Jeremia 51:57 - Iaai Bible 1901 (New Caledonia)

⁵⁷ Ke oge me he ka omono je tuhan me tavat unyin ae metâ, me je gavenainy me anyin je taben, me tavat unyin ae hwege; ke adre me he ka mokut nyiele balua, me ca hmak hmetu bi, haingen Than, Iehova tuhan sabaoth ien.

Jeremia 51:57 ပူးပေါင်းရင်းမြစ်များ

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 44:25

inya at ame oûnyibaûâ je haten anyin tavat ae thoi, me omono tavat bi khong; me ohmeto tavat ae metâ, me omono anyidra wâhmakhmeto:

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Jeremia 13:13

Me u me he ka ha kodra, ka habe, Walang hna ha hnö Iehova, ka habe, Wâ bi, oge me he ka öunöngötâ tavat aten hnyei ang hia, wale je than a tavat adre me tabâ theron anyi Davita, me tavat bi hut, me ta je perofeta, ma aten Jerusalema hia, mʼ adre me he ka monu ge grâk.

Jeremia 25:27

Ke u me he ka ha kodra, ka habe, Walang hna ha hnö Iehova tuhan sabaoth, Khongu Isaraela, ka habe, Ijem dʼöbun, ke monu thö, me hmita but, me ta ju, ke ca tot hmetu bi, can hele vat oge me he ka kunâ köbun.

Jeremia 46:18

Haingen Than, Iehova tuhan sabaoth ien, ka habe, Kia inya, e hnathu e ame he ka o helâ me Tabora unyin ta je bucen, ke helâ me Karemela hnyi baten köiö.

Jeremia 48:15

Adre kot hia thö Moaba, ke adre me he ka hnyi je taun, ke haba anyin je hidröu e ame ûca, adre me he unyin tavat adre me he ka hlingʼ ödra, haingen Than, Iehova tuhan sabaoth ien.

Jeremia 50:30

Anyin a wale ame he ka ta hnyi ta je getheniny wahidröuiny, ke adre me he ka ohia anyin tavat vat hia hnyi bong eling haingö Iehova.

Jeremia 51:39

Ödra ka kahwa me oge me he ka bi jeu hobi kodra, me omonu ödra ge grâg, mʼ adre me he ka hobâ, me mokut nyiele balua, me ca hmak hmetu, haingö Iehova.

Ezekiela 20:33

Haingen Than Iehova, ka habe, kia inya inya a oge me he ka bi than hubun ge hnyam ae hwege me beny adre hai, me hmonyin adre hingâlâ:

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Nahuma 3:18

Than Asuria lö, ame mokut ut tavat tuö mamoe unyâm: kʼ ame mokut minya tavat ae ûnyi hnathu unyâm: kʼ ame vese but lakem hon je bucen, ke ba at he ka ûkhacaköu Ödra.

Malaki 1:14

Ke e ka mok at iyawö, at ae hu baga hnyi haleny hnahat mamoe, ke e ame bi khöbi, me hudo at ae kong ka Than; anyin a iny than ae gan hmâ, haingö Iehova tuhan sabaoth, ke hnân outen iök unyin je Hnyei.

Hna Omanenâ 18:9

Ke ame he je thaniny hmeledrany tavat adre me bi ûnyi monu me tha senyin më ka tenge thungaû can ödrin ka wâ hainy hna thong e,