Jeremia 52:4 - Iaai Bible 1901 (New Caledonia)

⁴ Ke haba hnyi huna a naininy anyin musi, hnyi tehi a teniny, hnyi bong a teniny tehi, haba Nebukaneza than Babulona ame o but hnyi Jerusalema, e me anyin utbavat hia, me hunuma cicö e; ke adre me otilâ je taben vat igigilo.

Jeremia 52:4 ပူးပေါင်းရင်းမြစ်များ

Isaia 29:3

Ke oge me he ka hunuma igigili u, ke o ge me he ka theling u ge je lap tue, me otilâ je uma ae hwege cici u.

Jeremia 21:2

Ö u hnei Iehova thö gatin; anyin a Nebukaneza than Babulona ame vat mötin: ame ne he Iehova ka ânyâ hobi kötin hoton anyin ta je huliwa hia hnân lâiâ, me me he ka he but gatin.

Jeremia 32:24

wâ bi je kânâ adre hlu goranyai, adre me o but hnyi taun he ka hûgûnâ e; ke adre me hna taun ka at Kaledaia, tavat adre me vat më, can hele vat, me hmiâ, me mok ae cap: ke ame hwâdâ thö hnâm hna ha; ke, wâ bi, u je wâ.

Jeremia 34:1

WALANG hofuc ame o kö Jeremia ûnyi ga Iehova, waleji hnyi hnö Nebukaneza than Babulona, me anyin utbavat hia, me je dokhu hia e ame muso eang hmelen, me je tavat hia adre me vat me Jerusalema, me je tauniny hia, ame ha, ka habe,

Jeremia 39:1

KE haba hnyi ûen adre kot Jerusalema, (hnyi huna a naini Zedekia than Juda, hnyi tehi a teniny ame o but Nebukaneza than Babulona me anyin utbavat hia ka Jerusalema me igigilo e;

Jeremia 4:17

Adre me he ka tot igigilo e, helâ me tavat hmâkâ ta hnyei; anyin a e ame ûkhin fuc mönya, haingö Iehova.

Jeremia 52:7

Ke adre me kia taun, me ame kec tavat vat hia me he but hnyi hnyinghet unyi hnyi taun adre gethen hnyi homagöulen wanben li hak adre up veten, hnyi utkânâ anyin than; (ke e bi at Kaledaia igigilo taun:) ke adre me kec hnyi gethen ûheny hnyi dok ae tha hon.

Ezekiela 21:22

E hnyi hnyamen a metân he ka bi khong ge Jerusalema, he ka ip je ûnyi vat hnân thö, he ka bi hwanumen hnân ûhlingö, he ka ohwegiâ hwakuku, he ka ip je ûnyi vat hnân thö hnyi je homagöule, he ka okhibö kânâ, me ok je tap tue.

Ezekiela 21:27

Oge me he ka ohnyimenâ e hnyikânâi, hnyimen hnyikânâi, hnyimen hnyikânâi: kʼ ame he ka hia but ûnyi e, ke ne o but ame o at a hanymen bi; ke oge me he ka ham kâu.

Ezekiela 26:8

Ke e ame he ka hlingâ lakom wahlu ge hele vat hnyi je hna belök: kʼ ame he ka op cici u je tap vat, ke okhibö kânâ cici u, ke hai göranyai bec cici u.

Ezekiela 33:21

Ke haba hnyi huna a twelviny bâ a ohmun, hnyi tehi a teniny, hnyi bong a faiviny tehi, ame o but könya ke at a kec möt ûheny Jerusalema me ha, ka habe, Adre hia but kot taun.

Ezekiela 40:1

HNYI huna a twente faiviny bâ a ohmun, hnyi hnyimakan huna, hnyi bong a teniny tehi, hnyi huna a foininy hwaban hna kot taun, hnyi bong a ka e, ame e bi huk hnyamö Iehova, ke e ame hum nya kâ e.

Levitiko 26:25

Ke oge me he ka oâ hele vat köbun at ame bi hwaban hna okongoâ ʼûbihinyköu: ke öbun e ne he ka ûkhacaköu hnyi anyibun je taun me oge me he ka kunâ mok ae cap hnyi wanböbun; kʼ adre me he ka hnʼ öbun ka hnyi hnyamen ta je iwahnaihmiony.

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Luka 19:43

Anyin ame he ka o köu je bong, kʼ ame he je iwahnaihmiony möu ka okhibi kânâ igigili u, me tot igigili u, me hling u,

Luka 21:20

Ke öbun ka wâ Jerusalema adre me igigilo hnen vat, me wâhmakhmeto ju öbun ae hakekeny jut he ka ohia e.