haingö Davita, ka habe, E so ame wia anyidra laulau me hnân hnewe me ofific, Me hnân othöâ me hnân bi hwaban kodra:

Roma 9:33

helâ me hna sihnalimen, ka habe, Wâ bi, inya oge me ip hnyi Ziona veto hnân othöâ me kic hnân öüo: Ke ame ca he bi ka hmehma at ame labageju kâu.

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.