Jeremia 6:11 - Iaai Bible 1901 (New Caledonia)

¹¹ Anyin a wale, oge me unöngöt ge hmonyin anyi Iehova; iny sënyin dut ge hok hnyok: hingâlâ but e hon je thoth eû hnyi gethen, me hon wahidröu adre me tha ûkhacaköu: anyin adre me he ka tha hom baga me âiân momo, me hingat me at ae se hia hunainy.

Jeremia 6:11 ပူးပေါင်းရင်းမြစ်များ

Isaia 40:30

Ke ame he je thoth ka mat me sēnyin, ke ame he je wahidröu ka ta but:

Jeremia 15:17

Oge me ca laba hnyi ûkhacaköu anyin tavat adre me walak me hop: oge me hake laba can hnyamâm; anyin a u je hia but öunöngöti nya ge hmonyin.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 18:21

Anyin a wale hna but lakudra ka hnyi hmiâ, ke hnʼ ödra but ka hnyi maniny hele vat, ke ame he ka ba but lakon laöiödra, me je safac bi, ke ame he mok ka hlingâ obaga, adre me he ka hlingâ anyidra wahidröu ge hele vat hnyi vat.

Jeremia 20:9

Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Jeremia 5:9

Hawa, oge me ca he ka bi hwaban can ta je ûnyi e? haingö Iehova: ke ame ca he hanuk ka bi hwaban ka hnyi hnyei a helâe?

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Jeremia 9:20

Omomo lö, long ju hofuc ho Iehova, ke tevehlöng ju ifucin hnyimen, nâ thö lakubun wahlu ge bongon tenge thungaû, ke ve nâ thö je lawaebun ge khumöng tenge.

Jeremia 9:21

Anyin ame o but mok a deny hnyi anyita je mamalama, ame dit ka hnyi umöta je umen than: he ka subâ degecâ ta je wanakat eû hnyi hwanuma, me wahidröu eû hnyi ta je gethen.

Je tenge anyi Jeremi 1:15

Haba Than ame hia but hûkotiâ anyik tavat hwege hia unyik; E ame hia but hawâ ûcûk ûkhacaköu ae ûnyi hnathu he ka oamamâ je wahidröu unyik: Than ame hia but ututo hlu, wale hluiny Juda hnyi hna hlec wan vine.

Je tenge anyi Jeremi 2:21

Wahidröu me wahingat adre me mokut hnyi kânâ eû hnyi gethen; Anyik wahlu me wahidröu adre me ta ge hele vat: U je hia but hlingʼ ödra hnyi bonginy ânyâm hmonyin; u je hia but kot me ca betenge bi.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Ezekiela 3:14

Me hanu ame köp nya göranyai, me hum nya: ke oge me he but, ke iny vec me hmonyin, ke e hwege hnyamö Iehova huk.

Ezekiela 3:3

Ke e ame ha könya, ka habe, Nokon at lö, ip ju eû hnyi hnyekom, ke öunöngötâ thö hnyekom ge tusi e adre vhec wale oge ham köu. Me oge me an e; ke haba hnebwiainy hnyi hnyimök me helâ me hani.

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Luka 17:34

Oge me ha köbun, a gʼ ame he ka mokut lo li at hnyi lit eling hon hnamokut a khaca; adre me he ka hom khaca, kʼ ame hnen biju khaca.

Ta je huliwa 17:16

Ke haba Paulo ame tiga halubahingʼ ödru hnyi Athenai kʼ ame hmak hnyekon anyin a e ame wâ taun ae unöngöt ge ta je hnatheat.

Ta je huliwa 18:5

Ke ame o but Sila me Timoteo ûhedru Makedonia, me ame hwege thö hnyeku Paulo hnyi hofuc, kʼ ame ohnathoâ ka at Juda, ka habe, Iesu thibi a Keriso.

Ta je huliwa 4:20

anyin ae ca khanʼ ohmu he ka ca ha ta je ûnyi ohmu me wâ me long.

Hna Omanenâ 16:1

KE oge me löng ifucin ae gan hnyin uma kap ame ha ka je angela a seven, ka habe, He thʼ öbun ka hingâlâ je kaiainy tang hmönyin anyin Khong ka hnyi hmeledrany.