Jeremia 6:19 - Iaai Bible 1901 (New Caledonia)

¹⁹ Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Jeremia 6:19 ပူးပေါင်းရင်းမြစ်များ

Ta je Vejec 15:26

Hmiö Iehova ta je bihihwakecin ae kong: Ke alai ta je hofuc ae kese.

Ta je Vejec 28:9

Haba at ame wia hnyikönyen me me ca long bi hnanyibu, Me ikiki bi hijin hic.

Isaia 1:2

Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 59:7

Ke ame wadring je cadra ka hnyi hulo, kʼ adre me logot hingâlâ dra ae ba hnyikongon: je ûnykûme ae kong je ûnykûmenödra; ke eû hnyi anyidra je hna cit gethen hnaûhango me ûokonguny.

Isaia 66:18

Anyin ae khanö nya hnödra hna ânyâ, me je ûnykûmenödra: ame o thö ûen, me oge me he ka ûkhacaköuâ ta je hnyei hia thithö, me je hwen hnyei; ke adre me he ka o but, me wâ anyik hmanenang.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 19:3

me ha, ka habe, Long ju öbun hofuc ho Iehova je than Juda, me aten Jerusalema; walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ûnyâ ae kong ka hnyi hon dok ang ke ame he ka tenge met hnyi hnyikonyen tavat adre me löng.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 22:29

Hmeledrany, hmeledrany, hmeledrany lö, löng ju hofuc ho Iehova.

Jeremia 29:19

anyin adre me ca hia but löng hok hofuc, haingö Iehova, waleji oge kunâ kodra a deny je athnyabaik a je perofeta, ke vesâkong, me ûkhûnöng, ke öbun e höcö löng, haingö Iehova.

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Jeremia 4:16

ha thö ka ta je hnyei: wâ bi, haimemenâ thö ka Jerusalema, a ame he jem tavat tue ûheny hnyi hnyei ae sâkâû, me kuku goranyai ka hnyi je tauniny Juda.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 49:37

Ke o ge me he ka ootâ at Elama hnyi hnyimakan je iwahnaihmiony mödra, me hnyi hnyimakan tavat adre me elâm he ka hlingʼ ödra: ke oge me he ka oâ kodra okongon, wale anyik hmonyin ae hwege, haingö Iehova; ke oge me he ka kunâ hotudra hele vat, ke ne o but oge hia but ohiʼ ödra:

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Jeremia 6:18

Anyin a wale löng ju öbun ta je hnyei, ke haba öbun tavat öbun e ûkhacaköu, khanʼ öbun dö ta je ûnyi gadra.

Jeremia 8:5

Anyin a ieû ame hmetuhmetu tavat ang wale Jerusalema ke ame labö kolu balua? adre me kât hmâ thoi ödra, höcö he ka hmetu.

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Daniela 9:11

Eke, a hia but hanyâûâ ânyâm je hnanyibu hnen at Isaraela hia, kʼ adre me saû but, kʼ adre me ca long ifucâm: anyin a wale, adre hia but hingâlâ huhmun hnaûhango, ke hna khemanyin waleji adre me sihnalimen hnyi hnanyibu anyi Mose athnyabainy Khong; anyin a öhmun e hia but ânyâ hulo kâu.

Hosea 10:13

Öbun e hia but belökâ hwakecin ae kong, me meno hulö; öbun e hia but an waniny thoi: anyin a u je labageju ka hnyi dem gethen, me ânyâm tavat hwege ae se hia.

Hosea 4:6

Adre me ohia lakeik anyin ae ba wâhmakhmeto: anyin a u je hia but hna degecâ wâhmakhmeto, awe, oge me he bi nya ka hna degeci u, inʼ u me ca at bihut könya: anyin a u je hnying hnanyibu anyin Khongom, me oge me he bi nya ka hnying lakom.

Amosa 2:4

Walang hna ha hnö Iehova, ka habe, Can kun ta monuiny Juda, eke, can vak, oge me ca he ka ohavâ hwaban e; anyin adre hia but hna degecâ hnanyibu anyi Iehova, me ca tuö hnen je hna otilâ, ke ame omonu ödra anyidra je thoi, waleji a hnu hoton lakamödra:

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Mika 6:2

Long ju öbun je bucen lö, ivino anyi Iehova, me öbun je taben a tethmâiny hmeledrany: anyin ae hu ivino anyi Iehova me lakeiny, ke e ame he ka ûhnei me Isaraela.

Ioane 12:48

Haba at ame digic nya, kʼ ame ca kap bi hok hofuc, me hu bi at ame owisa kâu: haba hofuc, waleji oge me ha, me wale at ame he ka owisa kâu hnyi bong a obiny.

Ta je huliwa 8:22

Anyin a wale ietra ju ânyâm monu eang, me hic ka Than, ame ne he bi ka thang ut köu ûnykûmenen hnyekom.

Deuteronomi 30:19

Inya oge me hawâ drany me hmeledrany hnyi bong ang he ka ohnatho köbun, a oge hia but ip hnyi hnyimâkâm möt me mok, ke hnahic me hnaûhangö: anyin a wale ûca thö möt mʼ u me möt a u me je mâtrânâm:

Deuteronomi 32:1

DRANY lö, tevehlöng ju, ke oge me he ka fuc; Ke so hmeledrany ame löng ifucin hnyimök;

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.

I. Samuela 15:26

Haingö Samuela kö Saulo, ka habe, Oge me ca he ka tha hmetu mou: anyin a u je hia but hna degecâ hofuc ho Iehova, ke Iehova ame digic u, me u me ca he ka than ka at Isaraela.