Jeremia 6:10 - Iaai Bible 1901 (New Caledonia)

¹⁰ Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Jeremia 6:10 ပူးပေါင်းရင်းမြစ်များ

Salamo 1:2

Ke haba hnanyibu anyi Iehova, me wale anyin senyin; Kʼ ame labö ûnykûme ge anyin hnanyibu hnyi lany me lit.

Salamo 119:16

Oge me he ka hobâ ge hnâm ta je hna otilâ: Oge me ca he ka hnying hwâm hofuc.

Salamo 119:174

Iehova lö, oge me ti wek hmönyinâ ânyâm ûhomeli; Ke oge me senyin ge ânyâm hnanyibu.

Salamo 119:24

Hnân osenyini nya hnâm ta je hna ohnatho. Kʼ ame nö nya hnyi anyik ûhnenamö.

Salamo 119:35

Su nya thö hnyi gethen deny ânyâm ta je hnanyibu; Anyin oge me senyinâ e.

Salamo 119:70

A khot ut ta je hnyekudra ge pipikhenya; Ke inya oge me hobâ ânyâm hnanyibu.

Salamo 119:77

E so o he ka o but könya ânyâm ibetengiö, mʼ inye he ka möt: Anyin a inya oge me senyinâ ânyâm hnanyibu.

Salamo 40:8

Khonguk lö, oge me senyin he ka ânyâ wem; Eke, eû hnyi hnyekuk ânyâm hnanyibu.

Esodo 6:12

Ke Mose ame ha hnyi hnyimakö Iehova, ka habe, Me wâ, ame ca ling nya ge je lakon Isaraela; kʼ ama kâmâu, Farao ka ling nya, at adre ca peritomonâ esongodiny?

Isaia 42:20

E se hia ta je ûnyi u je wâ, me ca vheno bi; adre khong ut li hnyikonyen, ke e ame ca long bi.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Jeremia 35:13

Walang hna ha hnö Iehova tuhan sabaoth, Khongu Isaraela, ka habe, He thö ka ha ka at Juda me tavat aten Jerusalema, ka habe, Hawa, öbun e ca he ka kap hna ûnö me löng hok hofuc? haingö Iehova.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 5:21

Long ju hofuc walang ang tavat ae monu me ba hnyekudra: tavat ae hu li ecmak, kʼ adre me ca wâ bi; e hu li hnyiköny kʼ adre me ca long bi:

Jeremia 7:13

Ke walang can hnobun hna ânyâ ta je huliwa hia eling, haingö Iehova, ke oge me he ka fuc! köbun, oge me vesâ hnyi hnyomakatu me fuc, ke öbun e ca long bi öbun; ke oge me hawʼ öbun ke öbun e ca ieû bi:

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Ezekiela 3:7

Ke so bi ame ca he lap anyi Isaraela he ka ling u; anyin adre me höcö ling nya: anyin a tavat hwege hnyimakan me khot hnyekudra hia lap anyi Isaraela.

Ezekiela 33:3

ke e ka wâ hele vat ame o ka hnyi hnyei, me e ame tûâ trutru me koû ka tavat;

Ezekiela 33:9

Ke u je ne koû at ae kong he ka hmetu hnyi deny gethen, kʼ ame ca hmetu bi ûnyi hnyi deny gethen; awe, e ame he ka mekiny hwakecin ae kong, ke u bi u je omeli u.

Amosa 7:10

Me haba Amazia at bihut hnyi Bethela ame ûkhûnöng kö Jeroboama than Isaraela me ha, ka habe, A hia but Amosa si hnâm hnyi wanben lap anyi Isaraela: e ca ûcû bi hnyei he ka hok hnyokâ hwan je hofuc.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Luka 11:45

Me ame thu kâu hnen ke at ûnö hnanyibu, ka habe, At Ûne lö, u me ha helâe, me u me haikongu ohmun minya.

Luka 20:19

Ke haba tavat sihnalimen, me ta je taben tavat bihut adre me elâm hnyi awa eling he ka kât e; ke ödra outen tavat: anyin ae khanʼ ödrin dut a e ame ha ûhöûcû eling gadra.

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Ioane 9:40

Ame long ut keihen ta je Faresaio a tha ödra mē ta je hofuc eling, me adre me ha kâu, ka habe, Hawa, ohmun je wadröu minya?

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Ta je huliwa 7:60

Ke e ame cibouca, me fuc hwege goranyai, ka habe, Than lö, ca bi hwaban kodra monu eang. Ke a hia but ha e, e ame mokut ut.

Roma 7:22

Anyin oge me senyinâ hnanyibu anyin Khong ûnyi ge at eû hnyi hnyik:

Deuteronomi 29:4

ke a ca ham bi köbun Iehova hnyok ae wâhmakhmeto, me li emakan ae bwela, me li hnyikonyen ame löng, ke ne o but hnyi bong ang.

Kolose 1:28

wale at öhmun e khetâ, me sihwegiâ ka tavat hia thithö, me nʼ odra hia hnyi metâ hia, mʼ öhmun e he ka omanenâ tavat hia thithö ae bekhöt soidra unyin Keriso;

II. Timoteo 4:3

Anyin ame he ka o but ûen adre me ca he ka kap hna ûne hnân melen; ke so bi, adre me he ka ûkhöûnâ tavat he ka ûne kodra hoton ta je wedra ae monu, anyin ae hölök ta je hnyikönyödra;

Heberu 11:7

Hnen labageju Noa ame tibet hu, me omelö anyin lap; anyin a Khong ame koû kâu ge ta je ûnyi adre tiga ca wâ hnyi ûen eling, ke e ame ot; e ame ohnaûhangoâ hmeledrany hnen e, me adre me wia e me atö hnyi hwakecin ae wisa hoton labageju.