Jeremia 51:59 - Iaai Bible 1901 (New Caledonia)

⁵⁹ Walang hofuc ame hûna Jeremia perofeta kö Seraia, nöku Neria, nöku Maseia, waleji hnyi hnen hna tha he me Zedekia than Juda Babulona ai hnyi huna a vakiny anyin musi. Haba Seraia, me wale at muso hnyaban than.

Jeremia 51:59 ပူးပေါင်းရင်းမြစ်များ

Ezera 5:12

Ke haba hwaban dö e a hia but lakamöhmun ohmönyinâ Khongon drany, me e ame hnʼ ödrin ka hnyi hnyamö Nebukaneza than Babulona at Kaledaia, at ame ohia uma eang, me hom tavat Babulona ai.

Jeremia 28:1

KE haba hnyi huna eling, hnyi hwâniny musi a Zedekia than Juda, hnyi huna a vakiny, hnyi tehi a thabûnginy, me ame fuc könya Hanania nöku Azura perofeta at ûheny Gibeona, hnyi uma umö Iehova hnyi hnyimakan tavat bihut me tavat hia, ka habe,

Jeremia 32:12

Me oge me ham tusiny ûcû kö Baruka nöku Neria, nöku Maseia, me hnyi hnyimakö Hanamela nöku cica, me hnyi hnyimakan tavat ohnatho tavat adre set iödra hnyi hna ûhihinyköu ge hna ûco, me hnyi hnyimakan tavat Juda hia tavat adre me laba hnyi hnyeuleny uma ceat.

Jeremia 36:4

Haba Jeremia ame hao Baruka nöku Neria; ke haba Baruka ame sihnalimen hia ûnyi hnyi hnyimö Jeremia ta je hofuc ho Iehova waleji e ame ha kâu, hnyi tusi adre vhec.

Jeremia 45:1

WALANG hofuc ame ha Jeremia perofeta kö Baruka, nöku Neria, waleji hnyi hnen hna sihnalimen ta je hofuc ang hnyi tusi ûnyi hnyi hnyimö Jeremia, hnyi huna a vaki Jehoiakima nöku Josea than Juda, ka habe,

Jeremia 52:1

TWENTE wan dut je hunai Zedekia hnyi ûen e ame hwân he ka musi; ke e ame musi eleven je huna hnyi Jerusalema: ke haba ien hinyen, me Hamutala a nöku Jeremia at Libena.