Jeremia 52:13 - Iaai Bible 1901 (New Caledonia)

¹³ ke e ame thong degecâ uma umö Iehova, me uma umen than; ke e ame thong degecâ ge meic ta je uma hia hnyi Jerusalema, wale je uma ae gan hia.

Jeremia 52:13 ပူးပေါင်းရင်းမြစ်များ

I. Je Than 9:8

ke haba uma eang ae beû goranyai, ame he tavat hia adre me he eû hnyi gethen ka lâiâ, me jû; ke adre me he ka ha, ka habe, Anyin a ieû Iehova ame ânyâ helâe ka hnyei ang me uma ang?

II. Je Than 25:9

me e ame thong degecâ uma umo Iehova, me uma umen than; me je uma hia hnyi Jerusalema, wale je uma ae gan, e ame thong degecâ ge meic.

II. Man Ûlabainy Je Than. 36:19

Me ödrin e thong degecâ uma umen Khong, me thö degecâ hak veto hnyi Jerusalema, me thong degecâ ge meic je uma umen than, me okongoâ hia je kaiainy ae so.

Salamo 79:1

KHONG lö, ame o but aten ke je hnyei ka hnyi em; Adre hia but okongoâ umâm uma ae kap; Adre hia but thö Jerusalema me me vetaûnyi but.

Jeremia 19:13

ke haba ta je uma hnyi Jerusalema, me ta je uma umen je than Juda, a je uma adre oikikiâ, ame he ka helâ me Tofet, wale je uma hia thithö waleji adre me leû utö ae bo so ka hnyi hon ka ta je ûnyi hia hnyi drany, me hingâlâ hudiny ic ka ke je khong.

Jeremia 21:10

Anyin a inya oge hia but hnyimakök ka hnyi taun ang me me kong, ke ca hnân bi so, haingö Iehova: adre me he ka hna e ka hnyi hnyamen than Babulona, ke e ame he ka thong e ge meic.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 22:14

at ame ha, ka habe, oge me he ka op umök uma ae lau, ke bwang je hnyeule, ke e ame kave anyin je mamalama; ke adre me tube ethö hnyin ge arasi, me botro ge botru ae dra.

Jeremia 32:29

ke ame he ka o at Kaledaia tavat adre me vat me taun ang, me thong taun ang ge meic me me hlâ, tha e me je uma wale adre me leû utö ae bo so hon kö Baala, me hingâlâ hudiny ic ka ke je khong, me adre me ohmönyini nya.

Jeremia 34:22

Wâ bi, haingö Iehova, ka habe, o ge me he ka hûna me ohmetu ödra ka hnyi taun ang; ke adre me he ka vat më, me hûgûnâ e, me thong e ge meic: ke oge me he ka wia je tauniny Juda, me me ba wan, ke ba at ama labā.

Jeremia 38:23

Ke adre me he ka hom je lââiâm me je lakom ka at Kaledaia: ke u me ca he ka kec gadra, anyin ame he ka kot u hnen than Babulona: ke u me he ka thong taun ang ge meic.

Jeremia 6:5

Todrö, mʼ ate me he ka ölö hnyi hnyinghet, me ate me he ka ohia je uma umen tuhan.

Jeremia 7:14

anyin a wale oge me he ka ânyâ ka uma wale adre ip hon iök waleji öbun e labageju kâu, me ka hnyi dok waleji oge ham köbun me lakamöbun helâ me hnok hna ânyâ ka Silo.

Je tenge anyi Jeremi 2:5

Ke helâke e iwahnaihmiöny Than, e ame utâ Isaraela; E ame utâ je uma hia umen than, e ame ohia anyin je hnabâ: Ke e ame hia but osehia tenge me tenge thungaû ka hluiny Juda.

Je tenge anyi Jeremi 2:6

Ke e ame hia but hûgûnâ hwegiâ umen uma menâ, helâke uma menâ bi hnyi ta hnyei; E ame hia but ohia dok adre me ûkhacaköu hnyin: Haba Iehova ame ohnyingâ hnyi Ziona ûkhacaköu ae ûnyi hnathu, me sabath, Kʼ ame hûkotiâ than me at bihut hnyi anyin hmonyin ae gan.

Je tenge anyi Jeremi 2:7

Haba Than ame hia but hota degecâ taben hut kâu, e ame hia but ikikiâ anyin dok ae kap, E ame hia but hna ka iwahnaihmiöny umen je uma ae mec: Adre hia but mede hnyi uma umo Iehova helâ me bong ûkhacaköu ae ûnyi hnathu.

Je tenge anyi Jeremi 2:8

Iehova ame hia but ûnykûme he ka ohia hna up veto anyin hluiny Ziona; E ame hia but lelö tulut, e ame ca thu hmetu hnyamen hnyi hnen hna ohia: Ke e ame kunâ singiny me hna up veto he ka tenge; kʼ ame tha sēnyin.

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Ezekiela 24:21

Ha thö ka lap anyi Isaraela, ka habe, Walang hna ha hnen Than Iehova, ka habe, Wâ bi, oge me he ka okongoâ anyik dok ae kap, wale tang hwegiöbun ae beönua, webun, ame oûnyihnatho hnen hnyekubun; ke ame he ka ta ge hele vat je lakubun obaga me wahlu waleji öbun e kec hotʼ ödra.

Amosa 2:5

ke oge me he ka kunâ meic hon Juda, kʼ ame he ka thong degecâ je uma umen than hnyi Jerusalema.

Amosa 6:11

Anyin a wâ bi, Iehova ame hûna, ke adre me he ka kot uma ae gan, me me amam but, ke uma ae ûhnyûkong me me khekhe but.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Zakaria 11:1

LEBANONA lö, khong ut je homagouleny me me he meic ka thong degecâ ânyâm je arasi.

Mataio 24:2

Haba Iesu ame ha ködrin, ka habe, Hawa, öbun e wâ but ta je ûnyi hia eang? e hnathu inya oge me ba köbun, ka habe, Ame ca he bi ke veto ka mokut hon ke veto, ke adre me he ka thö degecâ hia.