Jeremia 51:64 - Iaai Bible 1901 (New Caledonia)

⁶⁴ ke u me he ka ha, ka habe, Ame he Babulona ka dit helâe, ke ame ca he bi ka höhöi can okongon oge me he ka oâ kâu: ke adre me he ka sënyin. A um dö je hofuc ho Jeremia.

Jeremia 51:64 ပူးပေါင်းရင်းမြစ်များ

Jobu 31:40

Awe, e so he ka kû iwadekong hwaban hwit, Me je watetaföcö hwaban bali. A um dö je hofuc ho Jobu.

Salamo 72:20

A um dö ta je hic hiji Davita a nöku Jese.

Salamo 76:12

E ame he ka sö degecâ but hanon ta je tuhan: E at hnân outen ka ta je thaniny hmeledrany.

Isaia 47:13

U at ae sēnyin ge ânyâm je ûhnenamö ae se hia: e so ame he tavat adre me khenâ drany, ke tavat adre tuö je okhû, ke tavat wâ tremângâ je tehi, he ka tot me omeli u ûnyi hnyi ta je ûnyi ame he ka o köu.

Jeremia 13:4

Hom dö wen u je ûco, wale hnyi hnyâm, ke todrö, he thö Euferate ai, me ikhâlâ e hnyi esopiny kic.

Jeremia 19:10

Me u me he ka thö kaia hnyi hnyimakan tavat adre me tha he möu.

Jeremia 25:27

Ke u me he ka ha kodra, ka habe, Walang hna ha hnö Iehova tuhan sabaoth, Khongu Isaraela, ka habe, Ijem dʼöbun, ke monu thö, me hmita but, me ta ju, ke ca tot hmetu bi, can hele vat oge me he ka kunâ köbun.

Jeremia 51:42

Ame khibi thö köiö hon Babulona, ame khutu takoû e hnen je waköiöny ae se hia.

Jeremia 51:58

Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Jeremia 9:5

Ke adre me he ka ve iyawâ je lahanödra, me ca ha bi hnathu; adre hia but nâ je bohmödra he ka fuc thoi; adre sënyin dut anyin ânyâ hwakecin ae kong.

Ezekiela 28:19

Adre me he ka uthmâhmâ gam wale tavat adre me wâhmakhmetu u hia hnyi ta je hnyei: u me he ka hnân hângâ, ke u me ca he hmetu ka manen nyiele balua.

Habakuka 2:13

Wâ bi, hawa, ca ûnyi ga Iehova tuhan sabaoth a ame he tavat ka huliwa hobi kâu meic, me ame he je hnyei ka osēnyini ödra hnyi ûnyi ae ûnyi baû?

Hna Omanenâ 14:8

Ke ame he hoton e ke angela, at a loiny, kʼ ame ha, ka habe, A ū but, A ū but Babulona ae gan, waleji at ame kunâ ta je hnyei hia he ka ijem wainainy tang hmonyin hnyi bi ûnyi monu a e.

Hna Omanenâ 18:2

Ke e ame ha ge hwan ae hwege, ka habe, A ū but, a ū but Babulona ae gan, kʼ adre wia e hnân hnyaban ta je demoni, me uma umen ta je hanu hia ae kong, me uma umen ta je meno hia ame gâ ae ikiki kʼ adre hûkotiâ.

Hna Omanenâ 18:21

Ke haba ke angela ae hwege ame hom veto helâke me veto adre omomono ae gan me khûâ ka hnyi köiö, me ha, ka habe, Helâe minya adre me he ka hagutâ Babulona taun ae gan, ge hna khûâ ae hwege, ke adre me ca he hmetu ka wâ e bala.