Jeremia 52:24 - Iaai Bible 1901 (New Caledonia)

²⁴ Ke haba taben tavat tue ame hum Seraia at bihut ae beönua, me Zefania at bihut a loiny, me je hnyat a kun hnyat tuö hwanuma:

Jeremia 52:24 ပူးပေါင်းရင်းမြစ်များ

II. Je Than 23:4

Me haba than ame hûnö Hilekia at bihut ae nua, me tavat bihut a loiny, me tavat tuö hwanuma, he ka hom ûnyi hnyi hnyin uma umo Iehova je kaia hia adre ânyâ hobi kö Baala, me Aseira, me hobi kâu ta je ûnyi hia hnyi drany: me e ame thong degecâ hnyi hoton Jerusalema hnyi je utkânâ hnyi Kederon, me hom je dron Beth-ela ai.

II. Je Than 25:18

Ke haba taben tavat tue ame hum Seraia at bihut ae beönua, me Zefania at bihut a loiny, me kun ta hnyat tuö hwanuma:

I. Man Ûlabainy Je Than. 6:14

ke Azaria ame hnöku Seraia, ke Seraia ame hnöku Jozadaka;

Ezera 7:1

KE hwaban ta je ûnyi eling hnyi musi anyi Aretaseta than Peresi, me ame he Ezera nöku Seraia, nöku Azaria, nöku Hilekia,

Salamo 84:10

Anyin ae so bong a khaca hnyin je hnyeulem, hon je bong a wan thauzan. E beönua soiny könya he ka tuö hwanumen uma umen Khonguk, Hou he ka laba eio hnyin je uma mano umen tavat ae kong.

Jeremia 20:4

Anyin a walang hna ha hnö Iehova, ka habe. Wâ bi, oge me he ka wiö u bi hnân ooti u bi me la waem hia: ke adre me he ka ta ge hele vat anyin je iwahnaihmiony mödra, ke ame he li emâkâm ka wâ e: ke oge me he ka hna at Juda hia ka hnyi hnyamen than Babulona, ke ame he ka hum ödra Babulona ai, me hlingʼ ödra ge hele vat.

Jeremia 21:1

WALANG hofuc ame o kö Jeremia ûnyi ga Iehova waleji hnyi hnö Zedekia than hna kunö Pasur nöku Malekia kâu, me Zefania nöku Maseia at bihut ame ha, ka habe,

Jeremia 29:25

Walang hna ha hnö Iehova tuhan sabaoth, Khongu Isaraela, ka habe, Anyin a u je ûkhûnöng me je tusi hnyi iâm ka tavat hia a ödra hnyi Jerusalema, me kö Zefania nöku Maseia at bihut, me ka tavat bihut hia me ha, ka habe,

Jeremia 29:29

Ke haba Zefania at bihut ame aû tusi eling, ke ame löng Jeremia perofeta.

Jeremia 34:21

Ke oge me he ka ham Zedekia than Juda me anyin je taben ka hnyi hnyamen ta je iwahnaihmiony mödra, me ka tavat adre me elâm he ka hlingʼ ödra, me ka hnyi hnyamen utbavat anyin than Babulona, tavat adre me he hââng ûhedra unyibun.

Jeremia 35:4

me oge me hum ödra ka hnyi uma umö Iehova, ka hnyi hnyeuleny je laku Hanan, nöku Igedalia, a aten Khong, a hnyi baten hnyeuleny je taben, a hnyi bon hnyeule anyi Maseia nöku Saluma, at ame tuö hwanuma;

Jeremia 37:3

Haba Zedekia than ame kunö Jukala nöku Selemia, me Zefania, nöku Maseia at bihut, kö Jeremia perofeta me ha, ka habe, Ö u hic dö hobi kohmun kö Iehova Khonguta.

Jeremia 52:12

Ke haba hnyi tehi a thabûnginy hnyi bong a teniny tehi, wale huna a naintini Nebukaneza than Babulona, ame o but Nebuzaredana hnyi Jerusalema wale taben tavat tue, at ame tot hnyi hnyimakan than Babulona:

Jeremia 52:15

Me haba Nebuzaradana taben tavat tue ame hom bâ ke je hnyat ae theduoc me je kolon tavat a hnen biju hnyi taun, me tavat kec waleji adre me ut ka than Babulona, me ke je hnyat minya a je kolon.

Je tenge anyi Jeremi 4:16

Ame hia but ovesei ödra hnen hmonyin anyi Iehova; e ame ca he hmetu ka ûnykûmi ödra bi: Adre me ca okabâ hnyimakan tavat bihut; kʼ adre me ca betenge ge wahingat.

Ezekiela 11:7

Anyin a wale walang hna ha hnen Than Iehova, ka habe, Haba je hanibun waleji öbun e ip hnyin e, ödra a ta je viny bi, ke haba taun ang, me öt bi: ke adre me he ka hum öbun ûnyi hnyin e.

Ezekiela 24:5

Hok mamoe thö adre ûca, ke ûkhöûnâ je jö eû hmelen, ke ocitrouâ wia e; eke, ölâ ju je jö hnyi wanben e.

Ezekiela 34:10

Walang hna ha hnen Than Iehova, ka habe, Wâ bi, ûcûk tavat tuö mamoe; ke oge me he ka elâm hnok hnahat mamoe unyidra, me obʼ ödra mʼ adre me ca hān hmetu hnok hnahat mamoe; ke ame ca he hmetu tavat tuö mamoe ka ha ödra bi; ke oge me he ka hûgûnâ hnok hnahat mamoe ûnyi hnyi je hnyimödra bi, me me ca ö ʼdra hmetu.