Jeremia 52:9 - Iaai Bible 1901 (New Caledonia)

⁹ Me adre me kât than, me hom e ka than Babulona Ribela ai hnyi hnyei Hamath, me e ame owisa kâu.

Jeremia 52:9 ပူးပေါင်းရင်းမြစ်များ

I. Je Than 8:65

Me Solomona ame ânyâ bijeû hnyi ûen eling, a tha e me at Isaraela hia, e gan hmâ ûkhacaköu, hwân hnyi gethen ûheny Hamath ke ne o but hnyi wagewe Aigupito, hnyi hnyimakö Iehova Khonguta, seven ta bong ke seven minya ta bong, wale fotin je bong.

II. Je Than 23:33

Ke haba Farao-neko ame ca e hnyi Ribela hnyi hnyei Hamath, me me ca he ka musi hnyi Jerusalema; me e ame kunâ tavat he ka fat khaca haded je talan sileva, ke khaca talan gol.

II. Je Than 25:6

Ke Ödrin e kât than me hom e ka than Babulona Ribela ai; ke ödrin e owisa kâu.

II. Man Ûlabainy Je Than. 33:11

Anyin a wale haba Iehova ame oâ ködrin ie taben vat anyin than Asuria, me ödrin e hum Manase ge je cen, me ca e ge fao, me hom Babulona ai.

II. Man Ûlabainy Je Than. 8:3

Ke haba Solomona ame he Hamathe-zoba ai, me hom ûhnyûkongo.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 39:5

Ke haba utbavat anyin at Kaledaia adre me hnu ödra me khöû Zedekia hnyi dok ae tha hon hnyi Jeriko: ke adre me kât e me hom kö Nebukaneza than Babulona hnyi Ribela hnyi hnyei Hamath, ke e ame owisa gan.

Je tenge anyi Jeremi 4:20

Haba hna menû hnyi je hnyingöihmun, wale a hû Iehova, me ame didrut hnyi anyidra je thop; Waleji at ohmun e ha gan, ka habe, Ohmun e he ka mot unyin je hnyei hnyi hmelen hmenon.

Ezekiela 11:10

Öbun e he ka ta ge hele vat; oge me he ka owisa köbun huyi: hnyigöulen Isaraela; ke ame he ka khanʼ öbun a inya Iehova.

Ezekiela 23:24

Ke adre me he ka o köu me je ûnyi hnân vat, me je kariota, me je kat, me je bunyen ae gan; adre me he ka igigili u, me je bec ae gan, me bec, me hnabinybak vat: ke oge me he ka hna kodra he ka bi hwaban, ke adre me he ka owisa gam hoton hnödra bi hna owisa.

Numera 13:21

Ke ödrin e ölö thö me ecmâkâ hnyei hwân hnyi hnyebuba Zine ke ne o but Rehoba, ke ne o but hnyi gethen ûheny Hamath.

Numera 34:11

ke e bi hnyigöulen ûheny Sefama ke ne o but Ribela, hnyi ke keihen Aina ke e deiö; ke e bi hnyigöulen ke ne o but ke keihen baten köiö Kinereth ke e deiö:

Josua 13:5

me hnyei iny at Gebali, me Lebanona hia, hnyi hna o hnen seûno, hwân hnyi Baala-gada hmelen bucen Heremona ke ne o but hnyi gethen ame didro ka hnyi Hamath: