Jeremia 51:58 - Iaai Bible 1901 (New Caledonia)

⁵⁸ Walang hna ha hnö Iehova tuhan sabaoth, ka habe, Adre me he ka thö degecâ je haginy ae lau adre op hnyi Babulona, kʼ adre me he ka thong ge meic je hlinginy homagouleny ae gorany; ke ame he tavat ka huliwa hnân ûnyi baû, me je hnyei hnân meic; ke adre me he ka sënyin.

Jeremia 51:58 ပူးပေါင်းရင်းမြစ်များ

Salamo 127:1

ANE ca op Iehova uma, Më me be tavat ka okhot ka op e: Ame ne ca tuö bi taun Iehova, Ma me he ka hmak baû at ame tue.

Isaia 13:2

Ogöranyâ thö boûdila hon bucen dok ae ba leûnen, hongot dö kodra, ûalû thö ge hnyam, mʼ adre me didro hnyi je homagouleny je than.

Isaia 47:13

U at ae sēnyin ge ânyâm je ûhnenamö ae se hia: e so ame he tavat adre me khenâ drany, ke tavat adre tuö je okhû, ke tavat wâ tremângâ je tehi, he ka tot me omeli u ûnyi hnyi ta je ûnyi ame he ka o köu.

Isaia 65:23

Adre me ca he bi ka huliwa baû, kʼ adre me ca he ka hnokoâ hnân hobi kâu ûokonguny; anyin a ödra je mâtrâniny tavat a hahnahicâ Iehova, tha ödra me lakudra.

Jeremia 50:15

Hongot dö goranyai kâu igigilo; a ngâ but; a kolu but je hak, kʼ adre kia thö je hna up haginy: anyin a waleling hmonyin anyi Iehova; bi hwaban ju kâu; ânyâ thö kâu helâ me hnen hna ânyâ.

Jeremia 51:30

Ame ca bevat hnen tavat hwege hnyi Babulona, adre me laba hnyi hnyin je hnabâ: e ba but tang hwegiödra; ödra ûcû me omomo: a thong ut je hnyabadra; ke a mou thö ta je ohmâiny.

Jeremia 51:44

Ke oge me he ka bi hwaban kö Bel hnyi Babulona, ke oge me he ka hom hmetu ûnyi hnyi hnyimen ûnyi e ame hia but utâ; ke ame ca he ka o kâu je hnyei: eke, ame he ka ta but hna up veto hnyi Babulona.

Jeremia 51:64

ke u me he ka ha, ka habe, Ame he Babulona ka dit helâe, ke ame ca he bi ka höhöi can okongon oge me he ka oâ kâu: ke adre me he ka sënyin. A um dö je hofuc ho Jeremia.

Jeremia 51:9

Ate me beomeli Babulona, kʼ ame ca mot bi: hna but e, ke ate me he ka ve he ka hnyi ta je ita; anyin a haba hwaban bi, me ke ne o but ka hnyi drany, kʼ ame o but ka hnyi ta je ûlâ.

Jeremia 9:5

Ke adre me he ka ve iyawâ je lahanödra, me ca ha bi hnathu; adre hia but nâ je bohmödra he ka fuc thoi; adre sënyin dut anyin ânyâ hwakecin ae kong.

Je tenge anyi Jeremi 5:5

Tavat adre me hnu ohmun adre me tot hon je nyihmun: Ohmun e sēnyin, me ca menâ bi.

Habakuka 2:13

Wâ bi, hawa, ca ûnyi ga Iehova tuhan sabaoth a ame he tavat ka huliwa hobi kâu meic, me ame he je hnyei ka osēnyini ödra hnyi ûnyi ae ûnyi baû?