Jeremia 51:7 - Iaai Bible 1901 (New Caledonia)

⁷ Babulona ehac, me helâji me kaia gol hnyi hnyamö Iehova, kʼ ame omono hmeledrany hia: kʼ ame hia but ijem wainainy ge ta je hnyei; anyin a wale ame monu thö ta je hnyei.

Jeremia 51:7 ပူးပေါင်းရင်းမြစ်များ

Isaia 14:4

me u me he ka hai ûhöûcû eang ge than Babulona, u me ka ha, ka habe, Ekölö ge hna bi obiny at ûsedö! ke adre me bi obiny taun gol!

Jeremia 13:13

Me u me he ka ha kodra, ka habe, Walang hna ha hnö Iehova, ka habe, Wâ bi, oge me he ka öunöngötâ tavat aten hnyei ang hia, wale je than a tavat adre me tabâ theron anyi Davita, me tavat bi hut, me ta je perofeta, ma aten Jerusalema hia, mʼ adre me he ka monu ge grâk.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 50:38

E hu bongon ihmeiny hon köien je köihnam, kʼ ame he ka hwahwacit: anyin a e hnyeiny ta je hnatheat, kʼ adre me ti hobâ je idola.

Ezekiela 23:42

Ke e hu bi unyin hwan tavat ae se hia adre me laba monu: ke adre me hom tavat adre me monu ge grâk ûheny hnyi hnyebuba tha ödra me je houmonu; ke adre me inâ je waen hon li benyidra, me obicʼ ödru ge je korona ae hmanenang.

Daniela 2:32

Ke haba ban hnatheat eling, me gol ae so, ke haba ûlainy ke li benyin, me sileva, ke haba hnyekon ke li jevan, me bras,

Daniela 2:38

Ke e ame hia but hna ka hnyi hnyamâm je menoiny hnyot, me je meno ame gâ ethö, hnyi je dok hia ame laba hnyin lakon tavat, ke e ame hna köu he ka musi ödra hia: haba u, waleji ban a gol.

Hna Omanenâ 14:8

Ke ame he hoton e ke angela, at a loiny, kʼ ame ha, ka habe, A ū but, A ū but Babulona ae gan, waleji at ame kunâ ta je hnyei hia he ka ijem wainainy tang hmonyin hnyi bi ûnyi monu a e.

Hna Omanenâ 17:2

ke ta je thaniny hmeledrany adre me bi ûnyi monu mē, kʼ ame monu aten hmeledrany hnen wainainy anyin bi ûnyi monu.

Hna Omanenâ 17:4

Haba momo, me ame khavâ ûkhaû ae udrudrâ hlit ke dra, ke a theibâ ge gol me je veto ae gan hwaban me je penina, ke e hu hnyi hnyamen kaia gol, ke unöngöt ge je ûnyi ae ikiki, a ta je ûnyi ae kong ûnyi hnyi anyin bi ûnyi monu,

Hna Omanenâ 18:23

ke ame ca he hmetu ka umumelam hnyi wanbâm bâhlân lamepa; ke adre me ca he hmetu ka löng hnyi wanbâm ifucin li at ödre tep faipoipo: anyin a haba tavat ûcû unyâm, me ödrin e beönua hnyi hmeledrany: ke adre me omonoâ ta je hnyei hia ge ânyâm je bihihwakecin.

Hna Omanenâ 18:3

Anyin a ū but ta je hnyei hia ge wainainy tang hmönyininy bi ûnyi monu anyin momo; ke ame bi ûnyi monu me je than eang hmeledrany, kʼ ame tren omjeû tavat ûcû eang hmelen ge maniny hna osenyinâ unyin momo.

Hna Omanenâ 19:2

anyin ae hnathu me wisa hnen hna bi hwaban; anyin a hia but bi hwaban ka momo hnyi gethen ae nua, at ame okongoâ hmeledrany ge anyin bi ûnyi monu, ke a hia but bi hwaban kâu can dren lathnyabainy.