Jeremia 52:27 - Iaai Bible 1901 (New Caledonia)

²⁷ Ke haba than Babulona ame kot hlingʼ ödra hnyi Ribela hnyi hnyei Hamath. Me adre me hom hwenbâ at Juda ûnyi hnyi idra hnyei.

Jeremia 52:27 ပူးပေါင်းရင်းမြစ်များ

II. Samuela 8:9

Ke a long ut Toi than Hamath a Davita ame kot utbavat hia anyi Hadadeza,

II. Je Than 17:20

Haba Iehova ame hna degecâ je mâtrâni Isaraela hia, me oveci ödrin, me hnʼ ödrin ka hnyi hnyamen tavat sei, ke ne o but e ame obʼ ödrin ûnyi hnyi hnyimakan.

II. Je Than 17:23

ke ne o but Iehova ame hom Isaraela but ûnyi hnyi hnyimakan, helâ me hnen hna ha a deny je athnyabainy hia a ta je perofeta. Me adre me hom at Isaraela ûnyi hnyi idrin hnyei Asuria ai, ke ne o but hnyi bong ang.

II. Je Than 23:27

Ke haba Iehova ame ha, ka habe, Oge me he ka hom Juda ûnyi hnyi hnyimakök, helâ me hnok hna hom Isaraela, ke oge me he ka degec taun ang oge ûca wale Jerusalema, me uma wale oge ha gan, ka habe, Ame he ka hnen e iök.

Isaia 24:3

Ame he ka ti ba onyen hnyei, me ti söh; anyin a hia but Iehova ha hofuc ang.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 43:28

Anyin a wale oge me he ka okongoâ je tuhan dok ae kap, me hnö Jekob ka hnaûhango, ke Isaraela hnân haikongoâ.

Jeremia 13:19

Adre hlöng ut je taun hnyi hwaiöu, ke ba at ame he ka khong: a hom hwenbâ Juda hia; adre me tha hwenbâ hia.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 21:7

Ke hwaban e, haingö Iehova, oge me he ka hnö Zedekia than Juda, me je athnyabainy, me tavat a je kolon hnyi taun ang ûnyi hnyi mok ae cap, me hele vat, me hmiâ, ka hnyi hnyamö Nebukaneza than Babulona, me hnyamen je iwahnaihmiony mödra, me hnyamen tavat adre me elâm he ka hlingʼ ödra: ke e ame he ka kuc ödra ge hele vat; e ame ca he ka omeli ödra, me hnyok kodra, me betenge.

Jeremia 39:10

Ke haba Nebuzaradana taben tavat tue, ame ip biju keihen ae theduoc, tavat ae ba omjeû unyidra, hnyi hnyei Juda, me ham minya ködra je hnyei vine me je utkânâ hnyi bong eling.

Jeremia 39:9

Ke haba je kolon tavat a hnen biju hnyi taun, me tavat kec waleji adre me utut kâu, me keihen minya a je kolon ame hum ödra Nebuzaradana taben tavat tue, Babulona at

Jeremia 52:9

Me adre me kât than, me hom e ka than Babulona Ribela ai hnyi hnyei Hamath, me e ame owisa kâu.

Ezekiela 33:28

Ke oge me he ka oba wan hnyei me me hnân lâiâ, kʼ ame he ka um dö hmanenanginy maniny man; kʼ ame he ka ba wan je bucen Isaraela, ke ba at ame he ka vheno.

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Deuteronomi 28:36

Ame he Iehova ka tha hum u, me tuhâm a at u me otilâ hom, ka hnyi hnyei ae ca khanö u, a u me lakâmâm; ke u me he ka bi athnyabainy eling ke je khong a uto me veto.

Deuteronomi 28:64

Ke ame he Iehova ka ovesei u ka hnyi je hnyei hia, hwân hnyi ke can hmeledrany ke ne o but ka hnyi obiny hmeledrany; ke u me he ka huliwa ka je khong ae ca khanö u, u, me lakâmâm, a utö me veto.

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.