Jeremia 52:6 - Iaai Bible 1901 (New Caledonia)

⁶ Haba hnyi tehi a vakiny, hnyi bong a naininy tehi, e gan hmâ hmiâ hnyi taun, ke ba but an tavat.

Jeremia 52:6 ပူးပေါင်းရင်းမြစ်များ

II. Je Than 25:3

Ke haba hnyi bong a naininy tehi a vakiny e gan hmâ hmiâ hnyi taun, me ba jeû hobi kâu aten hnyei.

Isaia 3:1

A NYIN a wâ bi, haba Than Iehova tuhan sabaoth, ame hom ûnyi Jerusalema me Juda ke ci me ke ci, wale je ci areto hia, me je ci köiö hia;

Jeremia 15:2

Ke adre me ne he ka ha köu, ka habe, Ohmun a he kâ? u me he ka ha kodra, ka habe, Walang hna ha hnö Iehova, ka habe, Haba at hobi kâu mok, me ame ka he bi ka hnyi mok; ke haba at hobi kâu hele vat, me ame ka he bi ka hnyi hele vat; ke haba at hobi kâu hmiâ, me ame ka he bi ka hnyi hmiâ; ke haba at hobi kâu bâ, me ame ka he bi ka bâ.

Jeremia 19:9

Ke oge me he ka hnʼ ödra he ka an viny lakudra obaga, me viny lakudra wahlu, ke adre me he ka ve an viny je lawaedra, hnyi hna igigilo, me hna thelöng, wale ame he ka oveci ödra hnyin hnen je iwahnaihmiony mödra, me tavat adre me elâm he ka hlingʼ ödra.

Jeremia 21:9

Haba at ame he ka laba bala bi hnyi taun ang, ame he ka mok ge hele vat, me hmiâ, me mok ae cap: ke haba at ama didrut, me kec ka at Kaledaia, tavat adre me igigilo öbun, me ame he ka mot, ame he ka jekhon anyin mot.

Jeremia 25:10

Ke oge me he ka ohia gadra hwan senyin me hwan hobâ, me ifucin li at ödre tep faipoipo, me meainy li veto hnân omomono, me melaminy lamepa.

Jeremia 37:21

Me haba Zedekia than ame hûna, me adre me ip Jeremia hnyi hnyeuleny uma ceat, me ham kâu hnyi ke bong me ke bong khaca falawa ûnyi hnyi gethen anyin tavat up falawa, ke ne o but ame ba but areto hnyi taun. Helâe Jeremia ame laba hnyi hnyeuleny uma ceat.

Jeremia 38:9

Than a tuhok lö, e kong hia hwakecin tavat e waleji adre ânyâ kö Jeremia perofeta, wale adre khûâ ka hnyi hmonop; anyin a e ame he ka mok, la, eling ge mekihnânem: anyin ae ba hmetu bi areto hnyi taun.

Jeremia 39:2

ke haba hnyi huna a eleveni Zedekia hnyi tehi a vakiny, hnyi bong a naniny tehi, adre me thö hmouca haginy taun:)

Je tenge anyi Jeremi 1:11

Adre me mâng ta je aten hia, adre me heleû jeû; Adre hia but ham anyidra ta je ûnyi ae kese hnân ûcû jeû, mʼ adre me ohâtâ melidra: Iehova lö, bwele ju, ke wâ ju; anyin oge kong ut.

Je tenge anyi Jeremi 5:10

E hlit ut unen je unyihmun helâ me wahnainyâ Anyin ae hoc hmiâ.

Ezekiela 14:13

Nokon at lö, e ka ânyâ hulo könya hnen ke hnyei me ânyâ ûnyi ae kong, ke iny ka hai hnyamok hon e, me ohmetro ciny jeûiny, me kunâ kâu hmiâ, me subâ degecâ ûnyi hnyin e at me meno,

Ezekiela 14:21

Anyin a walang hna ha hnen Than Iehova, ka habe, Hawa, e ca beönua bi, iny ka he ka kunâ Jerusalema ai anyik ta je hna owisa a vak ae kong, wale a hele vat, me hmiâ, me omeno ae kong, me mok ae cap, he ka subâ degecâ ûnyi hnyin e at me omeno?

Ezekiela 31:1

HNYI huna a eleveniny, hnyi tehi a kuniny, hnyi bong a bâniny tehi, ame o but könya hofuc ho Iehova ame ha, ka habe,

Ezekiela 5:16

hnyi ûen oge me he ka kunâ kodra je fanainy hmiâ ae kong, wale hnân ohia, wale oge me he ka kunâ he ka ohiʼ öbun; ke oge me he ka ogânâ hmiâ köbun me thu uciny anyibun jeû;

Ezekiela 7:15

Hele vat hnyi hoton hak, ke mok ae cap me hmiâ eû hnyin: ame he ka mok at hnyi ta hnyei ge hele vat, ke ame he bi hmiâ me mok ae cap ka an tavat hnyi taun.

Levitiko 26:26

Hnyi ûen oge me thu uciny anyibun jeû, me ame he ten ta momo ka tha inyâ ö ʼbun hnyi wahnainyâ a khaca, kʼ odrin e he ka ham hmetu ö bun hoton tulut: kʼ öbun e he ka han ke ca sekon bi.

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Deuteronomi 32:24

Adre me he ka delâ ge mekihnânem, me aû ge kahwainy unyidra, Me mok ae hiny; Ke oge me he ka kunâ ködra je meno ae ûhûlû, Me je oniny kânâ adre me mekiny.