Jeremia 52:7 - Iaai Bible 1901 (New Caledonia)

⁷ Ke adre me kia taun, me ame kec tavat vat hia me he but hnyi hnyinghet unyi hnyi taun adre gethen hnyi homagöulen wanben li hak adre up veten, hnyi utkânâ anyin than; (ke e bi at Kaledaia igigilo taun:) ke adre me kec hnyi gethen ûheny hnyi dok ae tha hon.

Jeremia 52:7 ပူးပေါင်းရင်းမြစ်များ

II. Je Than 25:4

Ke adre me kia taun, me ame kec tavat vat hia hnyi hnyinghet, ödrin e gethen hnyi homagöule wanben li hak veto, hnyi utkânâ iny than: (ke e bi at Kaledaia cicö taun igigilo:) ke haba than ame kec hnyi getheniny dok ae tha hon.

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 39:2

ke haba hnyi huna a eleveni Zedekia hnyi tehi a vakiny, hnyi bong a naniny tehi, adre me thö hmouca haginy taun:)

Jeremia 49:26

Anyin a wale ame he ka ta wahidrouiny hnyi je getheniny, ke ame he ka mok hia aten vat hnyi bong eling, haingö Iehova tuhan sabaoth.

Jeremia 51:32

ke adre me hûgûnâ je gethen, me thong je sahlowe ge meic, kʼ ame seon bi tavat vat.

Jeremia 6:5

Todrö, mʼ ate me he ka ölö hnyi hnyinghet, me ate me he ka ohia je uma umen tuhan.

Ezekiela 12:12

Ke haba than unyidra e ame he ka vadren hon abenyin hnyi lit, me didrut: adre me he ka thö moko hna up uma, he ka sukhöûnâ hnyi gethen e: e ame he ka tube hnyimakan me me ca wâ bi kânâ ge ecmak.

Ezekiela 12:4

Ke u me he ka sukhöûnâ ânyâm ta je ûnyi hnyi lany hnyi hnyimakodra, helâke me ta je ûnyi hnân sukhöûnâ: ke haba u, me u me he ka didrut hnyi sahac hnyi hnyimakodra, helâke me ûhedra tavat ka hnyi ke hnyei.

Ezekiela 33:21

Ke haba hnyi huna a twelviny bâ a ohmun, hnyi tehi a teniny, hnyi bong a faiviny tehi, ame o but könya ke at a kec möt ûheny Jerusalema me ha, ka habe, Adre hia but kot taun.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Levitiko 26:36

Ke haba je kolon gabun, me oge me he ka okûâ ot eû hnyi je hnyekudrin hnyi je hnyei iny je iwahnaihmiony mödrin: kʼ ame he hwan lan ûö ka hnu odrin; kʼ odrin e he ka kec helâ me at ame kec ge hele vat; kʼ odrin e he ka ta ke ba at ame hnu.

Amosa 4:3

Ke öbun e he ka he ehele hnyi je dok ae hmouca ve cici öbun; ke öbun e he ka khûʼ öbun ka hnyi Haremona, haingen Than.

Deuteronomi 28:25

Ame he Iehova ka hnö u me me kuc u ge je iwahnaihmiony mou: u me he ka he ködra hnyi ke gethen, ke u me he ka kec hnyi hnyimaködra hnyi je gethen a seven: ke adre me he ka ûkhû-khûö u unyin je dökhu hia eang hmelen.

Deuteronomi 32:30

Ama kâmâu at a khaca he ka hnu thauzan, Me okecâ ten thauzan ge li at a lo, Ame ne ca bân anyidra Kic ka ûco degeci ödra, Me hna degeci ödra hnö Iehova?