Jeremia 6:20 - Iaai Bible 1901 (New Caledonia)

²⁰ Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Jeremia 6:20 ပူးပေါင်းရင်းမြစ်များ

II. Samuela 15:12

Ke Abasoloma ame ûkhûnöng he ka hum Ahithofela at Gilo, ke obotkongi Davita ûheny hnyi anyin taun, wale ûheny Gilo, ke e ame tiga hudo je hut. Ke e hwege but hna sihnân; anyin ame se hia tot tavat unyi Abasoloma.

I. Je Than 10:10

Ke e ume hûn ka than gol a wan haded ke twente je talan, me je utö ae bo so ae ti gan, me je veto ae ûnyi hnathu: adre me ca oâ hmetu bi je utö ae bo so ae ti gan helâ me hna ham hnen momo than Sheba kö Solomona than.

Salamo 40:6

E ca wem hut adre me hlingâ me bwihlany; U je koû li hnyikönyök: U je ca hawâ hudiny leû me hudiny hulo.

Salamo 66:3

Ha thö ka Khong, ka habe, Hnân öbu-buny ge hnâm je hna ânyâ! Ûnyi hnyi ûganiny tang hwegiâm ame he je iwahnaihmiony möu ka nom ju köu.

Esodo 30:23

U me he ka hom je ûnyi ae bo so ae ûnyi hnathu, wale muro ae köiö a faiv haded je sekel, ke hafiny e kinamo ae bo so, wale lo li haded ke fifte,

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Isaia 1:11

Haingö Iehova, ka habe, Hnân eû könya anyibun ta je hut ae se hia? oge unöngötö ge je hudiny leû a je mamoe baga, me pipikhenyainy je meno adre hat; ke oge me ca senyin ge dren ta je bolok, me lakon mamoe, me je got baga.

Isaia 60:6

Ame he ka avi u hnen ta je kamela ae se hia, me je nak kamela ûnyi Midiana me Efa; adre me he ka o hia ûhedra Sheba: adre me he ka hom gol, me libanu, me haimemenâ hnân oganö Iehova.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Jeremia 14:10

Walang hna ha hnö Iehova, ka tavat ang, ka habe, Helâe, e wedra he ka he baû: adre me ca hia but behânâ bi je cadra: anyin a wale ame ca he bi Iehova ka kop ödra; e ame he walang ang ka ûnykûme anyidra monu, me senâ anyidra je hulo.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Ezekiela 27:22

Tavat ûcû hnyi Sheba me Rama tavat adre me ûcû möu; adre me ûco hnyi ânyâm je hna ûcû je utö hia ae bo so ae ûnyi hnathu, me je veto ae ûnyi hnathu hia, me gol.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Hosea 9:4

Adre me ca he ka hingâlâ waina kö Iehova, ke e ame ca he ka senyin kodra: haba anyidra je hut e ûcû me han anyin tavat adre me hnyamok ködrin; adre me he hia ka kong tavat adre me an e: anyin a haba ö ʼdra jeû me hnân behan bi, ke ame ca he ka o ka hnyi uma umo Iehova.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.