Jeremia 51:8 - Iaai Bible 1901 (New Caledonia)

⁸ Ame ie ta but Babulona me aû but: kuku tenge thö gan; hok basama thö hnân eny anyin vec, kʼ ame ne he la ka mot.

Jeremia 51:8 ပူးပေါင်းရင်းမြစ်များ

Isaia 21:9

ke wâ bi, waleû deö at ame o, tavat tabö hors a ödra ûsa lo. Ke e ame thu me ha, ka habe, A ta but, a ta but Babulona; ke adre hia but sa hnyikânâi je idolainy je khongon.

Isaia 47:11

Anyin a wale ame he ka o köu ûnyi ae kong, ke u me ca he ka wâ deny ame he ka o hnyin: ke ame he ka o köu ûokonguny ke ca khanö u he ka onua: ke ame he ka ie o köu hnaûhango ke ca khanö u bi.

Isaia 47:9

ke so bi ame he ka o köu li ûnyi ang helâ me thuthubademak hnyi bong a khaca, wale ba nokon, me ba âiân: ame he ka ti o köu, eja ke ne u je ne osehia bala ânyâm je bihihwakecin, me osehia bi khong.

Jeremia 46:11

Ölö thö Gileada ai, me hok basama, u hluiny Aigupito: e ûnyi baû bi hnâm hna bi bubuny ae se hia; e ba bi eny hobi köu.

Jeremia 48:20

A hmehma but Moaba; anyin adre hagutâ e: kuku thö goranyai me tenge; ha thö e hnyi Arenona a ga aû hia but Moaba.

Jeremia 48:31

Anyin a wale oge me he ka; kuku goranyai ge Moab; eke, oge me he ka hongot tenge ge Moaba hia: adre me he ka tenge thungaû ge at Kira-heres.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Jeremia 51:41

Nakainy hna hûgûnâ Sesaka! kʼ ame ie utut hnen hna ogânâ hnen hmeledrany hia! Ekölö, e ba but wan Babulona unyin je hnyei hia!

Jeremia 8:22

Hawa, e ba basama hnyi Gileada? e ba at eling ae tren bubuny? anyin a ieû adre me ca omelo hluiny ik hnyei.

Ezekiela 30:2

Nokon at lö, perofeta thö, me ha, ka habe, Walang hna ha hnen Than Iehova, ka habe, Kuku tenge thʼ öbun, Ekölö ge bong!

Daniela 5:24

me ame kunâ ûnyi gan hanen hnyam ang, me ame sihnalimen hofuc ang.

Daniela 5:31

Ke haba Dariu at Madai ame kap musi hnyi dökhu, kʼ ame ne sikste tu je hunainy.

Nahuma 3:19

E ba hnân okatebo hnâm hmouca; ke kong ut hnâm aat: ke haba tavat adre me long ge bongom, me adre me khöûkhöû hnyam gam; anyin â ie at ame ca hia but labö cap kâu ânyâm hulö?

Hna Omanenâ 14:8

Ke ame he hoton e ke angela, at a loiny, kʼ ame ha, ka habe, A ū but, A ū but Babulona ae gan, waleji at ame kunâ ta je hnyei hia he ka ijem wainainy tang hmonyin hnyi bi ûnyi monu a e.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.