Jeremia 6:14 - Iaai Bible 1901 (New Caledonia)

¹⁴ Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 6:14 ပူးပေါင်းရင်းမြစ်များ

II. Samuela 17:3

ke oge me he ka ohmeto tavat hia thithö köu: haba at u me elâm me helâke ame hmetu tavat hia: ke ame he ka hnahic tavat hia thithö.

Isaia 1:6

Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Isaia 30:10

tavat adre me ha ka tavat wâ, ka habe, Ca wâ ju; me ha ka ta je perofeta, ka habe, Ca omanenâ kohmun wisa, ha bi thö kohmun ûnyi ae menyik, perofeta thö tang iyawo:

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Jeremia 14:13

Me oge me ha, ka habe, Ekölö Than Iehova! wâ bi, Je perofeta adre me ha kodra, ka habe, öbun e ca he ka wâ hele vat, ke öbun e ca he ka hu hmiâ: ke oge me he ka ham köbun eang ûsoköu ae ûnyi hnathu.

Jeremia 14:17

Ke u me he ka ha kodra hofuc ang, ka habe, E so ame hingölö ûnyi hnyi li emakök deköiö hnyi lany me lit, me ca he ka menâ; anyin a aat dö hluiny ik hnyei, ke gan hmâ aat, ke gan hmâ hna kot.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 28:3

E ka tiga ca um bi li huna oge me he ka ohmeto ka hnyi dok ang ta je omjehen hia uma umö Iehova, waleji hnö Nebukaneza than Babulona hna hom ûheny ang, me hom Babulona ai:

Jeremia 4:10

Me oge me ha, ka habe, E köiö Than Iehova, e hnathu u je ti omono tavat ang me Jerusalema, me ha, ka habe, Öbun e he ka hu ûsoköu; ke hwâdâ but hele vat ka hnyi hnyok.

Jeremia 5:12

Adre hia but ivino Iehova, me ha, ka habe, Ca e bi; ke ame ca he ka o köta ûnyi ae kong; ke ate me ca he ka wâ hele vat me hmiâ:

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 13:10

Anyin a wale, ke can minya anyin adre me hia but omono lakeik me ha, ka habe, E hnahic ut; ke ca hnahic bi; ke hnyi ûen ame up veto ke at, wâ bi, adre me botru ge dröu adre ca huliwan:

Ezekiela 13:16

wale je perofetainy Isaraela tavat adre me perofeta ga Jerusalema, me wâ hobi kâu e je hna omanenâ ae hnahic ke ba bi hnahic, haingen Than Iehova.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 14:9

Ke a ne monu but perofeta me ha ke hofuc, inya Iehova at ame omono perofeta eling, ke oge me he ka inâ hnyamok hon e, me ohia e ûnyi hnyi ik hnyei a Isaraela.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

I. Thesalonika 5:3

Ödra ka ha, ka habe, Hnahic ut me laba khötkic, me ame he ka ie o but kodra ûohiö, helâ me momo ae erkin ame vec hnyin; ke ca khanʼ ödra he ka kec ut.

II. Peteru 2:1

KE ame o thö minya ta je perofeta thoi ehac unyin tavat, ke helâe ame he ka hu tavat ûne thoi unyibun, tavat adre me he ka okûâ duöngâ ta je imouköu ae hnaûhango, me he ka ivinoâ Than at ame ûcû ödra, adre me okûâ kodra bi hnaûhango ae logot.