Jeremia 51:9 - Iaai Bible 1901 (New Caledonia)

⁹ Ate me beomeli Babulona, kʼ ame ca mot bi: hna but e, ke ate me he ka ve he ka hnyi ta je ita; anyin a haba hwaban bi, me ke ne o but ka hnyi drany, kʼ ame o but ka hnyi ta je ûlâ.

Jeremia 51:9 ပူးပေါင်းရင်းမြစ်များ

II. Man Ûlabainy Je Than. 28:9

Ke e hu eling ke perofeta anyi Iehova, Obed ien: ke e ame he me ûkhanö me je utbavat adre me o hnyi Samaria, me ha ködrin, ka habe, Wâ bi, anyin a Iehova Khongon lakamöbun ame hmonyin ka at Juda, me ame hnʼ ödrin ka hnyi hnyamöbun, mʼ öbun e hia but hlingʼ ödrin kʼ ame sâ thö hnyi drany ai anyibun hmonyin.

Ezera 9:6

me oge me ha, ka habe, Khonguk lö, iny hmehma but me hmak he ka hngele hnyidranyai köu Khonguk: anyin ae gan hmâ hnyikonguhmun hnyi hon je hohmun, ke gan hmâ anyihmun hulo ke ne o but hnyi drany.

Isaia 13:14

Ke adre me he ka ve hwio ka hnyi idra ta je hnyei, me ve kec ka hnyi ta je idra, helâ me zebi adre hnu, me helâ me je mamoe ae ba at ame alen.

Isaia 47:15

Adre me he ka helâe köu ta je ûnyi waleji u je hia but huliwa hnyin: haba tavat adre me ûcû omjeû unyâm hwân ke u tiga wanakat me adre me he ka ve he but hnyi dedra je gethen; ke ba bi at ame he ka omeli u.

Jeremia 46:16

E ame ohaûâ tavat ae se hia, eke, ke at ame ta hon ke at; ke haingodra, ka habe, Todrö, ate me hmetu ka ta je atöta, me hnyei adre me hnöku ota hnyin, can hele vat at ame ûokonguny.

Jeremia 46:21

Haba je aten adre me hok hwaban hnyi wanben e, ödra helâ me je nokon kau adre me tuö hnyi uma; anyin adre me hwio minya me tha kec, adre me ca tot hmâ bi: anyin ame o but kodra bong bongudra vec, ûen he ka senʼ ödra.

Jeremia 50:16

Suba degecâ but at ame tā ûheny Babulona, me at ame huliwa ge ûnyi hnân subö hwit hnyi ûen menu: adre me he ka ve hnyimakodra ka hnyi je idra, me ve kec ka hnyi idra je hnyei, can hele vatiny ûöveci.

Jeremia 8:20

A um dö ûen menu: obiny ju ang honivakeny, ke adre ca omeli öta bi.

Hosea 7:13

Ekölö gadra! anyin adre hia but he monu gak; hangʼ ödra but! anyin adre hia but hanyâûâ gak: oge me beûcû melidra, ke adre me sit hofuc thoi bi gak.

Hna Omanenâ 18:4

Ke oge me löng ke hofuc minya hnyi drany ame ha, ka habe, Lakeik lö, he but ge momo, mʼ öbun e ca hnyi hanen anyin je hulo, me me ca o köbun anyin je mok:

Hna Omanenâ 18:5

anyin a o but hnyi drany anyin ta je hulo, ke Khong ame ûnykûme anyin ta je monu.