Jeremia 52:20 - Iaai Bible 1901 (New Caledonia)

²⁰ Haba li hmolom, ke khaca taben köiö, me je bolok bras a twelv eû hnyi hmelen je taben, waleji hnö Solomona than hna ânyâ hobi kâu uma umo Iehova: e ca hnân tuluto ûhmakiny bras hnyi ta je ûnyi hia eling.

Jeremia 52:20 ပူးပေါင်းရင်းမြစ်များ

I. Je Than 7:25

Ke adre otabâ e hon je bolok a twelv, kun ame hnyimakan ka hnyi hwadro, ke kun ame hnyimakan jio, ke kun ame hnyimakan ka hnyi hwaiöu, ke kun ame hnyimakan deiö: ke ethö hon e taben köiö, ke ame iobinyköu eû hnyin.

I. Je Than 7:47

Ke Solomona ame hna ta je ûnyi hia, me ca tuluto bi, anyin ae ti se hia hmonyin: ke e ca khana he ka elâm ihmakiny je bras.

II. Je Than 25:16

Lo li hmolom, ke khaca taben köiö, me je taben waleji a ânyâ Solomona hobi kâu uma umö Iehova; ca hnân tuluto bi bras hnyin je ûnyi hia eling.

I. Man Ûlabainy Je Than. 22:14

Me wâ bi oge hia but penapena hnyi anyik vec wan haded thauzan je talan gol, me wan thauzan thauzan je talan sileva; me bras ma fao adre ca tuluto, anyin ae ti se hia; ke oge hia but penapena minya je uto me veto; ke e khatö u he ka bi hanen.

II. Man Ûlabainy Je Than. 4:18

Ke haba Solomona ame ânyâ ta je ûnyi hia eling ae ti se hia: ke adre me ca wâ bi ihmakiny bras.

Jeremia 52:17

Ke haba li hmolom bras hnyi uma umö Iehova, me je taben, me taben köiö a bras hnyi uma umö Iehova, at Kaledaia adre thö amamâ me hom brasiny hia Babulona ai.